ଶ୍ରୀଗଙ୍ଗାସ୍ତବନମ୍ ଶ୍ରୀବିଷ୍ଣୁପ୍ରସାଦପାଣ୍ଡେୟବିରଚିତଂ
ଶ୍ରୀଗଙ୍ଗାସ୍ତବନମ୍
ଅୟେ ମାତର୍ଗଽଙ୍ଗେଽଶରଣଶରଣଂ ଲୋକଜନନୀ
ବିପନ୍ନାନାଂ ତ୍ରାତ୍ରୀ ତ୍ରିଭୁବନବିଧାତ୍ରୀ ଯଦସି ତତ୍ ।
ତ୍ୱୟା ବେଦଂ ବେଦଂ ବିମଲସଲିଲେ ପୂର୍ଣକଲିଲୋ
ଜନୋଽୟଂ ନିସ୍ତାର୍ୟୋ ବିତତ-ଭବତାପାନ୍ଧିତମତିଃ ॥ ୧॥
ତପଃପୁଞ୍ଜୈ ରାଜ୍ଞୋ ବିମଲଚିଦନନ୍ତଦ୍ରବସରିତ୍-
ସ୍ୱରୂପେଣୋଦ୍ଭୂୟ ପ୍ରଚରସି ଜଗତ୍ପାବନପୟାଃ ।
ସହସ୍ରାଣାଂ ଷଷ୍ଠ୍ୟାଃ ସଗରତନୟାନାଂ ଶୁଭଗତି-
ପ୍ରଦାତ୍ରୀ ତ୍ୱଂ ମାତର୍ଜନିଜନିତ-ଜାଲଂ ଜରୟସି ॥ ୨॥
ଅହୋ! ଭବ୍ୟଂ ଭବ୍ୟଂ ଜଗତି ତବ କଲ୍ୟାଣଶରଣୀ
ନ ଚ ଧ୍ୟାନଂ ଦାନଂ ଶ୍ରୁତମଥ ବିତାନାଂ ବିଦଧତଃ ।
ଶ୍ରୟନ୍ତେ ନାୟାସଂ ମୁନିଗଣଦୁରାପାଂ ଶୁଭଗତିଂ
ନ କାର୍ପଣ୍ୟଂ ଗଙ୍ଗେ କଥମପି ବିଧେୟଂ ମୟି ଶିବେ! ॥ ୩॥
ଅହଂ ଦ୍ୱାରଂ ଦ୍ୱାରଂ ଜନନି ବହୁବାରଂ ଘୁଟିତବାନ୍
ତ୍ରପାଂ ତ୍ୟଜ୍ୟଂ ତ୍ୟାଜ୍ୟଂ ପୁନରପି ଚ ନୈରାଶ୍ୟମସୃପମ୍ ।
ମହାପାପକ୍ଷୋଣୀଧର-ବିତତପକ୍ଷଚ୍ଛିଦଶନେ
ଦୟାପାତ୍ରଂ ଶ୍ରାନ୍ତଂ କଥମପି ନ ମାଂ ଦେବି ରହୟ ॥ ୪॥
ବୃହଦ୍ୱ୍ୟଲୀକାଚଲପକ୍ଷଶମ୍ବଂ
ବିଚୂର୍ଣିତାଶେଷବିପତ୍କଦମ୍ବମ୍ ।
ସମୁଚ୍ଛଲଲ୍ଲୋଲତରଙ୍ଗଭଙ୍ଗଂ
ତନୋତୁ ଶଂ ତେଽମ୍ବୁ ମମାବଲମ୍ବମ୍ ॥ ୫॥
ଇତି ଆଚାର୍ୟ ଶ୍ରୀବିଷ୍ଣୁପ୍ରସାଦପାଣ୍ଡେୟବିରଚିତଂ ଶ୍ରୀଗଙ୍ଗାସ୍ତବନଂ ସମ୍ପୂର୍ଣମ୍ ।
Comments
Post a Comment