ଗଙ୍ଗାସ୍ତୁତୀ ଗଙ୍ଗାଦଶହରାସ୍ତୋତ୍ରମ୍ ଚ

 ଗଙ୍ଗାସ୍ତୁତୀ ଗଙ୍ଗାଦଶହରାସ୍ତୋତ୍ରମ୍ ଚ

ଶ୍ରୀଗଣେଶାୟ ନମଃ ।
ଈଶ୍ୱର ଉବାଚ ।
ଚତୁର୍ଭୁଜାଂ ତ୍ରିନେତ୍ରାଂ ଚ ସର୍ୱାବୟବଶୋଭିତାମ୍ ।
ରତ୍ନକୁମ୍ଭସିତାମ୍ଭୋଜବରଦାଭୟସତ୍କରାମ୍ ॥ ୧॥

ଶ୍ୱେତବସ୍ତ୍ରପରୀଧାନାଂ ମୁକ୍ତାମଣିବିଭୂଷିତାମ୍ ।
ଏବଂ ଧ୍ୟାୟେତ୍ସୁସୌମ୍ୟାଂ ଚ ଚନ୍ଦ୍ରାୟୁତସମପ୍ରଭାମ୍ ॥ ୨॥

ଚାମରୈର୍ୱୀଜ୍ୟମାନାଂ ଚ ଶ୍ୱେତଚ୍ଛତ୍ରୋପଶୋଭିତାମ୍ ।
ସୁପ୍ରସନ୍ନାଂ ଚ ବରଦାଂ କରୁଣାର୍ଦ୍ରନିରନ୍ତରାମ୍ ॥ ୩॥

ସୁଧାପ୍ଲାବିତଭୂପୃଷ୍ଠାଂ ଦିବ୍ୟଗନ୍ଧାନୁଲେପନାମ୍ ।
ତ୍ରୈଲୋକ୍ୟନମିତାଂ ଗଙ୍ଗାଂ ସର୍ୱଦେବୈରଭିଷ୍ଟୁତାମ୍ ॥ ୪॥

ଦିବ୍ୟରତ୍ନବିଭୂଷାଂ ଚ ଦିବ୍ୟମାଲ୍ୟୈର୍ୱିଭୂଷିତାମ୍ ।
ଧ୍ୟାତ୍ୱା ଜଲେ ଯଥାପ୍ରୋକ୍ତଂ ତଥାଚାର୍ୟାଂ ଚ ପୂଜୟେତ୍ ॥ ୫॥

ଓଁ ନମୋ ଭଗବତ୍ୟୈ ଐଂ ଶ୍ରୀଂ ହ୍ରୀଂ ହିଲି ହିଲି ମିଲି ମିଲି
ଗଙ୍ଗେ ମାଂ ପାବୟ ପାବୟ ସ୍ୱାହା ।
ଅନେନ ମନ୍ତ୍ରେଣ ଆଗମୋକ୍ତେନ ପଞ୍ଚପୁଷ୍ପାଞ୍ଜଲିଂ ଶ୍ରୀଗଙ୍ଗାୟୈ ନିବେଦୟେତ୍ ।
ମୟା ହତାନି ପୁଷ୍ପାଣି ପୂଜାର୍ଥଂ ପ୍ରତିଗୃହ୍ୟତାମ୍ ।
ଦଶାଙ୍ଗଂ ଗୁଗ୍ଗୁଲଂ ଧୂପଂ ସୁଗନ୍ଧଂ ଚ ମନୋହରମ୍ ॥ ୬॥

ଗୃହାଣ ମଙ୍ଗଲଂ ଦୀପଂ ଘୃତବର୍ତିସମନ୍ୱିତମ୍ ।
ଚତୁର୍ୱିଧଂ ଚ ନୈବେଦ୍ୟଂ ରସୈଃ ଷଡ୍ଭିଃ ସମନ୍ୱିତମ୍ ।
ରୁଦ୍ରରୂପେ! ନମସ୍ତେଽସ୍ତୁ ଗୃହାଣ ବରଦା ଭବ ॥ ୭॥

