ଗଙ୍ଗା କବଚମ୍ 2
ଗଙ୍ଗାକବଚମ୍ 2
ବିପ୍ର ଉବାଚ-
କବଚଂ ତେ ପ୍ରବକ୍ଷ୍ୟାମଃ ପାର୍ୱତ୍ୟୈ ଯଚ୍ଛିବୋଽବ୍ରବୀତ ।
ଯସ୍ୟ ସନ୍ଧାରଣାନ୍ମର୍ତ୍ୟଃ ସାକ୍ଷାଦ୍ୱୈଶ୍ରବଣୋ ଭବେତ୍ ॥ ୧॥
ତଦ୍ୟଥା-
ଓଁ କୈଲାସଶିଖରେ ରମ୍ୟେ ସୁଖାସୀନଂ ସୁରାର୍ଚିତମ୍ ।
ଗିରିଶଂ ଗିରିଜା ନତ୍ୱା ସ୍ତୋତ୍ରୈର୍ୱେଦାର୍ଥଗର୍ଭିତୈଃ ॥ ୨॥
ପ୍ରଣମ୍ୟ ପରୟା ଭକ୍ତ୍ୟା ତତୋଽପୃଚ୍ଛତ୍ କୃତାଞ୍ଜଲିଃ ।
ଶ୍ରୀମହାଦେବ୍ୟୁବାଚ-
ମହାଦେବ ସୁରାଧ୍ୟକ୍ଷ କରୁଣାସାଗର ପ୍ରଭୋ ॥
ଭବଦ୍ଭିଃ ଶତସାହସ୍ରକୋଟିବାରଂ ନିବାରିତା ।
ମହ୍ୟଂ କିଂ କିଂ ନ ଦତ୍ତଂ ତେ ତଦିଦାନୀଂ ବଦାମ୍ୟହମ୍ ॥ ୩॥
ଗାଣପଂ ଶାକ୍ତସୂରଂ ଚ ଶୈବଂ ବୈଷ୍ଣବମୁତ୍ତମମ୍ ।
ମନ୍ତ୍ରୟନ୍ତ୍ରାଦିଜାଲଂ ହି ମହ୍ୟଂ ସାମାନ୍ୟତସ୍ତ୍ୱୟା ॥ ୪॥
ଦତ୍ତଂ ବିଶେଷତୋ ଯଦ୍ୟତ୍ତତ୍ସର୍ୱଂ କଥୟାମି ତେ ।
ଶ୍ରୀରାମତାରକୋ ମନ୍ତ୍ରଃ କୋଦଣ୍ଡସ୍ୟାପି ମେ ପ୍ରିୟଃ ॥ ୫॥
ନୃହରେଃ ଶ୍ୟାମରାଜୋ ହି କାଲିକାଦ୍ୟାଃ ପ୍ରିୟଂବଦ ।
ଦଶବିଦ୍ୟା ବିଶେଷେଣ ଷୋଡଶୀ ମନ୍ତ୍ରନାୟିକା ॥ ୬॥
ଦକ୍ଷିଣାମୂର୍ତିସଞ୍ଜ୍ଞୋଽନ୍ୟୋ ମନ୍ତ୍ରରାଜୋ ଧନାଧିପଃ ।
ସହସ୍ରାର୍ଜୁନକସ୍ୟାପି ମନ୍ତ୍ରା ଯେଽନ୍ୟେ ହନୂମତଃ ॥ ୭॥
କିଂ ବହୂକ୍ତେନ ଗିରିଶ ପ୍ରେମୟନ୍ତ୍ରିତଚେତସା ।
ଅର୍ଧାଙ୍ଗମିତି ମହ୍ୟନ୍ତେ ଦତ୍ତଂ କିଂ ତେ ବଦାମ୍ୟହମ୍ ॥ ୮॥
ଅପି ପୃଚ୍ଛାମି କବଚଂ ଶ୍ରୀଗଙ୍ଗାୟା ଅନୁତ୍ତମମ୍ ।
ମେ ମନସ୍ତଦ୍ୱିନା ଶ୍ରୀମନ୍ ନ ତୁଷ୍ୟତି ତତୋ ବଦ ॥ ୯॥
ରହସ୍ୟଂ ରକ୍ଷଣକରଂ ସର୍ୱସମ୍ପତ୍କରଂ ପରମ୍ ।
ଶ୍ରୀପରମଶିବ ଉବାଚ-
ସତ୍ୟଂ ସତ୍ୟଂ ବରାରୋହେ ସର୍ୱଂ ଦତ୍ତଂ ମୟା ତବ ॥ ୧୦॥
