ଜୟାବିଜୟାବିରଚିତଂ ଗଙ୍ଗାସ୍ତବନମ୍

 ଜୟାବିଜୟାବିରଚିତଂ ଗଙ୍ଗାସ୍ତବନମ୍

ଜୟା-ବିଜୟା ସଖ୍ୟାବୂଚତୁଃ ।
ନମଃ ପ୍ରସୀଦାମ୍ବ ମହେଶି ମାତର୍ଗଙ୍ଗେ ତ୍ରିଲୋକାଖିଲଦୁଃଖହନ୍ତ୍ରି ।
ବିଷ୍ଣୋଃ ପଦଂ ତତ୍ପରମନ୍ତୁ ଲବ୍ଧ୍ୱା ତ୍ରୈଲୋକ୍ୟମାପ୍ଲାବସି ସାଧିତାର୍ଥମ୍ ॥ ୧॥

ତ୍ୱାଂ ସ୍ତୌମି ପଶ୍ୟାମି ପରାବରେଶେ ନମାମି କାୟାବୟବୈରପି ତ୍ୱାମ୍ ।
ଅଜ୍ଞାନମୋହାନ୍ଧତମୋନିରସ୍ତଚିତ୍ତାଂ ତୁ ମାଂ ବୋଧୟ ଯାଦୃଶୀ ତ୍ୱମ୍ ॥ ୨॥

ତ୍ୱଂ ବ୍ରହ୍ମଣା ବିଷ୍ଣୁନା ପୂରୁଷେଣ ଶିବେନ ବୈ ଦେବବରେଣ ଭୂୟଃ ।
ସିଦ୍ଧୈଃ ପରଜ୍ଞୈରପି ଧୀରବର୍ଗୈଃ ସ୍ତୁତା କିମାବାଂ ମନୁବୋ ଭବାଦୃଶୀମ୍ ॥ ୩॥

ଧନ୍ୟାଽବନୀୟଂ ଖଲୁ ଭୂତଧାତ୍ରୀ ଲୋକୈଃ ସର୍ୱୈଃ ପୂଜିତେୟଂ ବଭୂବ ।
ତ୍ୱଂ ବୈ ଯସ୍ୟାମବଗାହ୍ୟା ନବୋଘୈର୍ୱିଭାସି ପୁଣ୍ୟାଧିକପୁଣ୍ୟବତ୍ୟାମ୍ ॥ ୪॥

ଜାନନ୍ତି କେ ତ୍ୱାଂ ନନୁ ମୂଢବୁଦ୍ଧୟୋ ନରାଃ ସ୍ତ୍ରିୟୋ ବା ବନ ଜନ୍ତବୋ ବା ।
ପୀତାମୃତା ଦୃଷ୍ଟସହସ୍ତ୍ରସୂର୍ୟା ଜାନନ୍ତ୍ୟନନ୍ତାମୃତସାରଭୂତାମ୍ ॥ ୫॥

ପ୍ରାଣାଂସ୍ତ୍ୟଜନ୍ତଂ ତ୍ୱୟି ବା ବସନ୍ତଂ ଗାୟନ୍ତମାନନ୍ଦମୟୀଞ୍ଚ ବା ତ୍ୱାମ୍ ।
କଃ ଶ୍ରଦ୍ଧଧୀତାହିତଦେହବନ୍ଧଂ ବିନାତ୍ମଘାତାନ୍ନରକାୟ ଯୋଗ୍ୟାନ୍ ॥ ୬॥

ଯଃ ସର୍ୱଲୋକାମରୟଜ୍ଞଦେବଃ ସ୍ୱୟଂ ଶିବଃ ଶ୍ରୀମତି ଚୋତ୍ତମାଙ୍ଗେ ।
ସର୍ୱୋତ୍ତମାଂ ତ୍ୱାଂ ପ୍ରଦଧାତି ଗଙ୍ଗାଂ ସାର୍ଥଂ ଶିବତ୍ୱଂ ହ୍ୟଧିମନ୍ୟମାନଃ ॥ ୭॥

ସର୍ୱସ୍ୟ ସର୍ୱତ୍ର ତୁ ନାଧିକାରଃ କସ୍ୟାପି କୁତ୍ରାପି ଚ କୋ ହି ଆସ୍ତେ ।
ତ୍ୱଂ ଖଣ୍ଡିତବ୍ରହ୍ମକଟାହକୋଟିଃ ସର୍ୱତ୍ର ଚାଖଣ୍ଡଗତିଃ କିଲାସ୍ମେ ॥ ୮॥

ଧ୍ୟାୟେ ଶିବେ ତ୍ୱାଂ ଶଶିଶୁଲ୍କବର୍ଣାଂ
ଚତୁର୍ଭୁଜାଂ ପଦ୍ମବରାଭୟାମୃତୈଃ ।
ଯୁକ୍ତାଞ୍ଚ ଶୁକ୍ଲେ ମକରେ ବସନ୍ତୀଂ
ତ୍ରିଲୋଚନାଂ ଦେବନୁତାମଲଙ୍କୃତାମ୍ ॥ ୯॥

ନମଃ ଶିବାୟୈ ଶାନ୍ତୟୈ ଗଙ୍ଗାୟୈ ତେ ନମୋ ନମଃ ।
ନମୋ ମକରବାସିନ୍ୟୈ କୌଟିଚନ୍ଦ୍ରରୁଚେ ନମଃ ॥ ୧୦॥

ଚତୁର୍ଭୁଜାୟୈ ପଦ୍ମେନ ବରେଣାପ୍ୟଭୟେନ ଚ
ପୀୟୂଷପୂର୍ଣକନକଘଟେନ ଚ ବିରାଜିନାମ୍ ।
ସର୍ୱାଲଙ୍କାରଭୂଷାଢ୍ୟାଂ ତ୍ରିନେତ୍ରାଂ ଦୈବତୈର୍ନୁତାଂ
ସ୍ମିତାସ୍ୟାଂ ଗୌରବସନାଂ ସ୍ଥିରନୂପୁରଶିଞ୍ଚିନୀମ୍ ।
ବ୍ରହ୍ମବିଷ୍ଣୁଶିବାରାଧ୍ୟାଂ ଦଧାନାୟୈ ତନୁଂ ନମଃ ॥ ୧୧॥

ନମଃ କଲ୍ମଷହନ୍ତ୍ର୍ୟୈ ଚ ଲୋକମାତ୍ରେ ନମୋ ନମଃ ।
ସର୍ୱତୀର୍ଥଭବାୟୈ ଚ ସୁଲଭାୟୈ ନମୋ ନମଃ ॥ ୧୨॥

॥ ଇତି ବୃହଦ୍ଧର୍ମପୁରାଣାନ୍ତର୍ଗତଂ ଜୟା-ବିଜୟାକୃତଂ ଗଙ୍ଗାସ୍ତବନଂ ସମ୍ପୂର୍ଣମ୍ ॥

॥ ବୃହଦ୍ଧର୍ମପୁରାଣମ୍ । ପୂର୍ୱଖଣ୍ଡଃ । ଗୁଣନିର୍ଣୟ ଅଧ୍ୟାୟଃ ୫। ୩୬-୪୭॥

 ଗଙ୍ଗାସ୍ତୁତୀ ଗଙ୍ଗାଦଶହରାସ୍ତୋତ୍ରମ୍ ଚ

https://ganja-upasana.blogspot.com/2025/02/blog-post_18.html