ଶ୍ରୀଗଙ୍ଗାସ୍ତୁତିଃ ଶ୍ରୀରାମକୃତା
ଶ୍ରୀଗଙ୍ଗାସ୍ତୁତିଃ
ଶ୍ରୀରାମ ଉବାଚ -
ଅସ୍ୟାଃ ପ୍ରଭାବାଦ୍ଧରୟୋ ଯୋଽସୌ ମମ ପିତା ପ୍ରଭୁଃ ।
ସର୍ୱପାପବିନିର୍ମୁକ୍ତସ୍ତତୋ ଯାତସ୍ତ୍ରିବିଷ୍ଟପମ୍ ॥ ୧॥
ଇୟଂ ଜନିତ୍ରୀ ସକଲସ୍ୟ ଜନ୍ତୋର୍ଭୁକ୍ତିପ୍ରଦା ମୁକ୍ତିମଥାପି ଦଦ୍ୟାତ୍ ।
ପାପାନି ହନ୍ୟାଦପି ଦାରୁଣାନି କାଽନ୍ୟାଽନୟାଽସ୍ତ୍ୟତ୍ର ନଦୀ ସମାନା ॥ ୨॥
ହତାନି ଶଶ୍ୱଦ୍ଦୁରିତାନି ଚୈବ ଅସ୍ୟାଃ ପ୍ରଭାବାଦରୟଃ ସଖାୟଃ ।
ବିଭୀଷଣୋ ମୈତ୍ରମୁପୈତି ନିତ୍ୟଂ ସୀତା ଚ ଲବ୍ଧା ହନୁମାଂଶ୍ଚ ବନ୍ଧୁଃ ॥ ୩॥
ଲଙ୍କା ଚ ଭଗ୍ନା ସଗଣଂ ହି ରକ୍ଷୋ ହତଂ ହି ଯସ୍ୟାଃ ପରିସେବନେନ ।
ଯାଂ ଗୌତମୋ ଦେବବରଂ ପ୍ରପୂଜ୍ୟ ଶିବଂ ଶରଣ୍ୟଂ ସଜଟାମବାପ ॥ ୪॥
ସେୟଂ ଜନିତ୍ରୀ ସକଲେପ୍ସିତାନାମମଙ୍ଗଲାନାମପି ସନ୍ନିହନ୍ତ୍ରୀ ।
ଜଗତ୍ପବିତ୍ରୀକରଣୈକଦକ୍ଷା ଦୃଷ୍ଟାଽଦ୍ୟ ସାକ୍ଷାତ୍ସରିତାଂ ସବିତ୍ରୀ ॥ ୫॥
କାୟେନ ବାଚା ମନସା ସଦୈନାଂ ବ୍ରଜାମି ଗଙ୍ଗାଂ ଶରଣଂ ଶରଣ୍ୟାମ୍ ॥ ୬॥
ଇତି ଶ୍ରୀବ୍ରାହ୍ମେ ମହାପୁରାଣେ ତୀର୍ଥମାହାତ୍ମ୍ୟେ ଗୌତମୀମାହାତ୍ମ୍ୟେ
ଶ୍ରୀରାମକୃତା ଶ୍ରୀଗଙ୍ଗାସ୍ତୁତିଃ ସମାପ୍ତା ॥
Comments
Post a Comment