ପରନ୍ତୁ ଗିରିଜେ ତୁଭ୍ୟଂ କଥ୍ୟତେ ଶୃଣୁ ସାମ୍ପ୍ରତମ୍ ।
କଲୌ ପାଖଣ୍ଡବହୁଲା ନାନାବେଶଧରା ନରାଃ ॥ ୧୧॥
ଜ୍ଞାନଲବ୍ଧା ହୀନକାମା ବର୍ଣାଶ୍ରମବହିଷ୍କୃତାଃ ।
ବୈଷ୍ଣବତ୍ୱେନ ବିଖ୍ୟାତାଃ ଶୈବତ୍ୱେନ ବରାନନେ ॥ ୧୨॥
ଶାକ୍ତତ୍ୱେନ ଚ ଦେବେଶି ସୌରତ୍ୱେନେତରେ ଜନାଃ ।
ଗାଣପତ୍ୟେନ ଗିରିଜେ ଶାସ୍ତ୍ରଜ୍ଞାନବିବର୍ଜିତାଃ ॥ ୧୩॥
ଗୁରୁତ୍ୱେନ ସମାଖ୍ୟାତା ବିଚରିଷ୍ୟନ୍ତି ଭୂତଲେ ।
ତେ ଶିଷ୍ୟସଙ୍ଗ୍ରହଂ କର୍ତୁମୁଧୁକ୍ତା ଯତ୍ର କୁତ୍ରଚିତ୍ ॥ ୧୪॥
ମନ୍ତ୍ରାଧୁଚ୍ଚାରଣେ ତେଷାଂ ନାସ୍ତି ସାମର୍ଥ୍ୟମମ୍ବିକେ ।
ତଚ୍ଛିଷ୍ୟାଣାଂ ଚ ଗିରିଜେ ତଥାପି ଜଗତୀତଲେ ॥ ୧୫॥
ପଠନ୍ତି ପାଠୟିଷ୍ୟନ୍ତି ବିପ୍ରଦ୍ୱେଷପରାଃ ସଦା ।
ବିପ୍ରଦ୍ୱେଷରତାନାଂ ହି ନରକେ ପତନଂ ଧ୍ରୁବମ୍ ॥ ୧୬॥
ଶୃଣୁ ଦେବି ପ୍ରବକ୍ଷ୍ୟାମି ରହସ୍ୟାତିରହସ୍ୟକମ୍ ।
ଗଙ୍ଗାୟାଃ କବଚଂ ଦିବ୍ୟଂ ଗୋପନୀୟଂ ତ୍ୱୟା ସଦା ॥ ୧୭॥
ନ କସ୍ୟାପି ପ୍ରବକ୍ତବ୍ୟଂ ବକ୍ତବ୍ୟଂ ସ୍ୱାତ୍ମିକାୟ ତତ୍ ।
ପ୍ରଦର୍ଶୟତି ସର୍ୱାଙ୍ଗ ଭର୍ତୁର୍ୱୈ ସ୍ତ୍ରୀଜନୋ ଯଥା ॥ ୧୮॥
ତସ୍ମାତ୍ତ୍ୱୟା ନ ବକ୍ତବ୍ୟଂ କବଚଂ ଲୋକସୁନ୍ଦରି ।
ଗଙ୍ଗାୟାଃ କବଚସ୍ୟାସ୍ୟ ବେଦବ୍ୟାସୋ ଋଷିଃ ସ୍ମୃତଃ ॥ ୧୯॥
ଛନ୍ଦୋଽତିଜଗତୀ ପ୍ରୋକ୍ତଂ ଦେବତା ତୁ ସରିତ୍ସ୍ମୃତା ।
ଧର୍ମାର୍ଥକାମମୋକ୍ଷେଷୁ ବିନିୟୋଗଃ ପ୍ରକୀର୍ତିତଃ ॥ ୨୦॥
ପ୍ରଣବୋ ମେ ଶିରଃ ପାତୁ ନମଃ ପାତୁ ଲଲାଟକେ ।
ଭଗବତି ମେ ଦୃଶୌ ପାହି କର୍ଣୀ ହ୍ୟମ୍ବେ ତତୋମ୍ବିକେ ॥ ୨୧॥
ଅମ୍ବାଲିକେ ମହାମାଲିନି ପାହି ନାସାପୁଟଦ୍ୱୟେ ।
