ଶ୍ରୀଗଙ୍ଗାସହସ୍ରନାମସ୍ତୋତ୍ରମ୍ ୨
ଶ୍ରୀଗଙ୍ଗାସହସ୍ରନାମସ୍ତୋତ୍ରମ୍ ୨
ଶ୍ରୀବୃହଦ୍ଧର୍ମପୁରାଣାନ୍ତର୍ଗତମ୍ ପଞ୍ଚାଶତ୍ତମୋଽଧ୍ୟାୟଃ
ଶ୍ରୀଶୁକ ଉବାଚ ।
ଜୟ ଦେବୀ ତଦା ଗଙ୍ଗା ତପସ୍ୟନ୍ତଂ ଭଗୀରଥମ୍ ।
ଆତ୍ମାନଂ ଦର୍ଶୟାମାସ ଶ୍ୱେତଂ ଚାରୁଚତୁର୍ଭୁଜମ୍ ॥ ୧॥ (ଶ୍ୱେତରୂପାଂ ଚତୁର୍ଭୁଜାଂ)
ତାଂ ଦୃଷ୍ଟ୍ୱା ଧ୍ୟାନମାତ୍ରୈକଲବ୍ଧାଂ ଦୃଗ୍ଭ୍ୟାଞ୍ଚ ଭୂପତିଃ ।
ଅଲଭ୍ୟଲାଭବୋଧେନ ବହୁମେନେ ନୃପୋତ୍ତମଃ ॥ ୨॥
ହର୍ଷାକୁଲିତସର୍ୱାଙ୍ଗୋ ରୋମାଞ୍ଚିତସୁବିଗ୍ରହଃ । ହର୍ଷାଦ୍ଗଲିତ
ଗଙ୍ଗଦାକ୍ଷରୟା ବାଚା ଗଙ୍ଗାଂ ତୁଷ୍ଟାବ ଭୂପତିଃ ॥ ୩॥
ସହସ୍ରନାମଭିର୍ଦିବ୍ୟୈଃ ଶକ୍ତିଂ ପରମଦେବତାମ୍ ।
ଭଗୀରଥ ଉବାଚ ।
ଅହଂ ଭଗୀରଥୋ ରାଜା ଦିଲୀପତନୟଃ ଶିବେ ॥ ୪॥
ପ୍ରଣମାମି ପଦଦ୍ୱନ୍ଦ୍ୱଂ ଭବତ୍ୟା ଅତିଦୁର୍ଲଭମ୍ ।
ପୂର୍ୱଜାନାଂ ହି ପୁଣ୍ୟେନ ତପସା ପରମେଣ ଚ ॥ ୫॥
ମଚ୍ଚକ୍ଷୁର୍ଗୋଚରୀଭୂତା ତ୍ୱଂ ଗଙ୍ଗା କରୁଣାମୟୀ ।
ସାର୍ଥକଂ ସୂର୍ୟବଂଶେ ମେ ଜନ୍ମ ପ୍ରାପ୍ତଂ ମହେଶ୍ୱରୀ ॥ ୬॥ (ବଂଶୋ)
କୃତାର୍ଥୋଽସ୍ମି କୃତାର୍ଥୋଽସ୍ମି କୃତାର୍ଥୋଽସ୍ମି ନ ସଂଶୟଃ ।
ନମୋ ନମୋ ନମସ୍ତେଽସ୍ତୁ ଗଙ୍ଗେ ରାଜୀବଲୋଚନେ ॥ ୭॥
ଦେହୋଽୟଂ ସାର୍ଥକୋ ମେଽସ୍ତୁ ସର୍ୱାଙ୍ଗୈଃ ପ୍ରଣମାମ୍ୟହମ୍ ।
ସହସ୍ରନାମଭିଃ ସ୍ତୁତ୍ୱା ବାଚଂ ସାର୍ଥକୟାମ୍ୟହମ୍ ॥ ୮॥ (ସହସ୍ରନାମଭିରିତ୍ୟାଦି)
ଶୁକ ଉବାଚ ।
ଗଙ୍ଗା ସହସ୍ରନାମ୍ନୋଽସ୍ୟ ସ୍ତବସ୍ୟ ପୁଣ୍ୟତେଜସଃ ।
ଋଷିର୍ୱ୍ୟାସସ୍ତଥାଽନୁଷ୍ଟୁପ୍ଛନ୍ଦୋ ବିପ୍ର ପ୍ରକୀର୍ତିତମ୍ ॥ ୯॥
ସାମୂଲପ୍ରକୃତିର୍ଦେବୀ ଗଙ୍ଗା ମେ ଦେବତେରିତା ।
ଅଶ୍ୱମେଧସହସ୍ରସ୍ୟ ରାଜସୂୟଶତସ୍ୟ ଚ ॥ ୧୦॥
ବାଜପେୟଶତସ୍ୟାଽପି ଗୟାଶ୍ରାଦ୍ଧଶତସ୍ୟ ଚ ।
ବ୍ରହ୍ମହତ୍ୟାଦିପାପାନାଂ କ୍ଷୟେ ଚ ପରଦୁଷ୍କରେ ।
ନିର୍ୱାଣମୋକ୍ଷଲାଭେ ଚ ବିନିୟୋଗଃ ପ୍ରକୀର୍ତିତଃ ॥ ୧୧॥
ଅଥ ସହସ୍ରନାମସ୍ତୋତ୍ରମ୍ ।
ଓଁକାରରୂପିଣୀ ଦେବୀ ଶ୍ୱେତା ସତ୍ୟସ୍ୱରୂପିଣୀ ।
ଶାନ୍ତିଃ ଶାନ୍ତା କ୍ଷମା ଶକ୍ତିଃ ପରା ପରମଦେବତା ॥ ୧୨॥
ବିଷ୍ଣୁର୍ନାରାୟଣୀ କାମ୍ୟା କମନୀୟା ମହାକଲା ।
ଦୁର୍ଗା ଦୁର୍ଗତିସଂହନ୍ତ୍ରୀ ଗଙ୍ଗା ଗଗଣବାସିନୀ ॥ ୧୩॥
ଶୈଲେନ୍ଦ୍ରବାସିନୀ ଦୁର୍ଗବାସିନୀ ଦୁର୍ଗମପ୍ରିୟା ।
ନିରଞ୍ଜନା ଚ ନିର୍ଲେଶା ନିଷ୍କଲା ନିରହଙ୍କ୍ରିୟା ॥ ୧୪॥ (ନିର୍ଲେପା)
ପ୍ରସନ୍ନା ଶୁକ୍ଲଦଶନା ପରମାର୍ଥା ପୁରାତନୀ ।
