ଶ୍ରୀଗଙ୍ଗା କବଚମ୍ 4
ଶ୍ରୀଗଙ୍ଗା କବଚମ୍ 4
ଓଁ ଶ୍ରୀଗଣେଶାୟ ନମଃ ।
ଓଁ ଗଙ୍ଗାୟୈ ନମଃ ।
ବିନିୟୋଗଃ -
ଗଙ୍ଗାକବଚସ୍ୟ ବିଷ୍ଣୁରୃଷିବିରାଟ୍ଛନ୍ଦଃ
ଚତୁର୍ଦଶ ପୁରୁଷ ଉଦ୍ଧାରଣ ଅର୍ଥେ ପାଠେ ବିନିୟୋଗଃ ।
ଓଁ ଦ୍ରବ୍ୟରୂପା ମହାଭାଗା ସ୍ନାନେ ଚ ତର୍ପଣେଽପି ଚ ।
ଅଭିଷେକେ ପୂଜନେ ଚ ପାତୁ ମାଂ ଶୁକ୍ଲରୁପିଣୀ ॥ ୧॥
ବିଷ୍ଣୁପାଦପ୍ରସୂତାସି ବୈଷ୍ଣବୀ ନାମଧାରିଣୀ ।
ପାହି ମାଂ ସର୍ୱତୋ ରକ୍ଷେଦ୍ଗଙ୍ଗା ତ୍ରିପଥଗାମିନୀ ॥ ୨॥
ମନ୍ଦାକିନୀ ସଦା ପାତୁ ଦେହାନ୍ତେ ସ୍ୱର୍ଗବଲ୍ଲଭା ।
ଅଲକନନ୍ଦା ଚ ବାମଭାଗେ ପୃଥିବ୍ୟାଂ ଯା ତୁ ତିଷ୍ଠତି ॥ ୩॥
ଭୋଗବତୀ ଚ ପାତାଲେ ସ୍ୱର୍ଗେ ମନ୍ଦାକିନୀ ତଥା ।
ପଞ୍ଚାକ୍ଷରମିମଂ ମନ୍ତ୍ରଂ ଯଃ ପଠେଚ୍ଛୃଣୁୟାଦପି ॥ ୪॥
ରୋଗୀ ରୋଗାତ୍ପ୍ରମୁଚ୍ୟେତ୍ବଦ୍ଧୋ ମୁଚ୍ୟେତ ବନ୍ଧନାତ୍ ।
ଗୁର୍ୱିଣୀ ଜନୟେତ୍ ପୁତ୍ରଂ ବନ୍ଧ୍ୟା ପୁତ୍ରବତୀ ଭବେତ୍ ॥ ୫॥
ଗଙ୍ଗାସ୍ମରଣମାତ୍ରେଣ ନିଷ୍ପାପୋ ଜାୟତେ ନରଃ ।
ଯଃ ପଠେଦ୍ଗୃହମଧ୍ୟେ ତୁ ଗଙ୍ଗାସ୍ନାନଫଲଂ ଲଭେତ୍ ॥ ୬॥
ସ୍ନାନକାଲେ ପଠେଦ୍ୟସ୍ତୁ ଶତକୋଟିଫଲଂ ଲଭେତ୍ ।
ଯଃ ପଠେତ୍ପ୍ରୟତୋ ଭକ୍ତ୍ୟା ମୁକ୍ତଃ କୋଟିକୁଲୈଃ ସହ ॥ ୭॥
॥ ଇତି ଶ୍ରୀବିଷ୍ଣୁୟାମଲେ ଶିବପାର୍ୱତୀସଂବାଦେ ଗଙ୍ଗାକବଚଂ ସମ୍ପୂର୍ଣମ୍ ।
Comments
Post a Comment