ତ୍ରିବେଣୀସ୍ତୋତ୍ରମ୍ ଶ୍ରୀମଚ୍ଛଙ୍କରାଚାର୍ୟବିରଚିତଂ

 

ତ୍ରିବେଣୀସ୍ତୋତ୍ରମ୍

ମୁକ୍ତାମୟାଲଙ୍କୃତମୁଦ୍ରବେଣୀ ଭକ୍ତାଭୟତ୍ରାଣସୁବଦ୍ଧବେଣୀ ।
ମତ୍ତାଲିଗୁଞ୍ଜନ୍ମକରନ୍ଦବେଣୀ ଶ୍ରୀମତ୍ପ୍ରୟାଗେ ଜୟତି ତ୍ରିବେଣୀ ॥ ୧॥

ଲୋକତ୍ରୟୈଶ୍ୱର୍ୟନିଦାନବେଣୀ ତାପତ୍ରୟୋଚ୍ଚାଟନବଦ୍ଧବେଣୀ ।
ଧର୍ମା-ଽର୍ଥକାମାକଲନୈକବେଣୀ ଶ୍ରୀମତ୍ପ୍ରୟାଗେ ଜୟତି ତ୍ରିବେଣୀ ॥ ୨॥

ମୁକ୍ତାଙ୍ଗନାମୋହନ-ସିଦ୍ଧବେଣୀ ଭକ୍ତାନ୍ତରାନନ୍ଦ-ସୁବୋଧବେଣୀ ।
ବୃତ୍ତ୍ୟନ୍ତରୋଦ୍ୱେଗବିବେକବେଣୀ ଶ୍ରୀମତ୍ପ୍ରୟାଗେ ଜୟତି ତ୍ରିବେଣୀ ॥ ୩॥

ଦୁଗ୍ଧୋଦଧିସ୍ଫୂର୍ଜସୁଭଦ୍ରବେଣୀ ନୀଲାଭ୍ରଶୋଭାଲଲିତା ଚ ବେଣୀ ।
ସ୍ୱର୍ଣପ୍ରଭାଭାସୁରମଧ୍ୟବେଣୀ ଶ୍ରୀମତ୍ପ୍ରୟାଗେ ଜୟତି ତ୍ରିବେଣୀ ॥ ୪॥

ବିଶ୍ୱେଶ୍ୱରୋତ୍ତୁଙ୍ଗକପର୍ଦିବେଣୀ ବିରିଞ୍ଚିବିଷ୍ଣୁପ୍ରଣତୈକବେଣୀ ।
ତ୍ରୟୀପୁରାଣା ସୁରସାର୍ଧବେଣୀ ଶ୍ରୀମତ୍ପ୍ରୟାଗେ ଜୟତି ତ୍ରିବେଣୀ ॥ ୫॥

ମାଙ୍ଗଲ୍ୟସମ୍ପତ୍ତିସମୃଦ୍ଧବେଣୀ ମାତ୍ରାନ୍ତରନ୍ୟସ୍ତନିଦାନବେଣୀ ।
ପରମ୍ପରାପାତକହାରିବେଣୀ ଶ୍ରୀମତ୍ପ୍ରୟାଗେ ଜୟତି ତ୍ରିବେଣୀ ॥ ୬॥

ନିମଜ୍ଜଦୁନ୍ମଜ୍ଜମନୁଷ୍ୟବେଣୀ ତ୍ରୟୋଦୟୋଭାଗ୍ୟବିବେକବେଣୀ ।
ବିମୁକ୍ତଜନ୍ମାବିଭବୈକବେଣୀ ଶ୍ରୀମତ୍ପ୍ରୟାଗେ ଜୟତି ତ୍ରିବେଣୀ ॥ ୭॥

ସୌନ୍ଦର୍ୟବେଣୀ ସୁରସାର୍ଧବେଣୀ ମାଧୁର୍ୟବେଣୀ ମହନୀୟବେଣୀ ।
ରତ୍ନୈକବେଣୀ ରମଣୀୟବେଣୀ ଶ୍ରୀମତ୍ପ୍ରୟାଗେ ଜୟତି ତ୍ରିବେଣୀ ॥ ୮॥

ସାରସ୍ୱତାକାର-ବିଘାତବେଣୀ କାଲିନ୍ଦକନ୍ୟାମୟଲକ୍ଷ୍ୟବେଣୀ ।
ଭାଗୀରଥୀରୂପ-ମହେଶବେଣୀ ଶ୍ରୀମତ୍ପ୍ରୟାଗେ ଜୟତି ତ୍ରିବେଣୀ ॥ ୯॥

ଶ୍ରୀମଦ୍ଭବାନୀଭବନୈକବେଣୀ ଲକ୍ଷ୍ମୀସରସ୍ୱତ୍ୟଭିମାନବେଣୀ ।
ମାତା ତ୍ରିବେଣୀ ତ୍ରୟୀରତ୍ନବେଣୀ ଶ୍ରୀମତ୍ପ୍ରୟାଗେ ଜୟତି ତ୍ରିବେଣୀ ॥ ୧୦॥

ତ୍ରିବେଣୀଦଶକଂ ସ୍ତୋତ୍ରଂ ପ୍ରାତର୍ନିତ୍ୟଂ ପଠେନ୍ନରଃ ।
ତସ୍ୟ ବେଣୀ ପ୍ରସନ୍ନା ସ୍ୟାଦ୍ ବିଷ୍ଣୁଲୋକଂ ସ ଗଚ୍ଛତି ॥ ୧୧॥

ଇତି ଶ୍ରୀମଚ୍ଛଙ୍କରାଚାର୍ୟବିରଚିତଂ ତ୍ରିବେଣୀସ୍ତୋତ୍ରଂ ସମ୍ପୂର୍ଣମ୍ ।

 ଗଙ୍ଗାରାତ୍ରିକା   ଶ୍ରୀଧରସ୍ୱାମୀମହାରାଜ

https://ganja-upasana.blogspot.com/2025/02/blog-post_94.html