ନିରାକାରା ଚ ଶୁଦ୍ଧା ଚ ବ୍ରାହ୍ମଣୀ ବ୍ରହ୍ମରୂପିଣୀ ॥ ୧୫॥ (ବ୍ରହ୍ମାଣୀ)
ଦୟା ଦୟାବତୀ ଦୀର୍ଘା ଦୀର୍ଘବକ୍ତ୍ରା ଦୁରୋଦରା ।
ଶୈଲକନ୍ୟା ଶୈଲରାଜବାସିନୀ ଶୈଲନନ୍ଦିନୀ ॥ ୧୬॥
ଶିବା ଶୈବୀ ଶାମ୍ଭବୀ ଚ ଶଙ୍କରୀ ଶଙ୍କରପ୍ରିୟା ।
ମନ୍ଦାକିନୀ ମହାନନ୍ଦା ସ୍ୱର୍ଧୁନୀ ସ୍ୱର୍ଗବାସିନୀ ॥ ୧୭॥
ମୋକ୍ଷାଖ୍ୟା ମୋକ୍ଷସରଣିର୍ମୁକ୍ତିର୍ମୁକ୍ତିପ୍ରଦାୟିନୀ ।
ଜଲରୂପା ଜଲମୟୀ ଜଲେଶୀ ଜଲବାସିନୀ ॥ ୧୮॥ (ଜଲବାହିନୀ)
ଦୀର୍ଘଜିହ୍ୱା କରାଲାକ୍ଷୀ ବିଶ୍ୱାଖ୍ୟା ବିଶ୍ୱତୋମୁଖୀ ।
ବିଶ୍ୱକର୍ଣା ବିଶ୍ୱଦୃଷ୍ଟିର୍ୱିଶ୍ୱେଶୀ ବିଶ୍ୱବନ୍ଦିତା ॥ ୧୯॥
ବୈଷ୍ଣବୀ ବିଷ୍ଣୁପାଦାବ୍ଜସମ୍ଭବା ବିଷ୍ଣୁବାସିନୀ ।
ବିଷ୍ଣୁସ୍ୱରୂପିଣୀ ବନ୍ଦ୍ୟା ବାଲା ବାଣୀ ବୃହତ୍ତରା ॥ ୨୦॥
ପୀୟୂଷପୂର୍ଣା ପୀୟୂଷବାସିନୀ ମଧୁରଦ୍ରବା ।
ସରସ୍ୱତୀ ଚ ଯମୁନା ଚ ଗୋଦା ଗୋଦାବରୀ ବରୀ ॥ ୨୧॥ (ତଥା)
ବରେଣ୍ୟା ବରଦା ବୀରା ବରକନ୍ୟା ବରେଶ୍ୱରୀ ।
ବଲ୍ଲବୀ ବଲ୍ଲବପ୍ରେଷ୍ଠା ବାଗୀଶ୍ୱରା ବାରିରୂପିଣୀ ॥ ୨୨॥
ବାରାହୀ ବନସଂସ୍ଥା ଚ ବୃକ୍ଷସ୍ଥା ବୃକ୍ଷସୁନ୍ଦରୀ ॥ ୨୩॥
ବାରୁଣୀ ବରୁଣଜ୍ୟେଷ୍ଠା ବରା ବରୁଣବଲ୍ଲଭା । ବରୁଣଶ୍ରେଷ୍ଠା
ବରୁଣପ୍ରଣତା ଦିବ୍ୟା ବରୁଣାନନ୍ଦକାରିଣୀ ॥ ୨୪॥
ବନ୍ଦ୍ୟା ବୃନ୍ଦାବନୀ ବୃନ୍ଦାରକେଡ୍ୟା ବୃଷବାହିନୀ । ବୃନ୍ଦା ବୃଷବାହିନା
ଦାକ୍ଷାୟଣୀ ଦକ୍ଷକନ୍ୟା ଶ୍ୟାମା ପରମସୁନ୍ଦରୀ ॥ ୨୫॥
ଶିବପ୍ରିୟା ଶିବାରାଧ୍ୟା ଶିବମସ୍ତକବାସିନୀ ।
ଶିବମସ୍ତକମସ୍ତା ଚ ବିଷ୍ଣୁପାଦପଦା ତଥା ॥ ୨୬॥
ବିପତ୍ତିକାସିନୀ ଦୁର୍ଗତାରିଣୀ ତାରିଣୀଶ୍ୱରୀ । ବିପତ୍ତିନାଶିନୀ
ଗୀତା ପୁଣ୍ୟଚରିତ୍ରା ଚ ପୁଣ୍ୟନାମ୍ନୀ ଶୁଚିଶ୍ରବା ॥ ୨୭॥
ଶ୍ରୀରାମା ରାମରୂପା ଚ ରାମଚନ୍ଦ୍ରୈକଚନ୍ଦ୍ରିକା ।
ରାଘବୀ ରଘୁବଂଶେଶୀ ସୂର୍ୟବଂଶପ୍ରତିଷ୍ଠିତା ॥ ୨୮॥
ସୂର୍ୟା ସୂର୍ୟପ୍ରିୟା ସୌରୀ ସୂର୍ୟମଣ୍ଡଲଭେଦିନୀ ॥ ୨୯॥ (ଶୌରୀ)
ଭଗିନୀ ଭାଗ୍ୟଦା ଭବ୍ୟା ଭାଗ୍ୟପ୍ରାପ୍ୟା ଭଗେଶ୍ୱରୀ ।
ଭବ୍ୟୋଚ୍ଚୟୋପଲବ୍ଧା ଚ କୋଟିଜନ୍ମତପଃଫଲା ॥ ୩୦॥
ତପସ୍ୱିନୀ ତାପସୀ ଚ ତପନ୍ତୀ ତାପନାଶିନୀ ।
ତନ୍ତ୍ରରୂପା ତନ୍ତ୍ରମୟୀ ତନ୍ତ୍ରଗୋପ୍ୟା ମହେଶ୍ୱରୀ ॥ ୩୧॥
variations ମନ୍ଦରୂପା ମନ୍ଦମୟୀ ମନ୍ଦଗୋପ୍ୟା ମଖେଶ୍ୱରୀ
ମନ୍ତ୍ରରୂପା ମନ୍ତ୍ରମୟୀ ମନ୍ତ୍ରଗୋପ୍ୟା ମଖେଶ୍ୱରୀ
ବିଷ୍ଣୁଦେହଦ୍ରବାକାରା ଶିବଗାନାମୃତୋଦ୍ଭବା ।
ଆନନ୍ଦଦ୍ରବରୂପା ଚ ପୂର୍ଣାନନ୍ଦମୟୀ ଶିବା ॥ ୩୨॥
