ଗଙ୍ଗା କବଚମ୍ 1 ଶ୍ରୀବ୍ରହ୍ମାଣ୍ଡପୁରାଣେ ବ୍ରହ୍ମନାରଦସମ୍ୱାଦେ
ଗଙ୍ଗା କବଚମ୍ 1
ନାରଦ ଉବାଚ -
ବ୍ରହ୍ମନ୍ ! କେନ ବିଧାନେନ ସର୍ୱପାପକ୍ଷୟୋ ଭବେତ୍ ।
କଥଂ ରକ୍ଷେତ୍ସୁରଶ୍ରେଷ୍ଠ ସାଧକାନାଂ ସୁରାପଗା ॥ ୧॥
ବ୍ରହ୍ମୋବାଚ -
ସାଧୁ ସାଧୁ ତ୍ୱୟା ପୁତ୍ର ! ସାଧୁ କର୍ମ ପ୍ରକାଶିତମ୍ ।
କବଚଂ ଜହ୍ନୁକନ୍ୟାୟା ତ୍ରିଷୁ ଲୋକେଷୁ ଦୁର୍ଲଭମ୍ ॥ ୨॥
ଅପ୍ରକାଶ୍ୟଂ ଚ ଯଦ୍ଗୋପ୍ୟମତସ୍ତତ୍ତ୍ୱବଧାର୍ୟତାମ୍ ।
ଅସ୍ୟ ଶ୍ରୀ ଗଙ୍ଗାକବଚମନ୍ତ୍ରସ୍ୟ ନାରାୟଣଋଷିରନୁଷ୍ଟୁପ୍ଛନ୍ଦଃ
ସର୍ୱତୀର୍ଥୋତ୍ତମା ଗଙ୍ଗାଦେବତା ଗଂ ବୀଜଂ ଗାଃ ଶକ୍ତିଃ ଅବ୍ୟକ୍ତଂ କୀଲକଂ
ଶ୍ରୀଗଙ୍ଗାପ୍ରସାଦସିଦ୍ଧ୍ୟର୍ଥେ ଜପେ ବିନିୟୋଗଃ ।
ଅଥ ଧ୍ୟାନଂ -
ଶୁଭ୍ରାମ୍ଭୋଜଶଶିପ୍ରଭାଂ ଶଶିମୁଖୀଂ ସ୍ୱକ୍ଷାମ୍ବୁଜାକ୍ଷୀଂ ପରାଂ
ମୁକ୍ତାହାରଲସତ୍କୁଚାଂ ମଣିମୟୈରାଭୂଷିତାଂ ଭୂଷଣୈଃ ।
କଞ୍ଜସ୍ୱର୍ଣଘଟୀବରାଭୟକରାଂ ଶ୍ୱେତାମ୍ବରାଡମ୍ବରାଂ
ପଦ୍ମୋତ୍ପୀଠଗତାଂ ସୁଧାସମୁଦିତାଂ ଶ୍ରୀଦେବଭୂଷାଂ ଭଜେ ॥ ୧॥
ବନ୍ଦେ ଦେବତରଙ୍ଗିଣୀଂ ପ୍ରତିଦିନଂ ବ୍ରହ୍ମାଣ୍ଡମାଖଣ୍ଡିନୀଂ
ଶମ୍ଭୋର୍ମସ୍ତକମଣ୍ଡିନୀଂ ମୁରରିପୋରଙ୍ଘ୍ୟ୍ମ୍ବୁଜାସେବିନୀମ୍ ।
କଲ୍ୟାଣୋତ୍ସବକାରିଣୀଂ କଲିମଲୋନ୍ମୂଲତ୍ୱନିର୍ମୂଲିନୀ
ମୋକ୍ଷଦ୍ୱାରକପାଟପାଟନକରୀଂ ନିତ୍ୟଂ ଚିଦାନନ୍ଦିନୀ ॥ ୨॥
ଅଥ କବଚଂ -
