ଗଙ୍ଗାସ୍ତୋତ୍ରଂ ୬ ଶ୍ରୀଲକ୍ଷ୍ମଣସୋମୟାଜି ବିରଚିତଂ
ଗଙ୍ଗାସ୍ତୋତ୍ରଂ ୬
ଶ୍ରୀଗଣେଶାୟ ନମଃ ।
ବିଚଲକଲବିହଙ୍ଗେ ବିଷ୍ଣୁପାଦାମ୍ବୁସଙ୍ଗେ
ତଟତରୁରତଭୃଙ୍ଗେ ତୀରଚଞ୍ଚତ୍କୁରଙ୍ଗେ ।
ବିମଲତରତରଙ୍ଗେ ବିଶ୍ୱନାଥାଞ୍ଚିତାଙ୍ଗେ
ସକଲକଲୁଷଭଙ୍ଗେ ପାହି ମାଂ ଦେବି ଗଙ୍ଗେ ॥ ୧॥
ଜନେର୍ଦୂରେ ଧୀରେ ଜନନି ତବ ତୀରେ ସ୍ଥିରତରଂ
ନରଂ ଧନ୍ୟଂ ମନ୍ୟେ ହିମଶିଖରିକନ୍ୟେ ସୁନିପୁଣମ୍ ।
ଅସୌ ବାରଂ ବାରଂ ଜନନମୃତିଭାରଂ ପରିଜହତ୍
ସ୍ୱସଂସାରଂ ସାରଂ ଭବଜଲଧିପାରଂ ହି ଭଜତି ॥ ୨॥
ତ୍ୱଦୁତ୍ସଙ୍ଗେ ଗଙ୍ଗେ ବିହରଣବିହଙ୍ଗେ ମୟି ମିଲତ୍
କୃପାପାଙ୍ଗେ ସଙ୍ଗେ ତବ ବରତଙ୍ଗେଣ ସତି ମେ ।
କୁତଃ ପାପଂ ତାପଂ ଜନୟତୁ ସମୀପଂ ପରିଜହତ୍
ପରଂ ଦ୍ୱୀପଂ ଦୀପଂ ତମ ଇବ ଦୁରାପଂ ବ୍ରଜତି ହି ॥ ୩॥
ଗଙ୍ଗେ ଭୃଙ୍ଗାଙ୍ଗନାଲୀବିରଚିତକଲସଙ୍ଗୀତଭଙ୍ଗୀବିଲଗ୍ନ
ସ୍ୱାନ୍ତାନନ୍ଦାନୁରୂପପ୍ରବିତତପୁଲକଭ୍ରାନ୍ତିଦାଲ୍ପାଲ୍ପଭଙ୍ଗେ ।
ଅଙ୍ଗୀକୁର୍ୱଦ୍ୟ ମାଂ ତ୍ୱତ୍ସକରୁଣରୁଚିରାପାଙ୍ଗଲାବଣ୍ୟଗଙ୍ଗା
ତୁଙ୍ଗୋର୍ମିସ୍ନାପିତାଙ୍ଗସ୍ୱକପରିଜନସଙ୍ଘାତମଧ୍ୟେଽନ୍ତରଙ୍ଗମ୍ ॥ ୪॥
ଅମ୍ବ ତ୍ୱାମନୁସନ୍ଦଧେଽହମନିଶଂ ଚିତ୍ତେନ ବାଚାପି ତେ
ସ୍ୱର୍ଭୂଲୋକରସାତଲେଷୁ ବିତତାଂ କୀର୍ତିଂ ସ୍ତୁବେ ପାବନି ।
ଗଙ୍ଗେ ତୁଙ୍ଗତରଙ୍ଗସଙ୍ଗିହିମବତ୍ପାଦେ ପଦାବ୍ଜଂ ଚ ତେ
ସାଷ୍ଟାଙ୍ଗଂ ପ୍ରଣମାମି ତାରୟ ପରଂ ମାଂ ଦେବି ଦୁଃଖାର୍ଣବାତ୍ ॥ ୫॥
ଗଙ୍ଗେ ମଙ୍ଗଲଦାୟିଭବ୍ୟଚରିତେ ରିଙ୍ଗତ୍ତରଙ୍ଗୋଜ୍ଜ୍ୱଲେ