ପରଦାରପରଦ୍ରବ୍ୟପରଦ୍ରୋହପରାଙ୍ମୁଖଃ
ଗଙ୍ଗା ବ୍ରୂତେ କଦାଽଽଗତ୍ୟ ମାମୟଂ ପାବୟିଷ୍ୟତି ॥

ଇତି ବୈଶ୍ୱାନରନାରଦସମ୍ୱାଦେ ଦଶପାପହରାୟାଃ ଶ୍ରୀଗଙ୍ଗାଧ୍ୟାନାର୍ଚନବିଧିଃ ।
ଏବଂ ଧ୍ୟାନାର୍ଚନଂ ବିଧାୟ ପଶ୍ଚାଜ୍ଜଲାନ୍ତରେ ସ୍ଥିତ୍ୱା, ଜ୍ୟେଷ୍ଠେ ମାସି
ସିତେ ପକ୍ଷେ ପ୍ରତିପଦାଦିଦଶମୀପର୍ୟନ୍ତଂ ଦଶବିଧପାପପ୍ରଣାଶାୟ
ପ୍ରତିଦିନମୁତ୍ତରୋତ୍ତରଦିନବୃଦ୍ଧୟା ଦଶହରାସ୍ତୋତ୍ରପାଠମହଂ କରିଷ୍ୟେ ।

ଅଥ ଦଶହରାସ୍ତୋତ୍ରପ୍ରାରମ୍ଭଃ ।
ବ୍ରହ୍ମୋବାଚ --
ନମଃ ଶିବାୟୈ ଗଙ୍ଗାୟୈ ଶିବଦାୟୈ ନମୋ ନମଃ ।
ନମସ୍ତେ ରୁଦ୍ରରୂପିଣ୍ୟୈ ଶାଙ୍କର୍ୟୈ ତେ ନମୋ ନମଃ ॥ ୧॥

ନମସ୍ତେ ବିଷ୍ଣୁରୂପିଣ୍ୟୈ ବ୍ରହ୍ମାମୂର୍ତ୍ୟୈ ନମୋ ନମଃ ।
ସର୍ୱଦେବସ୍ୱରୂପିଣ୍ୟୈ ନମୋ ଭେଷଜମୂର୍ତୟେ ॥ ୨॥

ସର୍ୱସ୍ୟ ସର୍ୱବ୍ୟାଧୀନାଂ ଭିଷକ୍ଷ୍ରେଷ୍ଠ୍ୟୈ ନମୋଽସ୍ତୁ ତେ ।
ସ୍ଥାଣୁଜଙ୍ଗମସମ୍ଭୂତବିଷହନ୍ତ୍ର୍ୟୈ ନମୋ ନମଃ ॥ ୩॥

ସଂସାରବିଷନାହିନ୍ୟୈ ଜୀବନାୟୈ ନମୋ ନମଃ ।
ଶାନ୍ତିସନ୍ତାନକାରିଣ୍ୟୈ ନମସ୍ତେ ଶୁଦ୍ଧମୂର୍ତୟେ ॥ ୪॥

ସର୍ୱସଂଶୁଦ୍ଧିକାରିଣ୍ୟୈ ନମଃ ପାପାରିମୂର୍ତୟେ ।
ଭୁକ୍ତିମୁକ୍ତିପ୍ରଦାୟିନ୍ୟୈ ଭଦ୍ରଦାୟୈ ନମୋ ନମଃ ॥ ୫॥

ଭୋଗୋପଭୋଗଦାୟିନ୍ୟୈ ଭୋଗବତ୍ୟୈ ନମୋ ନମଃ ।
ମନ୍ଦାକିନ୍ୟୈ ନମସ୍ତେଽସ୍ତୁ ସ୍ୱର୍ଗଦାୟୈ ନମୋ ନମଃ ॥ ୬॥