କୋଟିସୂର୍ୟପ୍ରଭା ପାପଧ୍ୱାନ୍ତସଂହାରକାରିଣୀ ।
ପବିତ୍ରା ପରମା ପୁଣ୍ୟା ତେଜୋଧାରା ଶଶିପ୍ରଭା ।
ଶଶିକୋଟିପ୍ରକାଶା ଚ ତ୍ରିଜଗଦୀପ୍ତିକାରିଣୀ ॥ ୩୩॥
ସତ୍ୟା ସତ୍ୟସ୍ୱରୂପା ଚ ସତ୍ୟଜ୍ଞା ସତ୍ୟସମ୍ଭବା ।
ସତ୍ୟାଶ୍ରୟା ସତୀ ଶ୍ୟାମା ନବୀନା ନରକାନ୍ତକା ॥ ୩୪॥
ସହସ୍ରଶୀର୍ଷା ଦେବେଶୀ ସହସ୍ରାକ୍ଷୀ ସହସ୍ରପାତ୍ ।
ଲକ୍ଷବକ୍ତ୍ରା ଲକ୍ଷପାଦା ଲକ୍ଷହସ୍ତା ବିଲକ୍ଷଣା ॥ ୩୫॥
ସଦା ନୂତନରୂପା ଚ ଦୁର୍ଲଭା ସୁଲଭା ଶୁଭା ।
ରକ୍ତବର୍ଣା ଚ ରକ୍ତାକ୍ଷୀ ତ୍ରିନେତ୍ରା ଶିବସୁନ୍ଦରୀ ॥ ୩୬॥
ଭଦ୍ରକାଲୀ ମହାକାଲୀ ଲକ୍ଷ୍ମୀର୍ଗଗଣବାସିନୀ ।
ମହାବିଦ୍ୟା ଶୁଦ୍ଧବିଦ୍ୟା ମନ୍ତ୍ରରୂପା ସୁମନ୍ତ୍ରିତା ॥ ୩୭॥
ରାଜସିଂହାସନତଟା ରାଜରାଜେଶ୍ୱରୀ ରମା ।
ରାଜକନ୍ୟା ରାଜପୂଜ୍ୟା ମନ୍ଦମାରୁତଚାମରା ॥ ୩୮॥
ବେଦବନ୍ଦିପ୍ରଗୀତା ଚ ବେଦବନ୍ଦିପ୍ରବନ୍ଦିତା ।
ବେଦବନ୍ଦିସ୍ତୁତା ଦିବ୍ୟା ବେଦବନ୍ଦିସୁବର୍ଣିତା ॥ ୩୯॥
ସୁବର୍ଣା ବର୍ଣନୀୟା ଚ ସୁବର୍ଣଗାନନନ୍ଦିତା ।
ସୁବର୍ଣଦାନଲଭ୍ୟା ଚ ଗାନାନନ୍ଦପ୍ରିୟାଽମଲା ॥ ୪୦॥
ମାଲା ମାଲାବତୀ ମାଲ୍ୟା ମାଲତୀ କୁସୁମପ୍ରିୟା । ମାନ୍ୟା
ଦିଗମ୍ବରୀ ଦୁଷ୍ଟହନ୍ତ୍ରୀ ସଦା ଦୁର୍ଗମବାସିନୀ ॥ ୪୧॥
ଅଭୟା ପଦ୍ମହସ୍ତା ଚ ପୀୟୂଷକରଶୋଭିତା ।
ଖଡ୍ଗହସ୍ତା ଭୀମରୂପା ଶ୍ୟେନୀ ମକରବାହିନୀ ॥ ୪୨॥
ଶୁଦ୍ଧସ୍ରୋତା ବେଗବତୀ ମହାପାଷାଣଭେଦିନୀ ।
ପାପାଲୀ ରୋଦନକରୀ ପାପସଂହାରକାରିଣୀ ॥ ୪୩॥
ଯାତନାୟ ଚ ବୈଧବ୍ୟଦାୟିନୀ ପୁଣ୍ୟବର୍ଧିନୀ ।
ଗଭୀରାଽଲକନନ୍ଦା ଚ ମେରୁଶୃଙ୍ଗବିଭେଦିନୀ ॥ ୪୪॥
ସ୍ୱର୍ଗଲୋକକୃତାବାସା ସ୍ୱର୍ଗସୋପାନରୂପିଣୀ ।
ସ୍ୱର୍ଗଙ୍ଗା ପୃଥିବୀଗଙ୍ଗା ନରସେବ୍ୟା ନରେଶ୍ୱରୀ ॥ ୪୫॥
ସୁବୁଦ୍ଧିଶ୍ଚ କୁବୁଦ୍ଧିଶ୍ଚ ଶ୍ରୀର୍ଲକ୍ଷ୍ମୀଃ କମଲାଲୟା ॥ ୪୬॥
ପାର୍ୱତୀ ମେରୁଦୌହିତ୍ରୀ ମେନକାଗର୍ଭସମ୍ଭବା ।
ଅୟୋନିସମ୍ଭବା ସୂକ୍ଷ୍ମା ପରମାତ୍ମା ପରତ୍ତ୍ୱଦା ॥ ୪୭॥
ବିଷ୍ଣୁଜା ବିଷ୍ଣୁଜନିକା ବିଷ୍ଣୁପାଦନିବାସିନୀ । ଶିବମସ୍ତକବାସିନୀ
ଦେବୀ ବିଷ୍ଣୁପଦୀ ପଦ୍ୟା ଜାହ୍ନବୀ ପଦ୍ମବାସିନୀ ॥ ୪୮॥
ପଦ୍ମା ପଦ୍ମାବତୀ ପଦ୍ମଧାରିଣୀ ପଦ୍ମଲୋଚନା ।
ପଦ୍ମପାଦା ପଦ୍ମମୁଖୀ ପଦ୍ମନାଭା ଚ ପଦ୍ମିନୀ ॥ ୪୯॥
ପଦ୍ମଗର୍ଭା ପଦ୍ମଶୟା ମହାପଦ୍ମଗୁଣାଧିକା ।
ପଦ୍ମାକ୍ଷୀ ପଦ୍ମଲଲିତା ପଦ୍ମବର୍ଣା ସୁପଦ୍ମିନୀ ॥ ୫୦॥
ସହସ୍ରଦଲପଦ୍ମସ୍ଥା ପଦ୍ମାକରନିବାସିନୀ ।
