ଗଙ୍ଗାସ୍ତୋତ୍ରମ୍ ୪
ଗଙ୍ଗାସ୍ତୋତ୍ରମ୍ ୪
ଶ୍ରୀଗଣେଶାୟ ନମଃ ।
ପର୍ୱତଭେଦି ପବିତ୍ରଂ ଜୈତ୍ରଂ ନରକସ୍ୟ ବହୁମତଂ ଗହନମ୍ ।
ହରିମିବ ହରିମିବ ହରିମିବ ସୁରସରିଦମ୍ଭଃ ପତନ୍ନମତ ॥ ୧॥
ଇୟଂ ଚିଦ୍ରୂପାଽପି ପ୍ରକଟଜଡରୂପା ଭଗବତୀ
ଯଦୀୟାମ୍ଭୋବିନ୍ଦୁର୍ୱିତରତି ଚ ଶମ୍ଭୋରପି ପଦମ୍ ।
ପୁନାନା ଧୁନ୍ୱାନା ନିଖିଲମପି ନାନାବିଧମଘଂ
ଜଗତ୍କୃସ୍ନଂ ପାୟାଦନୁଦିନମପାୟାତ୍ସୁରଧୁନୀ ॥ ୨॥
ବାତେ ବାଽପି ଯଦଙ୍ଗସଙ୍ଗମବଶାଚ୍ଛ୍ରୀଶମ୍ଭୁରୂପପ୍ରଦେ
ଗୌରୀ ରୁଷ୍ୟତି ତୁଷ୍ୟତି ତ୍ୱହିପତିର୍ୱିନ୍ଧ୍ୟାଟବୀ ଶୋଚତି ।
ଚନ୍ଦ୍ରସ୍ତ୍ରସ୍ୟତି କୁପ୍ୟତେ ହରିରପି ବ୍ରହ୍ମା ପରଂ ଶଙ୍କତେ
ସା ଗଙ୍ଗା ନିଖିଲଂ କଲଙ୍କନିଚୟଂ ଭଙ୍ଗଂ ତୁରଙ୍ଗୈନର୍ୟେତ୍ ॥ ୩॥
ମୁକ୍ତାଭା ନୃକପାଲଶୁକ୍ତିଷୁ ଜଟାବଲ୍ଲୀଷୁ ମଲ୍ଲୀନିଭା
ବହ୍ନୌ ଲାଜନିଭା ଦୃଶୌ ମଣିନିଭା ଭୋଗୋତ୍କରେ ଭୋଗିନାମ୍ ।
ନୃତ୍ୟାବର୍ତବିବର୍ତନେରିତପୟଃସମ୍ମୂର୍ଚ୍ଛନୋଚ୍ଛାଲିତାଃ
ଖେଲନ୍ତୀ ହରମୁର୍ଧନି ପାନ୍ତୁ ଭବତୋ ଗଙ୍ଗାପୟୋବିନ୍ଦବଃ ॥ ୪॥
ଏଷା ଧର୍ମପତାକିନୀ ତଟସୁଧାସେବାବସନାକିନୀ
ଶୁଷ୍ୟତ୍ପାତକିନୀ ଭଗୀରଥତପଃସାଫଲ୍ୟହେବାକିନୀ ।
ପ୍ରେମାରୂଢପିନାକିନୀ ଗିରିସୁତାସାକେକରାଲୋକିନୀ
ପାପାଡମ୍ବରଡାକିନୀ ତ୍ରିଭୁବନାନନ୍ଦାୟ ମନ୍ଦାକିନୀ ॥ ୫॥
ଇତି ଗଙ୍ଗାସ୍ତୋତ୍ରଂ ସମ୍ପୂର୍ଣମ୍ ।
https://ganja-upasana.blogspot.com/2025/02/blog-post_92.html
Comments
Post a Comment