ସାଂଙ୍ଗୋ ମେଽସ୍ତୁ ମନୋରଥସ୍ତ୍ୱୟି ସଦା ସ୍ନାନେନ ପାନେନ ଚ ।
ଏତାବତ୍ତୁ ବୃତଂ ମୟା ତବ ପୁନସ୍ତୀରେ ସଦା ସାତ୍ତ୍ୱିକୈ
ବେଦାନ୍ତାର୍ଥବିଚାରତତ୍ପରତରୋ ନେଷ୍ୟେ ଚିରଂ ବାସରାନ୍ ॥ ୬॥
ଗଙ୍ଗେ ତାବକତୀର ଏବ ସତତଂ ବସ୍ତୁଂ ମନୋ ମେଽସ୍ତି ଚେଦ
ଅସ୍ତ୍ୱେବଂ ନନୁ ଦିବ୍ୟମଙ୍ଗଲଗୁଣେ କିଂ ତାବତା ସାଧିତମ୍ ।
ମାତୁଃ ସ୍ତନ୍ୟମପେକ୍ଷ୍ୟ ଭୂରିକରୁଣାଲାପୈଃ ପରଂ ବାଲକୋ
ରୋଦିଷ୍ୟତ୍ୟସକୃଦ୍ ଦଦାତି ଯଦି ସା ସାର୍ଥସ୍ତଦା ତଚ୍ଛ୍ରମଃ ॥ ୭॥
ଅମ୍ବାଦ୍ୟାଭିମୁଖୀକୃତାସି ସୁଚିରଂ ଜନ୍ମାନ୍ତରେଷ୍ୱର୍ଜିତୈଃ
ପୁଣ୍ୟୈରନ୍ୟସୁଦୁର୍ଲଭୈସ୍ତବ ମୟା ପ୍ରାପ୍ତଂ କଟାକ୍ଷେକ୍ଷଣମ୍ ।
ଯତ୍ପ୍ରାପ୍ୟୈବ ଶିବଃ ଶିବୋଽଭବଦସୌ ବିଷ୍ଣୁଚ ବିଷ୍ଣୁତ୍ୱବାନ୍
ବ୍ରହ୍ମା ବ୍ରହ୍ମପଦଂ ଜଗାମ ମହିମା ଗଙ୍ଗେ ତବାତ୍ୟଦ୍ଭୁତଃ ॥ ୮॥
ଇତି ଜହ୍ୱସୁତାଂ ଜଗଦ୍ୱିଭୂଷାମଭିନନ୍ଦ୍ୟାଥ ସମସ୍ତଦେବତାସ୍ତାଃ ।
ଜନୁଷଃ ଫଲମଦ୍ୟ ଜାତମିତ୍ୟାଲପନଂ ଚକ୍ରୁରତୀବ ହଷ୍ଟଭାବାଃ ॥ ୯॥
ନଦନନ୍ତରମତ୍ୟ ତତ୍ପ୍ରତୀରଂ ତୁଲସୀଂ ସନ୍ଦଦୃଶୁସିତ୍ରଲୋକ ବନ୍ଧ୍ୟାମ୍ ।
ସ୍ତୁତିଭିଃ ସହ ତତ୍ପ୍ରଦକ୍ଷିଣାମୁଚିତଂ ପ୍ରଭୁକ୍ରମଣଂ ବିତେନିରେ ତେ ॥ ୧୦॥
ପଠନ୍ ଗଙ୍ଗାଷ୍ଟକମିଦଂ ଲକ୍ଷ୍ମଣାଧ୍ୱରିନିର୍ମିତମ୍ ।
ଆୟୁରାରୋଗ୍ୟପୁତ୍ରାର୍ଥ ବିଦ୍ୟାସିଦ୍ଧିମବାପ୍ନୁୟାତ୍ ॥ ୧୧॥
ଇତି ଶ୍ରୀଲକ୍ଷ୍ମଣସୋମୟାଜି ବିରଚିତଂ ଗଙ୍ଗାସ୍ତୋତ୍ରଂ ସମ୍ପୂର୍ଣମ୍ ।
https://ganja-upasana.blogspot.com/2025/02/blog-post_60.html
Comments
Post a Comment