ମହାପଦ୍ମପୁରସ୍ଥା ଚ ପୁରେଶୀ ପରମେଶ୍ୱରୀ ॥ ୫୧॥
ହଂସୀ ହଂସବିଭୂଷା ଚ ହଂସରାଜବିଭୂଷଣା ।
ହଂସରାଜସୁବର୍ଣା ଚ ହଂସାରୂଢା ଚ ହଂସିନୀ ॥ ୫୨॥
ହଂସାକ୍ଷରସ୍ୱରୂପା ଚ ଦ୍ୱ୍ୟକ୍ଷରା ମନ୍ତ୍ରରୂପିଣୀ ।
ଆନନ୍ଦଜଲସମ୍ପୂର୍ଣା ଶ୍ୱେତବାରିପ୍ରପୂରିକା ॥ ୫୩॥
ଅନୟାସସଦାମୁକ୍ୟିର୍ୟୋଗ୍ୟାଽୟୋଗ୍ୟବିଚାରିଣୀ ॥ ୫୪॥
ତେଜୋରୂପଜଲାପୂର୍ଣା ତୈଜସୀ ଦୀପ୍ତିରୂପିଣୀ ।
ପ୍ରଦୀପକଲିକାକାରା ପ୍ରାଣାୟାମସ୍ୱରୂପିଣୀ ॥ ୫୫॥
ପ୍ରାଣଦା ପ୍ରାଣନୀୟା ଚ ମହୌଷଧସ୍ୱରୂପିଣୀ । ମହୌଷଧିସ୍ୱରୂପିଣୀ
ମହୌଷଧଜଲା ଚୈବ ପାପରୋଗଚିକିତ୍ସକା ॥ ୫୬॥ (ପାପରୋଗଚିକିତ୍ସିକା)
କୋଟିଜନ୍ମତପୋଲକ୍ଷ୍ୟା ପ୍ରାଣତ୍ୟାଗୋତ୍ତରାଽମୃତା ।
ନିଃସନ୍ଦେହା ନିର୍ମହିମା ନିର୍ମଲା ମଲନାଶିନୀ ॥ ୫୭॥
ଶବାରୂଢା ଶବସ୍ଥାନବାସିନୀ ଶବବତ୍ତଟୀ ।
ଶ୍ମଶାନବାସିନୀ କେଶକୀକସାଚିତତୀରିଣୀ ॥ ୫୮॥
ଭୈରବୀ ଭୈରବଶ୍ରେଷ୍ଠସେବିତା ଭୈରବପ୍ରିୟା ।
ଭୈରବପ୍ରାଣରୂପା ଚ ବୀରସାଧନବାସିନୀ ॥ ୫୯॥
ବୀରପ୍ରିୟା ବୀରପତ୍ନୀ କୁଲୀନା କୁଲପଣ୍ଡିତା ।
କୁଲବୃକ୍ଷସ୍ଥିତା କୌଲୀ କୁଲକୋମଲବାସିନୀ ॥ ୬୦॥
କୁଲଦ୍ରବପ୍ରିୟା କୁଲ୍ୟା କୁଲ୍ୟମାଲାଜପପ୍ରିୟା ।
କୌଲଦା କୁଲରକ୍ଷିତ୍ରୀ କୁଲବାରିସ୍ୱରୂପିଣୀ ॥ ୬୧॥
ରଣଶ୍ରୀଃ ରଣଭୂଃ ରମ୍ୟା ରଣୋତ୍ସାହପ୍ରିୟା ରଣେ । ବଲିଃ
ନୃମୁଣ୍ଡମାଲାଭରଣା ନୃମୁଣ୍ଡକରଧାରିଣୀ ॥ ୬୨॥
ବିବସ୍ତ୍ରା ଚ ସବସ୍ତ୍ରା ଚ ସୂକ୍ଷ୍ମବସ୍ତ୍ରା ଚ ଯୋଗିନୀ ।
ରସିକା ରସରୂପା ଚ ଜିତାହାରା ଜିତେନ୍ଦ୍ରିୟା ॥ ୬୩॥
ଯାମିନୀ ଚାର୍ଧରାତ୍ରସ୍ଥା କୂର୍ଚ୍ଚବୀଜସ୍ୱରୂପିଣୀ ।
ଲଜ୍ଜାଶକ୍ତିଶ୍ଚ ବାଗ୍ରୂପା ନାରୀ ନରକହାରିଣୀ ॥ ୬୪॥ (ଲଜ୍ଜାଶାନ୍ତି, ନରକବାହିନୀ)
ତାରା ତାରସ୍ୱରାଢ୍ୟା ଚ ତାରିଣୀ ତାରରୂପିଣୀ ।
ଅନନ୍ତା ଚାଦିରହିତା ମଧ୍ୟଶୂନ୍ୟାସ୍ୱରୂପିଣୀ ॥ ୬୫॥
ନକ୍ଷତ୍ରମାଲିନୀ କ୍ଷୀଣା ନକ୍ଷତ୍ରସ୍ଥଲବାସିନୀ ।
ତରୁଣାଦିତ୍ୟସଙ୍କାଶା ମାତଙ୍ଗୀ ମୃତ୍ୟୁବର୍ଜିତା ॥ ୬୬॥
ଅମରାମରସଂସେବ୍ୟା ଉପାସ୍ୟା ଶକ୍ତିରୂପିଣୀ ।
ଧୂମାକାରାଗ୍ନିସମ୍ଭୂତା ଧୂମା ଧୂମାବତୀ ରତିଃ ॥ ୬୭॥
କାମାଖ୍ୟା କାମରୂପା ଚ କାଶୀ କାଶୀପୁରସ୍ଥିତା ।
ବାରାଣସୀ ବାରୟୋଷିତ୍ କାଶୀନାଥଶିରଃସ୍ଥିତା ॥ ୬୮॥
ଅୟୋଧ୍ୟା ମଥୁରା ମାୟା କାଶୀ କାଞ୍ଚୀ ହ୍ୟବନ୍ତିକା ।
ଦ୍ୱାରକା ଜ୍ୱଲଦଗ୍ନିଶ୍ଚ କେବଲା କେବଲତ୍ୱଦା ॥ ୬୯॥