ନମସ୍ତ୍ରୈଲୋକ୍ୟଭୂଷାୟୈ ତ୍ରିପଥାୟୈ ନମୋ ନମଃ ।
ନମସ୍ତ୍ରିଶୁକ୍ଲସଂସ୍ଥାୟୈ କ୍ଷମାବତ୍ୟୈ ନମୋ ନମଃ ॥ ୭॥

ତ୍ରିହୂତାଶନସଂସ୍ଥାୟୈ ତେଜୋବତ୍ୟୈ ନମୋ ନମଃ ।
ନନ୍ଦାୟୈ ଲିଙ୍ଗଧାରିଣ୍ୟୈ ନାରାୟଣ୍ୟୈ ନମୋ ନମଃ ॥ ୮॥

ନମସ୍ତେ ବିଶ୍ୱମୁଖ୍ୟାୟୈ ରେବତ୍ୟୈ ତେ ନମୋ ନମଃ ।
ବୃହତ୍ୟୈ ତେ ନମସ୍ତେଽସ୍ତୁ ଲୋକଧାତ୍ର୍ୟୈ ନମୋ ନମଃ ॥ ୯॥

ନମସ୍ତେ ବିଶ୍ୱମିତ୍ରାୟୈ ନନ୍ଦିନ୍ୟୈ ତେ ନମୋ ନମଃ ।
ପୃଥ୍ୱ୍ୟୈ ଶିବାମୃତାୟୈ ଚ ସୁବୃଷାୟୈ ନମୋ ନମଃ ॥ ୧୦॥

ପରାପରଶତାଢ୍ୟାୟୈ ବରଦାୟୈ ନମୋ ନମଃ ।
ପାଶଜାଲନିକ୍ର଼୍^ନ୍ତିନ୍ୟୈ ଅଭିନ୍ନାୟୈ ନମୋ ନମଃ ॥ ୧୧॥

ଶାନ୍ତାୟୈ ଚ ବରିଷ୍ଠାୟୈ ବରଦାୟୈ ନମୋ ନମଃ ।
ଉସ୍ରାୟୈ ସୁଖଦୋଗ୍ଧ୍ର୍ୟୈ ଚ ସଞ୍ଜୀବିନ୍ୟୈ ନମୋ ନମଃ ॥ ୧୨॥

ବ୍ରହ୍ମିଷ୍ଠାୟୈ ବ୍ରହ୍ମଦାୟୈ ଦୁରିତଘ୍ନ୍ୟୈ ନମୋ ନମଃ ।
ପ୍ରଣତାର୍ତିପ୍ରଭଞ୍ଜିନ୍ୟୈ ଜଗନ୍ମାତ୍ରେ ନମୋଽସ୍ତୁ ତେ ॥ ୧୩॥

ସର୍ୱାପତ୍ପ୍ରତିପକ୍ଷାୟୈ ମଙ୍ଗଲାୟୈ ନମୋ ନମଃ ।
ଶରଣାଗତଦୀନାର୍ତପରିତ୍ରାଣପରାୟଣେ ॥ ୧୪॥

ସର୍ୱସ୍ୟାର୍ତିହରେ ଦେବି ନାରାୟଣି ନମୋଽସ୍ତୁତେ ।
ନିର୍ଲେପାୟୈ ଦୁର୍ଗହନ୍ତ୍ର୍ୟୈ ଦକ୍ଷାୟୈ ତେ ନମୋ ନମଃ ॥ ୧୫॥

ପରାତ୍ପରତରେ ତୁଭ୍ୟଂ ନମସ୍ତେ ମୋକ୍ଷଦେ ସଦା ।
ଗଙ୍ଗେ ମମାଗ୍ରତୋ ଭୂୟା ଗଙ୍ଗେ ମେ ଦେବି ପୃଷ୍ଠତଃ ॥ ୧୬॥