କପୋଲୌ ମେ ସଦା ପାହ୍ୟେଓହି ଭଗବତ୍ୟଥ ॥ ୨୨॥
ମୁଖଂ ମେଂ ସତତଂ ରକ୍ଷେତ୍ ଦ୍ରବରୂପା ଶୁଚିପ୍ରଭା ।
ଅଶେଷତୀର୍ଥାଲବାଲେ ହନୁମେବ ସଦାଽବତୁ ॥ ୨୩॥
ଜିହ୍ୱାମୂଲେ ଚ ଜିହ୍ୱାଗ୍ରେ ହ୍ରୌଂ ଶ୍ରୀ ବୀଜୌ ସଦାଽବତାମ୍ ।
ଶିବଜଟାଧିରୂଢ଼ଏ ଚ ଗଙ୍ଗେ ଚୋଷ୍ଠଦ୍ୱୟେଽବତୁ ॥ ୨୪॥
ଦନ୍ତପତ୍ରୌ ଚ କଣ୍ଠେ ଚ ପାତୁ ଗଙ୍ଗାମ୍ବିକେ ଦ୍ୱିଠଃ ।
ସ୍କନ୍ଧୌ ମେ ଓଁ ନମଃ ପାତୁ ଶିବାୟୈ କରୟୋର୍ମମ ॥ ୨୫॥
ନାରାୟଣ୍ୟୈ ଚ ପାର୍ଶ୍ୱୌ ମେ ପାୟାତ୍ପାପହରା ସଦା ।
ସ୍ୱାନ୍ତେ ଦଶହରାୟୈ ମେ ଗଙ୍ଗାୟୈ ଚୋଦରେଽବତୁ ॥ ୨୬॥
ସ୍ତନୌ ସ୍ୱାହା ସଦା ପାତୁ ଦେବୀର୍ଭିହାବତୋଷିତା ॥
ଓଁ ନମୋ ଭଗବତି ପାହି କୁକ୍ଷିଂ ମେ ସର୍ୱଦା ସୁଖମ୍ ॥ ୨୭॥
ଐଂ ବୀଜଂ ମଧ୍ୟଦେଶେ ଚ ବୀଜବିଦ୍ୟା ସଦାଽବତୁ ।
ହିଲିଃ ପୃଷ୍ଠଂ ସଦା ପାତୁ ପାତୁ ନାଭିଂ ହିଲିର୍ମମ ॥ ୨୮॥
ମିଲିମିଲୀତି ପଦଦ୍ୱନ୍ଦ୍ୱଂ କଟିଂ ସଡିକ୍ଥନୀଦ୍ୱୟମ୍ ।
ଗଙ୍ଗେ ମାଂ ପାବୟେଦବ୍ୟାଦ୍ଗୁହ୍ୟେ ଜାନୁଦ୍ୱୟେ ମମ ॥ ୨୯॥
ଜଙ୍ଘେ ସ୍ୱାହା ସଦା ପାତୁ ଗିରିନେତ୍ରାକ୍ଷରୀ ସଦା ।
ସପ୍ତାର୍ଣସହିତା ବିଦ୍ୟା ପାଦୌ ପାତୁ ନଖାକ୍ଷରୀ ॥ ୩୦॥
ଓଁ ହିଲି-ହିଲି-ମିଲି-ମିଲି ଗଙ୍ଗେ ଦେବିନମୋଭୃଶମ୍ ।
ମୂର୍ଧାଦିପାଦପର୍ୟନ୍ତଂ ପାତୁ ପଞ୍ଚଦଶାକ୍ଷରୀ ॥ ୩୧॥
ତାରା ମାୟା ରମା ହାର୍ଦୈ ପ୍ରାଚ୍ୟାଂ ରକ୍ଷତୁ ମେ ସଦା ॥
ଆଗ୍ନେୟାଂ ମାଂ ଭଗବତୀ ପାତୁ ମେ ଚକ୍ରସଂସ୍ଥିତା ॥ ୩୨॥
ଦକ୍ଷିଣେ ଗାଙ୍ଗଦୟିତେ ନୈରୃତ୍ୟାଂ ବର୍ମପୂର୍ୱବତ୍ ।
ପ୍ରତୀଚ୍ୟାମସ୍ତ୍ରତୋ ରକ୍ଷେଦ୍ରିପୁଭାରନିକୃନ୍ତନୀ ॥ ୩୩॥
ବାଗ୍ଭବଂ ପାତୁ ବାୟବ୍ୟାଂ ମାୟା ରକ୍ଷତୁ ଚୋତ୍ତରେ ।