କରବୀରପୁରସ୍ଥା ଚ କାବେରୀ କବରୀ ଶିବା ।
ରକ୍ଷିଣୀ ଚ କରାଲାକ୍ଷୀ କଙ୍କାଲା ଶଙ୍କରପ୍ରିୟା ॥ ୭୦॥
ଜ୍ୱାଲାମୁଖୀ କ୍ଷୀରିଣୀ ଚ କ୍ଷୀରଗ୍ରାମନିବାସିନୀ ।
ରକ୍ଷାକରୀ ଦୀର୍ଘକର୍ଣା ସୁଦନ୍ତାଦନ୍ତବର୍ଜିତା ॥ ୭୧॥
ଦୈତ୍ୟଦାନବସଂହନ୍ତ୍ରୀ ଦୁଷ୍ଟହନ୍ତ୍ରୀ ବଲିପ୍ରିୟା ।
ବଲିମାଂସପ୍ରିୟା ଶ୍ୟାମା ବ୍ୟାଘ୍ରଚର୍ମାପିଧାୟିନୀ ॥ ୭୨॥
ଜବାକୁସୁମସଙ୍କାଶା ସାତ୍ତ୍ୱିକୀ ରାଜସୀ ତଥା ।
ତାମସୀ ତରୁଣୀ ବୃଦ୍ଧା ଯୁବତୀ ବାଲିକା ତଥା ॥ ୭୩॥
ଯକ୍ଷରାଜସୁତା ଜାମ୍ବୁମାଲିନୀ ଜମ୍ବୁବାସିନୀ ।
ଜାମ୍ବୂନଦବିଭୂଷା ଚ ଜ୍ୱଲଜାମ୍ବୂନଦପ୍ରଭା ॥ ୭୪॥
ରୁଦ୍ରାଣୀ ରୁଦ୍ରଦେହସ୍ଥା ରୁଦ୍ରା ରୁଦ୍ରାକ୍ଷଧାରିଣୀ ।
ଅଣୁଶ୍ଚ ପରମାଣୁଶ୍ଚ ହ୍ରସ୍ୱା ଦୀର୍ଘା ଚକୋରିଣୀ ॥ ୭୫॥
ରୁଦ୍ରଗୀତା ବିଷ୍ଣୁଗୀତା ମହାକାବ୍ୟସ୍ୱରୂପିଣୀ ।
ଆଦିକାବ୍ୟସ୍ୱରୂପା ଚ ମହାଭାରତରୂପିଣୀ ॥ ୭୬॥
ଅଷ୍ଟାଦଶପୁରାଣସ୍ଥା ଧର୍ମମାତା ଚ ଧର୍ମିଣୀ ।
ମାତା ମାନ୍ୟା ସ୍ୱସା ଚୈବ ଶ୍ୱଶ୍ରୂଶ୍ଚୈବ ପିତାମହୀ ॥ ୭୭॥
ଗୁରୁଶ୍ଚ ଗୁରୁପତ୍ନୀ ଚ କାଲସର୍ପଭୟପ୍ରଦା ।
ପିତାମହସୁତା ସୀତା ଶିବସୀମନ୍ତିନୀ ଶିବା ॥ ୭୮॥
ରୁକ୍ମିଣୀ ରୁକ୍ମବର୍ଣା ଚ ଭୈଷ୍ମୀ ଭୈମୀ ସୁର୍ରୂପିଣୀ । ସ୍ୱରୂପିଣୀ
ସତ୍ୟଭାମା ମହାଲକ୍ଷ୍ମୀ ଭଦ୍ରା ଜାମ୍ବବତୀ ମହୀ ॥ ୭୯॥
ନନ୍ଦା ଭଦ୍ରମୁଖୀ ରିକ୍ତା ଜୟା ବିଜୟଦା ଜୟା ।
ଜୟିତ୍ରୀ ପୂର୍ଣିମା ପୂର୍ଣା ପୂର୍ଣଚନ୍ଦ୍ରନିଭାନନା ॥ ୮୦॥
ଗୁରୁପୂର୍ଣା ସୌମ୍ୟଭଦ୍ରା ବିଷ୍ଟିଃ ସଂବେଶକାରିଣୀ ।
ଶନିରିକ୍ତା କୁଜଜୟା ସିଦ୍ଧିଦା ସିଦ୍ଧିରୂପିଣୀ ॥ ୮୧॥
ଅମୃତାଽମୃତରୂପା ଚ ଶ୍ରୀମତୀ ଚ ଜଲାମୃତା ॥ ୮୨॥
ନିରାତଙ୍କା ନିରାଲମ୍ବା ନିଷ୍ପ୍ରପଞ୍ଚା ବିଶେଷିଣୀ ।
ନିଷେଧଶେଷରୂପା ଚ ବରିଷ୍ଠା ଯୋଷିତାଂବରା ॥ ୮୩॥
ଯଶସ୍ୱିନୀ କୀର୍ତିମତୀ ମହାଶୈଲାଗ୍ରବାସିନୀ ।
ଧରା ଧରିତ୍ରୀ ଧରଣୀ ସିନ୍ଧୁର୍ବନ୍ଧୁଃ ସବାନ୍ଧବା ॥ ୮୪॥
ସମ୍ପତ୍ତିଃ ସମ୍ପଦୀଶା ଚ ବିପତ୍ତିପରିମୋଚିନୀ ।
ଜନ୍ମପ୍ରବାହହରଣୀ ଜନ୍ମଶୂନ୍ୟା ନିରଞ୍ଜନୀ ॥ ୮୫॥
ନାଗାଲୟାଲୟା ନୀଲା ଜଟାମଣ୍ଡଲଧାରିଣୀ ।
ସୁତରଙ୍ଗଜଟାଜୂଟା ଜଟାଧରଶିରଃସ୍ଥିତା ॥ ୮୬॥
ପଟ୍ଟାମ୍ବରଧରା ଧୀରା କବିଃ କାବ୍ୟରସପ୍ରିୟା ।
ପୁଣ୍ୟକ୍ଷେତ୍ରା ପାପହରା ହରିଣୀ ହାରିଣୀ ହରିଃ ॥ ୮୭॥
ହରିଦ୍ରାନଗରସ୍ଥା ଚ ବୈଦ୍ୟନାଥପ୍ରିୟା ବଲିଃ ।
ବକ୍ରେଶ୍ୱରୀ ବକ୍ରଧାରା ବକ୍ରେଶ୍ୱରପୁରଃସ୍ଥିତା ॥ ୮୮॥