ଗଙ୍ଗେ ମେ ପାର୍ଶ୍ୱୟୋରେହି ତ୍ୱୟି ଗଙ୍ଗେଽସ୍ତୁ ମେ ସ୍ଥିତିଃ ।
ଆଦୌ ତ୍ୱମନ୍ତେ ମଧ୍ୟେ ଚ ସର୍ୱଂ ତ୍ୱଂ ଗାଂ ଗତେ ଶିବେ ॥ ୧୭॥

ତ୍ୱମେବ ମୂଲପ୍ରକୃତିସ୍ତ୍ୱଂ ହି ନାରାୟଣଃ ପରଃ ।
ଗଙ୍ଗେ ତ୍ୱଂ ପରମାତ୍ମା ଚ ଶିବସ୍ତୁଭ୍ୟଂ ନମଃ ଶିବେ ॥ ୧୮॥

ଯ ଇଦଂ ପଠତି ସ୍ତୋତ୍ରଂ ଭକ୍ତ୍ୟା ନିତ୍ୟଂ ନରୋଽପି ଯଃ ।
ଶୃଣୁୟାଚ୍ଛ୍ରଦ୍ଧୟା ଯୁକ୍ତଃ କାୟବାକ୍ଚିତ୍ତସମ୍ଭବୈଃ ॥ ୧୯॥

ଦଶଧାସଂସ୍ଥିତୈର୍ଦୋଷୈଃ ସର୍ୱୈରେବ ପ୍ରମୁଚ୍ୟତେ ।
ସର୍ୱାନ୍କାମାନବାପ୍ନୋତି ପ୍ରେତ୍ୟ ବ୍ରହ୍ମଣି ଲିୟତେ ॥ ୨୦॥

ଇମଂ ସ୍ତବଂ ଗୃହେ ଯସ୍ତୁ ଲେଖୟିତ୍ୱା ବିନିକ୍ଷିପେତ୍ ।
ନାଗ୍ନିଚୋରଭୟଂ ତତ୍ର ପାପେଭ୍ୟ୍ଽପି ଭୟଂ ନ ହି ॥ ୨୧॥

ଜ୍ୟେଷ୍ଠେ ମାସି ସିତେ ପକ୍ଷେ ଦଶମୀ ହସ୍ତସଂୟୁତା ।
ସଂହରେତ୍ତ୍ରିବିଧଂ ପାପଂ ବୁଧବାରେଣ ସଂୟୁତା ॥ ୨୨॥

ତସ୍ୟାଂ ଦଶମ୍ୟାମେତଚ୍ଚ ସ୍ତୋତ୍ରଂ ଗଙ୍ଗାଜଲେ ସ୍ଥିତଃ ।
ଯଃ ପଠେଦ୍ଦଶକୃତ୍ୱସ୍ତୁ ଦରିଦ୍ରୋ ବାପି ଚାକ୍ଷମଃ ॥ ୨୩॥

ସୋଽପି ତତ୍ଫଲମାପ୍ନୋତି ଗଙ୍ଗାଂ ସମ୍ପୂଜ୍ୟ ଯତ୍ନତଃ ।
ପୂର୍ୱୋକ୍ତେନ ବିଧାନେନ ଯତ୍ଫଲଂ ସମ୍ପ୍ରକୀର୍ତିତମ୍ ॥ ୨୪॥

ଯଥା ଗୌରୀ ତଥା ଗଙ୍ଗା ତସ୍ମାଦ୍ଗୌର୍ୟାସ୍ତୁ ପୂଜନେ ।
ବିଧିର୍ୟୋ ବିହିତଃ ସମ୍ୟକ୍ ସୋଽପି ଗଙ୍ଗାପ୍ରପୂଜନେ ॥୨୫॥