ଈଶାନ୍ୟାଂ କମଲା ରକ୍ଷେତ୍ କାମବୀଜଂ ନଭୋଽବତୁ ॥ ୩୪॥
ଅଧସ୍ତାତ୍ପବନୋ ରକ୍ଷେତ୍ସର୍ୱତ୍ର ସର୍ୱମନ୍ତ୍ରରାଟ୍ ।
ମଣିକର୍ଣିଭଗୀ ବ୍ରହ୍ମା ହୃଦୟଂ ଧ୍ରୁବସଂୟୁତା ॥ ୩୫॥
ବିଷମିନ୍ଦୁଧୁକଃ ପୂର୍ୱଂ ମନ୍ତ୍ରଶ୍ରୀମଣିକର୍ଣିକା ।
ସର୍ୱତ୍ର ମେ ସଦା ପାତୁ ବାହ୍ୟାଭ୍ୟନ୍ତରଭେଦତଃ ॥ ୩୬॥
ଇତି ତେ କଥିତଂ ଦେବି ସାରାତ୍ ସାରତରଂ ପରମ୍ ।
ସର୍ୱାର୍ଥସାଧନଂ ନାମ କବଚଂ ପରମାଦ୍ଭୁତମ୍ ॥ ୩୬॥
ଅସ୍ୟାପି ପଠନାତ୍ସଦ୍ୟଃ କୁବେରୋଽପି ଧନେଶ୍ୱରଃ ।
ଇନ୍ଦ୍ରାଦ୍ୟାଃସକଲା ଦେବା ଧାରଣାତ୍ପଠନାଦ୍ୟତଃ ॥ ୩୭॥
ସର୍ୱସିଦ୍ଧୀଶ୍ୱରାଃ ସନ୍ତଃ ସର୍ୱୈଶ୍ୱର୍ୟମବାପ୍ନୁୟୁଃ ।
ପୁଷ୍ପାଞ୍ଜଲ୍ୟଷ୍ଟକଂ ଦତ୍ୱା ମୂଲେନୈବ ପଠେତ୍ସକୃତ୍ ॥ ୩୮॥
ସଂବତ୍ସରକୃତାୟାସ୍ତୁ ପୂଜାୟାଃ ଫଲମାପ୍ନୟାତ ।
ପ୍ରୀତିମନ୍ୟୋନ୍ୟତଃ କୃତ୍ୱା କମଲା ନିଶ୍ଚଲା ଗୃହେ ॥ ୩୯॥
ବାଣୀୟଂ ନିବସେଦ୍ୱକ୍ରେ ସତ୍ୟଂ ସତ୍ୟଂ ନ ସଂଶୟଃ ।
ଯୋ ଧାରୟତି ପୁଣ୍ୟାତ୍ମା ସର୍ୱାର୍ଥସାଧନାଭିଧମ୍ ॥ ୪୦॥
କବଚଂ ପରମଂ ପୁଣ୍ୟଂ ସୋଽପି ପୁଣ୍ୟବତାଂ ବରଃ ।
ସର୍ୱୈଶ୍ୱର୍ୟଯୁତୋ ଭୂତ୍ୱା ତ୍ରୈଲୋକ୍ୟବିଜୟୀ ଭବେତ୍ ॥ ୪୧॥
ପୁରୁଷୋ ଦକ୍ଷିଣେ ବାହୌ ନାରୀ ବାମଭୁଜେ ତଥା ॥
ବହୁପୁତ୍ରୟୁତୋ ଭୂୟାଦ୍ୱନ୍ଧ୍ୟାପି ଲଭତେ ସୁତମ୍ ॥ ୪୨॥
ବ୍ରହ୍ମାସ୍ତ୍ରାଦୀନି ଶସ୍ତ୍ରାଣି ନୈବ କୃନ୍ତନ୍ତି ନାଶନମ୍ ।
ଗୋପନୀୟଂ ଗୋପନୀୟଂ ଗୋପନୀୟଂ ପ୍ରୟତ୍ନତଃ ॥ ୪୩॥
ଇତି ଶ୍ରୀରୁଦ୍ରୟାମଲେ ପାର୍ୱତୀଶ୍ୱରସମ୍ବାଦେ ସର୍ୱାର୍ଥସାଧନାଭିଧଂ
ଶ୍ରୀଗଙ୍ଗାକବଚବଂ ସମ୍ପୂର୍ଣମ୍ ।
Comments
Post a Comment