ଶ୍ୱେତଗଙ୍ଗା ଶୀତଲା ଚ ଉଷ୍ମୋଦକମୟୀ ରୁଚିଃ । ଉଷ୍ଣୋଦକମୟୀ
ଚୋଲରାଜପ୍ରିୟକରୀ ଚନ୍ଦ୍ରମଣ୍ଡଲବର୍ତ୍ତିନୀ ॥ ୮୯॥
ଆଦିତ୍ୟମଣ୍ଡଲଗତା ସଦାଦିତ୍ୟା ଚ କାଶ୍ୟପୀ ।
ଦହନାକ୍ଷୀ ଭୟହରା ବିଷଜ୍ୱାଲାନିବାରିଣୀ ॥ ୯୦॥
ହରା ଦଶହରା ସ୍ନେହଦାୟିନୀ କଲୁଷାଶନିଃ ।
କପାଲମାଲିନୀ କାଲୀ କଲା କାଲସ୍ୱରୂପିଣୀ ॥ ୯୧॥
ଇନ୍ଦ୍ରାଣୀ ବାରୁଣି ବାଣୀ ବଲାକା ବାଲଶଙ୍କରୀ ।
ଗୋର୍ଗୀର୍ହ୍ରୀର୍ଧର୍ମରୂପା ଚ ଧୀଃ ଶ୍ରୀର୍ଧନ୍ୟା ଧନଞ୍ଜୟା ॥ ୯୨॥
ବିତ୍ ସଂବିତ୍ କୁଃ କୁବେରୀ ଭୂର୍ଭୂତିର୍ଭୂମିଧରାଧରା ।
ଈଶ୍ୱରୀ ହ୍ରୀମତୀ କ୍ରୀଡା କ୍ରୀଡାସାୟା ଜୟପ୍ରଦା ॥ ୯୩॥
ଜୀବନ୍ତୀ ଜୀବନୀ ଜୀବା ଜୟାକାରା ଜୟେଶ୍ୱରୀ ।
ସର୍ୱୋପଦ୍ରବସଂଶୂନ୍ୟା ସର୍ୱପାପବିବର୍ଜିତା ॥ ୯୪॥
ସାବିତ୍ରୀ ଚୈବ ଗାୟତ୍ରୀ ଗଣେଶୀ ଗଣବନ୍ଦିତା ।
ଦୁଷ୍ପ୍ରେକ୍ଷା ଦୁଷ୍ପ୍ରବେଶା ଚ ଦୁର୍ଦର୍ଶା ଚ ସୁୟୋଗିଣୀ ॥ ୯୫॥
ଦୁଃଖହନ୍ତ୍ରୀ ଦୁଃଖହରା ଦୁର୍ଦାନ୍ତା ଯମଦେବତା ।
ଗୃହଦେବୀ ଭୂମିଦେବୀ ବନେଶୀ ବନଦେବତା ॥ ୯୬॥
ଗୁହାଲୟା ଘୋରରୂପା ମହାଘୋରନିତମ୍ବିନୀ । ଗୃହାଲୟା
ସ୍ତ୍ରୀଚଞ୍ଚଲା ଚାରୁମୁଖୀ ଚାରୁନେତ୍ରା ଲୟାତ୍ମିକା ॥ ୯୭॥
କାନ୍ତିଃ କାମ୍ୟା ନିର୍ଗୁଣା ଚ ରଜଃସତ୍ତ୍ୱତମୋମୟୀ । କାନ୍ତିକାମ୍ୟା
କାଲରାତ୍ରିର୍ମହାରାତ୍ରିର୍ଜୀବରୂପା ସନାତନୀ ॥ ୯୮॥
ସୁଖଦୁଃଖାଦିଭୋକ୍ତ୍ରୀ ଚ ସୁଖଦୁଃଖାଦିବର୍ଜିତା ।
ମହାବୃଜିନସଂହାରା ବୃଜିନଧ୍ୱାନ୍ତମୋଚନୀ ॥ ୯୯॥
ହଲିନୀ ଖଲହନ୍ତ୍ରୀ ଚ ବାରୁଣୀପାନକାରିଣୀ । ପାପକାରିଣୀ
ନିଦ୍ରାୟୋଗ୍ୟା ମହାନିଦ୍ରା ଯୋଗନିଦ୍ରା ଯୁଗେଶ୍ୱରୀ ॥ ୧୦୦॥
ଉଦ୍ଧାରୟିତ୍ରୀ ସ୍ୱର୍ଗଙ୍ଗା ଉଦ୍ଧାରଣପୁରଃସ୍ଥିତା ।
ଉଦ୍ଧୃତା ଉଦ୍ଧୃତାହାରା ଲୋକୋଦ୍ଧାରଣକାରିଣୀ ॥ ୧୦୧॥
ଶଙ୍ଖିନୀ ଶଙ୍ଖଧାତ୍ରୀ ଚ ଶଙ୍ଖବାଦନକାରିଣୀ । ଶଙ୍ଖଧାରୀ
ଶଙ୍ଖେଶ୍ୱରୀ ଶଙ୍ଖହସ୍ତା ଶଙ୍ଖରାଜବିଦାରିଣୀ ॥ ୧୦୨॥
ପଶ୍ଚିମାସ୍ୟା ମହାସ୍ରୋତା ପୂର୍ୱଦକ୍ଷିଣବାହିନୀ ।
ସାର୍ଧୟୋଜନବିସ୍ତୀର୍ଣା ପାବନ୍ୟୁତ୍ତରବାହିନୀ ॥ ୧୦୩॥
ପତିତୋଦ୍ଧାରିଣୀ ଦୋଷକ୍ଷମିଣୀ ଦୋଷବର୍ଜିତା ।
ଶରଣ୍ୟା ଶରଣା ଶ୍ରେଷ୍ଠା ଶ୍ରୀୟୁତା ଶ୍ରାଦ୍ଧଦେବତା ॥ ୧୦୪॥
ସ୍ୱାହା ସ୍ୱଧା ସ୍ୱରୂପାକ୍ଷୀ ସୁରୂପାକ୍ଷୀ ଶୁଭାନନା । ବିରୂପାକ୍ଷୀ
କୌମୁଦୀ କୁମୁଦାକାରା କୁମୁଦାମ୍ବରଭୂଷଣା ॥ ୧୦୫॥
ସୌମ୍ୟା ଭବାନୀ ଭୂତିସ୍ଥା ଭୀମରୂପା ବରାନନା ।