ଯଥା ଶିବସ୍ତଥା ବିଷ୍ଣୁର୍ୟଥା ବିଷ୍ଣୁରୁମା ତଥା ।
ଉମା ଯଥା ତଥା ଗଙ୍ଗା ଚତୂରୂପନ୍ନ ଭିଦ୍ୟତେ ॥୨୬॥

ବିଷ୍ଣୁରୁଦ୍ରାନ୍ତରଂ ଯଚ୍ଚ ଶ୍ରୀଗୌର୍ୟୋରନ୍ତରଂ ଯଥା ।
ଗଙ୍ଗାଗୌର୍ୟନ୍ତରଂ ଚାପି ଯୋ ବ୍ରୂତେ ମୂଢଧୀସ୍ତୁ ସଃ ॥୨୭॥

ରୌରବାଦିଷୁ ଘୋରେଷୁ ନରକେଷୁ ପତତ୍ୟଧଃ ।
ଅଦତ୍ତାନାମୁପାଦାନଂ ହିଂସା ଚୈବାବିଧାନତଃ ॥ ୨୮॥

ପରଦାରୋପସେବା ଚ କାୟିକଂ ତ୍ରିବିଧଂ ସ୍ମୃତମ୍ ।
ପାରୁଷ୍ୟମନୃତଂ ଚୈବ ପୈଶୁନ୍ୟଂ ଚାପି ସର୍ୱଶଃ ॥ ୨୯॥

ଅସମ୍ବଦ୍ଧପ୍ରଲାପଶ୍ଚ ବାଙ୍ମୟଂ ସ୍ୟାଚ୍ଚତୁର୍ୱିଧମ୍ ।
ପରଦ୍ରବ୍ୟେଷ୍ୱଭିଧ୍ୟାନଂ ମନସାନିଷ୍ଟଚିନ୍ତନମ୍ ॥ ୩୦॥

ବିତଥାଭିନିବେଶଶ୍ଚ ମାନସଂ ତ୍ରିବିଧଂ ସ୍ମୃତମ୍ ।
ଏତାନି ଦଶ ପାପାନି ହର ତ୍ୱଂ ମମ ଜାହ୍ନବି ॥ ୩୧॥

ଦଶପାପହରା ଯସ୍ମାତ୍ତସ୍ମାଦ୍ଦଶହରା ସ୍ମୃତା ।
ଏତୈଦର୍ଶବିଧୈଃ ପାପୈଃ କୋଟିଜନ୍ମସମୁଦ୍ଭବୈଃ ॥ ୩୨॥

ମୁଞ୍ଚ୍ୟତେ ନାତ୍ର ସନ୍ଦେହୋ ବ୍ରହ୍ମଣୋ ବଚନଂ ଯଥା ।
ଦଶତ୍ରିଂଶଚ୍ଛ୍ର୍ତାନ୍ସର୍ୱାନ୍ ପିତୄନଥ ପିତାମହାନ୍ ॥ ୩୩॥

ଉଦ୍ଧରତ୍ୟେବ ସଂସାରାନ୍ମନ୍ତ୍ରେଣାନେନ ପୂଜିତା ।
ଓଁ ନମୋ ଭଗବତ୍ୟୈ ଦଶପାପହରାୟୈ ଗଙ୍ଗାୟୈ ନାରାୟଣ୍ୟୈ ରେବତ୍ୟୈ ।
ଶିବାୟୈ ଦକ୍ଷାୟୈ ଅମୃତାୟୈ ବିଶ୍ୱରୂପିଣ୍ୟୈ (ବିଶ୍ୱମୁଖ୍ୟାୟୈ)
ନନ୍ଦିନ୍ୟୈ ତେ ନମୋ ନମଃ ॥ ୩୪॥