ଶିରୋ ମେ ପାତୁ ସା ଗଙ୍ଗା ଦିବ୍ୟାଚ୍ୟୁତାଙ୍ଘ୍ରିଚ୍ୟୁତା ।
ଭାଲଂ ଭାଗୀରଥୀ ପାତୁ ନେତ୍ରେ ଚ ଜହ୍ନୁନନ୍ଦିନୀ ॥ ୩॥
ଶ୍ରୁତୀ ମେ ଜାହ୍ନବୀ ପାତୁ ଘ୍ରାଣୟୁଗ୍ମଂ ସୁରାପଗା ।
ରସନାଂ ପାତୁ ମେ ନିତ୍ୟଂ ଗଙ୍ଗା ପାପପ୍ରଣାଶିନୀ ॥ ୪॥
ବଦନଂ ସକଲଂ ପାତୁ ସଦା ମନ୍ଦାକିନୀ ମମ ।
ସ୍କନ୍ଧୌ ପାତୁ ଚ ମେ ବାହୂ ଗଙ୍ଗା ସାଗରଗାମିନୀ ॥ ୫॥
କରୌ ରକ୍ଷତୁ ସା ଗଙ୍ଗା ଶମ୍ଭୁମସ୍ତକମଣ୍ଡିନୀ ।
ହୃଦୟଂ ନାଭିମଧ୍ୟଂ ଚ ପାତୁ ଦେବନଦୀ ମମ ॥ ୬॥
କଟିଦ୍ୱୟଂ ସଦା ପାତୁ ବ୍ରହ୍ମାଣ୍ଡଖଣ୍ଡିନୀ ମମ ।
ଜାନୁନୀ ଜହ୍ନୁଜା ପାତୁ ପାୟାଦୂରୂଂ ତ୍ରିମାର୍ଗଗା ॥ ୭॥
ଗୁଲ୍ଫୟୁଗ୍ମଂ ସଦା ପାତୁ ସା ମେ ଶର୍ମପ୍ରଦାୟିନୀ ।
ପ୍ରପଦଂ ପାତୁ ମେ ନିତ୍ୟଂ କଲିକଲ୍ମଷନାଶିନୀ ॥ ୮॥
କାଶୀତଲଗତା ଯା ଚ କାଲିନ୍ଦୀସଙ୍ଗମା ଚ ଯା ।
ସା ପାତୁ ମମ ସର୍ୱାଙ୍ଗଂ ଗଙ୍ଗା ଗଗନମେଖଲା ॥ ୯॥
ନିର୍ଜରୈର୍ୱନ୍ଦିତା ଯା ଚ ଚତୁର୍ୱର୍ଗଫଲପ୍ରଦା ।
ତସ୍ୟା ଇଦଂ ଚ ଗଙ୍ଗାୟାଃ କବଚଂ ପରମାଦ୍ଭୁତମ୍ ॥ ୧୦॥
ଅଥ ଫଲଶ୍ରୁତିଃ -
ଅନନ୍ତବ୍ୟାଧିବିଧ୍ୱଂସି କୀର୍ତିବୁଦ୍ଧିପ୍ରବର୍ଦ୍ଧନମ୍ ।
ଶୋକଦୁଃଖପ୍ରଶମନଂ ସର୍ୱରକ୍ଷାକରଂ ନୃଣାମ୍ ॥ ୧୧॥
ଶତ୍ରୋର୍ୱିନାଶନଂ ଶଶ୍ୱତ୍ସୁଖସମ୍ପତ୍ପ୍ରବର୍ଧନମ୍ ।
ଯୋଽଧୀୟାତ୍ କବଚଂ ଚୈତନ୍ମୁକ୍ତପାପୋ ଭବେଚ୍ଚ ସଃ ॥ ୧୨॥
ଏକକାଲଂ ଦ୍ୱିକାଲଂ ଚ ତ୍ରିକାଲଂ ଚ ପଠେତ୍ତୁ ଯଃ ।
