ଗଙ୍ଗାଷ୍ଟକଂ 1 କାଲିଦାସକୃତମ୍
ଗଙ୍ଗାଷ୍ଟକଂ 1 କାଲିଦାସକୃତମ୍
ଶ୍ରୀଗଣେଶାୟ ନମଃ ॥
ନମସ୍ତେଽସ୍ତୁ ଗଙ୍ଗେ ତ୍ୱଦଙ୍ଗପ୍ରସଙ୍ଗାଦ୍ଭୁଜଂ ଗାସ୍ତୁରଙ୍ଗାଃ କୁରଙ୍ଗାଃ ପ୍ଲବଙ୍ଗାଃ ।
ଅନଙ୍ଗାରିରଙ୍ଗାଃ ସସଙ୍ଗାଃ ଶିବାଙ୍ଗା ଭୁଜଙ୍ଗାଧିପାଙ୍ଗୀକୃତାଙ୍ଗା ଭବନ୍ତି ॥ ୧॥
ନମୋ ଜହ୍ନୁକନ୍ୟେ ନ ମନ୍ୟେ ତ୍ୱଦନ୍ୟୈର୍ନିସର୍ଗେନ୍ଦୁଚିହ୍ନାଦିଭିର୍ଲୋକଭର୍ତୁଃ ।
ଅତୋଽହଂ ନତୋଽହଂ ସତୋ ଗୌରତୋୟେ ବସିଷ୍ଠାଦିଭିର୍ଗୀୟମାନାଭିଧେୟେ ॥ ୨॥
ତ୍ୱଦାମଜ୍ଜନାତ୍ସଜ୍ଜନୋ ଦୁର୍ଜନୋ ବା ବିମାନୈଃ ସମାନଃ ସମାନୈର୍ହି ମାନୈଃ ।
ସମାୟାତି ତସ୍ମିନ୍ପୁରାରାତିଲୋକେ ପୁରଦ୍ୱାରସଂରୁଦ୍ଧଦିକ୍ପାଲଲୋକେ ॥ ୩॥
ସ୍ୱରାବାସଦମ୍ଭୋଲିଦମ୍ଭୋଽପି ରମ୍ଭାପରୀରମ୍ଭସମ୍ଭାବନାଧୀରଚେତାଃ ।
ସମାକାଙ୍କ୍ଷତେ ତ୍ୱତ୍ତଟେ ବୃକ୍ଷବାଟୀକୁଟୀରେ ବସନ୍ନେତୁମାୟୁର୍ଦିନାନି ॥ ୪॥
ତ୍ରିଲୋକସ୍ୟ ଭର୍ତୁର୍ଜଟାଜୂଟବନ୍ଧାତ୍ସ୍ୱସୀମାନ୍ତଭାଗେ ମନାକ୍ପ୍ରସ୍ଖଲନ୍ତଃ ।
ଭବାନ୍ୟା ରୁଷା ପ୍ରୋଢସାପନ୍ତଭାବାତ୍କରେଣାହତାସ୍ତବତ୍ତରଙ୍ଗା ଜୟନ୍ତି ॥ ୫॥
ଜଲୋନ୍ମଜ୍ଜଦୈରାବତୋଦ୍ଦାନକୁମ୍ଭସ୍ଫୁରତ୍ପ୍ରସ୍ଖଲତ୍ସାନ୍ଦ୍ରସିନ୍ଦୂରରାଗେ ।
କ୍କଚିତ୍ପଦ୍ମିନୀରେଣୁଭଙ୍ଗେ ପ୍ରସଙ୍ଗେ ମନଃ ଖେଲତାଂ ଜହ୍ନୁକନ୍ୟାତରଙ୍ଗେ ॥ ୬॥
ଭବତ୍ତୀରବାନୀରବାତୋତ୍ଥଧୂଲୀଲବସ୍ପର୍ଶତସ୍ତତ୍କ୍ଷଣଂ କ୍ଷୀଣପାପଃ ।
ଜନୋଽୟଂ ଜଗତ୍ପାବନେ ତ୍ୱତ୍ପ୍ରସାଦାତ୍ପଦେ ପୌରୁହୂତେଽପି ଧତ୍ତେଽବହେଲାମ୍ ॥ ୭॥
ତ୍ରିସନ୍ଧ୍ୟାନମଲ୍ଲେଖକୋଟୀରନାନାବିଧାନେକରତ୍ନାଂଶୁବିମ୍ବପ୍ରଭାଭିଃ ।
ସ୍ଫୁରତ୍ପାଦପୀଠେ ହଠେନାଷ୍ଟମୂର୍ତେର୍ଜଟାଜୂଟବାସେ ନତାଃ ସ୍ମଃ ପଦଂ ତେ ॥ ୮॥
ଇଦଂ ଯଃ ପଠେଦଷ୍ଟକଂ ଜହ୍ନୁପୁତ୍ର୍ୟାସ୍ରିକାଲଂ କୃତଂ କାଲିଦାସେନ ରମ୍ୟମ୍ ।
ସମାୟାସ୍ୟତୀନ୍ଦ୍ରାଦିଭିର୍ଗୀୟମାନଂ ପଦଂ କୈଶବଂ ଶୈଶବଂ ନୋ ଲଭେତ୍ସଃ ॥ ୯॥
ଇତି ଶ୍ରୀକାଲିଦାସକୃତଂ ଗଙ୍ଗାଷ୍ଟକସ୍ତୋତ୍ରଂ ସମ୍ପୂର୍ଣମ୍ ॥
Comments
Post a Comment