ବରାହକର୍ଣା ବର୍ହିଷ୍ଠା ବୃହଚ୍ଛ୍ରୋଣୀ ବଲାହକା ॥ ୧୦୬॥ (ବରାହବର୍ଣା)
ବେଶିନୀ କେଶପାଶାଢ୍ୟା ନଭୋମଣ୍ଡଲବାସିନୀ ।
ମଲ୍ଲିକା ମଲ୍ଲିକାପୁଷ୍ପବର୍ଣା ଲାଙ୍ଗଲଧାରିଣୀ ॥ ୧୦୭॥
ତୁଲସୀଦଲଗନ୍ଧାଢ୍ୟା ତୁଲସୀଦାମଭୂଷଣା ।
ତୁଲସୀତରୁସଂସ୍ଥା ଚ ତୁଲସୀରସଲେହିନୀ । ତୁଲସୀରସଗେହିନୀ
ତୁଲସୀରସସୁସ୍ୱାଦୁସଲିଲା ବିଲ୍ୱବାସିନୀ ॥ ୧୦୮॥
ବିଲ୍ୱବୃକ୍ଷନିବାସା ଚ ବିଲ୍ୱପତ୍ରରସଦ୍ରବା ।
ମାଲୂରପତ୍ରମାଲାଢ୍ୟା ବୈଲ୍ୱୀ ଶୈବାର୍ଧଦେହିନୀ ॥ ୧୦୯॥
ଅଶୋକା ଶୋକରହିତା ଶୋକଦାବାଗ୍ନିହୃଜ୍ଜଲା ।
ଅଶୋକବୃକ୍ଷନିଲୟା ରମ୍ଭା ଶିବକରସ୍ଥିତା ॥ ୧୧୦॥
ଦାଡିମୀ ଦାଡିମୀବର୍ଣା ଦାଡିମସ୍ତନଶୋଭିତା ।
ରକ୍ତାକ୍ଷୀ ବୀରବୃକ୍ଷସ୍ଥା ରକ୍ତିନୀ ରକ୍ତଦନ୍ତିକା ॥ ୧୧୧॥
ରାଗିଣୀ ରାଗଭାର୍ୟା ଚ ସଦାରାଗବିବର୍ଜିତା ।
ବିରାଗରାଗସମ୍ମୋଦା ସର୍ୱରାଗସ୍ୱରୂପିଣୀ ॥ ୧୧୨॥
ତାନସ୍ୱରୂପିଣୀ ତାଲରୂପିଣୀ ତାରକେଶ୍ୱରୀ ॥ ୧୧୩॥ (ତାଲସ୍ୱରୂପିଣୀ ତାଲକେଶରୀ)
ବାଲ୍ମୀକିଶ୍ଲୋକିତାଷ୍ଟେଡ୍ୟା ହ୍ୟନନ୍ତମହିମାଦିମା । ଲୋକିତାଷ୍ଟୋଦ୍ୟା
ମାତା ଉମା ସପତ୍ନୀ ଚ ଧରାହାରାବଲିଃ ଶୁଚିଃ ॥ ୧୧୪॥ (ହାରାବଲୀ)
ସ୍ୱର୍ଗାରୋହପତାକା ଚ ଇଷ୍ଟା ଭାଗୀରଥୀ ଇଲା ।
ସ୍ୱର୍ଗଭୀରାମୃତଜଲା ଚାରୁବୀଚିସ୍ତରଙ୍ଗିଣୀ ॥ ୧୧୫॥
ବ୍ରହ୍ମତୀରା ବ୍ରହ୍ମଜଲା ଗିରିଦାରଣକାରିଣୀ ।
ବ୍ରହ୍ମାଣ୍ଡଭେଦିନୀ ଘୋରନାଦିନୀ ଘୋରବେଗିନୀ ॥ ୧୧୬॥
ବ୍ରହ୍ମାଣ୍ଡବାସିନୀ ଚୈବ ସ୍ଥିରବାୟୁପ୍ରଭେଦିନୀ ।
ଶୁକ୍ରଧାରାମୟୀ ଦିବ୍ୟଶଙ୍ଖବାଦ୍ୟାନୁସାରିଣୀ ॥ ୧୧୭॥
ଋଷିସ୍ତୁତା ଶିବସ୍ତୁତ୍ୟା ଗ୍ରହବର୍ଗପ୍ରପୂଜିତା । ସୁରସ୍ତୁତ୍ୟା
ସୁମେରୁଶୀର୍ଷନିଲୟା ଭଦ୍ରା ସୀତା ମହେଶ୍ୱରୀ ॥ ୧୧୮॥
ବଙ୍କ୍ଷୁଶ୍ଚାଲକନନ୍ଦା ଚ ଶୈଲସୋପାନଚାରିଣୀ ।
ଲୋକାଶାପୂରଣକରୀ ସର୍ୱମାନସଦୋହନୀ ॥ ୧୧୯॥
ତ୍ରୈଲୋକ୍ୟପାବନୀ ଧନ୍ୟା ପୃଥ୍ୱୀରକ୍ଷଣକାରିଣୀ ।
ଧରଣୀ ପାର୍ଥିବୀ ପୃଥ୍ୱୀ ପୃଥୁକୀର୍ତିର୍ନିରାମୟା ॥ ୧୨୦॥
ବ୍ରହ୍ମପୁତ୍ରୀ ବ୍ରହ୍ମକନ୍ୟା ବ୍ରହ୍ମମାନ୍ୟା ବନାଶ୍ରୟା ।
ବ୍ରହ୍ମରୂପା ବିଷ୍ଣୁରୂପା ଶିବରୂପା ହିରଣ୍ମୟୀ ॥ ୧୨୧॥
ବ୍ରହ୍ମବିଷ୍ଣୁଶିବତ୍ୱାଢ୍ୟା ବ୍ରହ୍ମବିଷ୍ଣୁଶିବତ୍ୱଦା ।
ମଜ୍ଜଜ୍ଜନୋଦ୍ଧାରିଣୀ ଚ ସ୍ମରଣାର୍ତିବିନାଶିନୀ ॥ ୧୨୨॥
ସ୍ୱର୍ଗଦାୟିସୁଖସ୍ପର୍ଶା ମୋକ୍ଷଦର୍ଶନଦର୍ପଣା । ସ୍ୱର୍ଗଦାତ୍ରୀ
ଆରୋଗ୍ୟଦାୟିନୀ ନୀରୁକ୍ ନାନାତାପବିନାଶିନୀ ॥ ୧୨୩॥