ପଠେଦ୍ୟୋ ବୈ ଶତାବୃତ୍ତ୍ୟା ମାସମେକଂ ନିରନ୍ତରମ୍ ॥ ୧୩॥
ଧୃତ୍ୱେଦଂ କବଚଂ କଣ୍ଠେ ଗଚ୍ଛେଦ୍ୟୋ ଯତ୍ର କୁତ୍ରଚିତ୍ ।
ସ୍ୱପ୍ନେ ମୂର୍ତିମୟୀଂ ଗଙ୍ଗାଂ ବରଦାଂ ସୋଽପି ପଶ୍ୟତି ॥ ୧୪॥
ଧନଧାନ୍ୟସମାୟୁକ୍ତଃ ପୁତ୍ରପୌତ୍ରସମନ୍ୱିତଃ ।
ତ୍ରିଷୁ ଲୋକେଷୁ ପୂଜ୍ୟଃ ସ୍ୟାଦସ୍ୟ ପାଠାନ୍ନ ସଂଶୟଃ ॥ ୧୫॥
ଶୃଣୁୟାତ୍ପରୟା ଭକ୍ତ୍ୟା ବାଚ୍ୟମାନଂ ନରୋତ୍ତମଃ ।
ସୋଽପ୍ୟଘୌଘବିନିର୍ମୁକ୍ତୋ ଜୀବନ୍ମୁକ୍ତୋ ଭବେଚ୍ଚ ଯଃ ॥ ୧୬॥
ଦୁର୍ଭିକ୍ଷେ ଦୁର୍ଗବନ୍ଧେ ବିଷମଜଲଚୟେ କାନନେ ଦୁଷ୍ଟଚୌରୈଃ
ଦୀପ୍ତେ ବହ୍ନିପ୍ରଦାହେ ପ୍ରବଲରିପୁଭୟେ ରାଜ୍ୟଦୁଃଖେ ପ୍ରବୃତ୍ତେ ।
ସ୍ମୃତ୍ୱା ଦେବୀଂ ଚ ଗଙ୍ଗାଂ ତ୍ରିଭୁବନଜନନୀଂ ବା ପଠେଦ୍ ଯୋ ହି ଚୈତତ୍
ତୈସ୍ତୈର୍ଦୁଖୈର୍ୱିମୁକ୍ତୋ ସପଦି ସ ମନୁଜୋ ଜାୟତେ ସତ୍ୟମେତତ୍ ॥ ୧୭॥
କୁଲୀନାୟ ଚ ଦାତବ୍ୟଂ ଗଙ୍ଗାଭକ୍ତିପରାୟ ଚ ।
ବିଷ୍ଣୁଭକ୍ତାୟ ଶାନ୍ତାୟ ଶ୍ରଦ୍ଦଧାନାୟ ସର୍ୱଦା ॥ ୧୮॥
କୁଶିଷ୍ୟାୟ ନ ଦାତବ୍ୟଂ ଦୁଷ୍ଟାୟ ଚ ବିଶେଷତଃ ।
ଦତ୍ୱାଽଭକ୍ତାୟ ପୁତ୍ରାୟ ନେଦଂ ଫଲପ୍ରଦଂ ଭବେତ୍ ॥ ୧୯॥
ସାଧକାୟ ଚ ଶାନ୍ତାୟ ଗୁରୋରାଜ୍ଞାନୁବର୍ତିନେ ।
ଦାତବ୍ୟଂ ଚ ତ୍ୱୟା ତାତ ଦତ୍ୱାଽନନ୍ତଫଲଂ ଭବେତ୍ ॥ ୨୦॥
ଇତି ଶ୍ରୀବ୍ରହ୍ମାଣ୍ଡପୁରାଣେ ବ୍ରହ୍ମନାରଦସମ୍ୱାଦେ
ଶ୍ରୀଗଙ୍ଗାକବଚଂ ସମ୍ପୂର୍ଣମ୍ ॥
Comments
Post a Comment