ଜ୍ୟେଷ୍ଠେ ମାସି ସିତେ ପକ୍ଷେ ଦଶମ୍ୟାଂ ବୁଧହସ୍ତୟୋଃ ।
ଗରାନନ୍ଦେ ବ୍ୟତୀପାତେ କନ୍ୟାଚନ୍ଦ୍ରେ ବୃଷେ ରବୌ ।
ଦଶୟୋଗେ ଚ ଯଃ ସ୍ନାତ୍ୱା ସର୍ୱପାପୈଃ ପ୍ରମୁଚ୍ୟତେ ॥ ୩୫॥

ସିତମକରନିଷଣ୍ଣାଂ ଶୁଭ୍ରବର୍ଣାଂ ତ୍ରିନେତ୍ରାଂ
କରଧୃତକଲଶୋଦ୍ୟତ୍ସୋତ୍ପଲାମତ୍ୟଭୀଷ୍ଟାମ୍ ।
ବିଧିହରିହରରୂପାଂ ସେନ୍ଦୁକୋଟୀରଜୁଷ୍ଟାଂ
କଲିତସିତଦୁକୂଲାଂ ଜାହ୍ନବୀଂ ତାଂ ନମାମି ॥ ୩୬॥

ଆଦାବାଦିପିତାମହସ୍ୟ ନିଗମବ୍ୟାପାରପାତ୍ରେ ଜଲଂ
ପଶ୍ଚାତ୍ପନ୍ନଗଶାୟିନୋ ଭଗବତଃ ପାଦୋଦକଂ ପାବନମ୍ ।
ଭୂୟଃ ଶମ୍ଭୁଜଟାବିଭୂଷଣମଣିର୍ଜହ୍ନୋର୍ମହର୍ଷେରିୟଂ
କନ୍ୟା କଲ୍ମଷନାଶିନୀ ଭଗବତୀ ଭାଗୀରଥୀ ଦୃଶ୍ୟତେ ॥ ୩୭॥

ବିଷ୍ଣୁପାଦାବ୍ଜସମ୍ଭୂତେ ଗଙ୍ଗେ ତ୍ରିପଥଗାମିନି ।
ବ୍ରହ୍ମଦ୍ରବେତି ବିଖ୍ୟାତେ ପାପଂ ମେ ହର ଜାହ୍ନବି ॥ ୩୮॥

ଜାହ୍ନବୀ ସର୍ୱତଃ ପୁଣ୍ୟା ବ୍ରହ୍ମହତ୍ୟାପହାରିଣୀ ।
ବାରାଣସ୍ୟାଂ ବିଶେଷେଣ ଗଙ୍ଗା ଚୋତ୍ତରବାହିନୀ ॥ ୩୯॥

ଗଙ୍ଗା ଗଙ୍ଗେତି ଯୋ ବ୍ରୂୟାଦ୍ୟୋଜନାନାଂ ଶତୈରପି ।
ମୁଚ୍ୟତେ ସର୍ୱପାପେଭ୍ୟୋ ବିଷ୍ଣୁଲୋକଂ ସ ଗଚ୍ଛତି ॥ ୪୦॥

ଇତି ସ୍କନ୍ଦେ ମହାପୁରାଣେ ଏକାଶୀତି ସାହସ୍ର୍ୟାଂ ସଂହିତାୟାଂ ତୃତୀୟେ କାଶୀଖଣ୍ଡେ
ଧର୍ମାବ୍ଧିସ୍ଥା ଗଙ୍ଗାସ୍ତୁତିଃ ଅଥବା ଶ୍ରୀଗଙ୍ଗାଦଶହରାସ୍ତୋତ୍ରଂ ସମ୍ପୂର୍ଣମ୍ ।

ଅଥାଗମୋକ୍ତଂ ସ୍ତୋତ୍ରଂ ଏବମ୍ ।

ଗଙ୍ଗାସ୍ତୁତିଃ ଜହ୍ନୁମୁନିଦ୍ୱାରା କୀ ଗୟୀ ଗଙ୍ଗା- ସ୍ତୁତି

https://ganja-upasana.blogspot.com/2025/02/blog-post_95.html