ତାପୋତ୍ସାରଣଶୀଲା ଚ ତପୋଧାମା ଶ୍ରମାପହା । ତପୋଧାନା
ସର୍ୱଦୁଃଖପ୍ରଶମନୀ ସର୍ୱଶୋକବିମୋଚନୀ ॥ ୧୨୪॥
ସର୍ୱଶ୍ରମହରା ସର୍ୱସୁଖଦା ସୁଖସେବିତା ।
ସର୍ୱପ୍ରାୟଶ୍ଚିତ୍ତମୟୀ ବାସମାତ୍ରମହାତପାଃ ॥ ୧୨୫॥
ସତନୁର୍ନିସ୍ତନୁସ୍ତନ୍ୱୀ ତନୁଧାରଣବାରିଣୀ ।
ମହାପାତକଦାବାଗ୍ନିଃ ଶୀତଲା ଶଶଧାରିଣୀ ॥ ୧୨୬॥
ଗେୟା ଜପ୍ୟା ଚିନ୍ତନୀୟା ଧ୍ୟେୟା ସ୍ମରଣଲକ୍ଷିତା ।
ଚିଦାନନ୍ଦସ୍ୱରୂପା ଚ ଜ୍ଞାନରୂପାଗମେଶ୍ୱରୀ ॥ ୧୨୭॥
ଆଗମ୍ୟା ଆଗମସ୍ଥା ଚ ସର୍ୱାଗମନିରୂପିତା ।
ଇଷ୍ଟଦେବୀ ମହାଦେବୀ ଦେବନୀୟା ଦିବିସ୍ଥିତା ॥ ୧୨୮॥
ଦନ୍ତାବଲଗୃହୀ ସ୍ଥାତ୍ରୀ ଶଙ୍କରାଚାର୍ୟରୂପିଣୀ । ଦନ୍ତୀବଲଗୃହସ୍ଥାତ୍ରୀ
ଶଙ୍କରାଚାର୍ୟପ୍ରଣତା ଶଙ୍କରାଚାର୍ୟସଂସ୍ତୁତା ॥ ୧୨୯॥
ଶଙ୍କରାଭରଣୋପେତା ସଦା ଶଙ୍କରଭୂଷଣା ।
ଶଙ୍କରାଚାରଶୀଲା ଚ ଶଙ୍କ୍ୟା ଚ ଶଙ୍କରେଶ୍ୱରୀ ॥ ୧୩୦॥
ଶିବସ୍ରୋତାଃ ଶମ୍ଭୁମୁଖୀ ଗୌରୀ ଗଗଣଗେହିନୀ । ଗଗଣଦେହିନୀ
ଦୁର୍ଗମା ସୁଗମା ଗୋପ୍ୟା ଗୋପିନୀ ଗୋପବଲ୍ଲଭା ॥ ୧୩୧॥ (ଗୋପନୀ)
ଗୋମତୀ ଗୋପକନ୍ୟା ଚ ଯଶୋଦାନନ୍ଦନନ୍ଦିନୀ ।
କୃଷ୍ଣାନୁଜା କଂସହନ୍ତ୍ରୀ ବ୍ରହ୍ମରାକ୍ଷସମୋଚନୀ ।
ଶାପସମ୍ମୋଚନୀ ଲଙ୍କା ଲଙ୍କେଶୀ ଚ ବିଭୀଷଣା ॥ ୧୩୨॥
ବିଭୀଷାଭରଣୀଭୂଷା ହାରାବଲିରନୁତ୍ତମା । ବିଭୀଷାଭୂଷଣୀଭୂଷା
ତୀର୍ଥସ୍ତୁତା ତୀର୍ଥବନ୍ଦ୍ୟା ମହାତୀର୍ଥଞ୍ଚ ତୀର୍ଥସୂଃ ॥ ୧୩୩॥ (ମହାତୀର୍ଥା ଚ)
କନ୍ୟା କଲ୍ପଲତା କେଲୀଃ କଲ୍ୟାଣୀ କଲ୍ପବାସିନୀ
କଲିକଲ୍ମଷସଂହନ୍ତ୍ରୀ କାଲକାନନବାସିନୀ ।
କାଲସେବ୍ୟା କାଲମୟୀ କାଲିକା କାମୁକୋତ୍ତମା
କାମଦା କାରଣାଖ୍ୟା ଚ କାମିନୀ କୀର୍ତିଧାରିଣୀ ॥ ୧୩୪॥
କୋକାମୁଖୀ କୋରକାକ୍ଷୀ କୁରଙ୍ଗନୟନୀ କରିଃ । କୋଟରାକ୍ଷୀ
କଜ୍ଜଲାକ୍ଷୀ କାନ୍ତିରୂପା କାମାଖ୍ୟା କେଶରିସ୍ଥିତା ॥ ୧୩୫॥
ଖଗା ଖଲପ୍ରାଣହରା ଖଲଦୂରକରା ଖଲା ।
ଖେଲନ୍ତୀ ଖରବେଗା ଚ ଖକାରବର୍ଣବାସିନୀ ॥ ୧୩୬॥
ଗଙ୍ଗା ଗଗଣରୂପା ଚ ଗଗଣାଧ୍ୱପ୍ରସାରିଣୀ ।
ଗରିଷ୍ଠା ଗଣନୀୟା ଚ ଗୋପାଲୀ ଗୋଗଣସ୍ଥିତା ॥ ୧୩୭॥
ଗୋପୃଷ୍ଠବାସିନୀ ଗମ୍ୟା ଗଭୀରା ଗୁରୁପୁଷ୍କରା ।
ଗୋବିନ୍ଦା ଗୋସ୍ୱରୂପା ଚ ଗୋନାମ୍ନୀ ଗତିଦାୟିନୀ ॥ ୧୩୮॥
ଘୂର୍ଣମାନା ଘର୍ମହରା ଘୂର୍ଣତ୍ସ୍ରୋତା ଘନୋପମା । ଘୂର୍ଣହରା
ଘୂର୍ଣାଖ୍ୟଦୋଷହରଣୀ ଘୂର୍ଣୟନ୍ତୀ ଜଗତ୍ତ୍ରୟମ୍ ॥ ୧୩୯॥ (ଘୂର୍ଣାକ୍ଷୀ)
ଘୋରା ଧୃତୋପମଜଲା ଘର୍ଘରାରବଘୋଷିଣୀ । ଘୋଷଣୀ
ଘୋରାଙ୍ଘୋଘାତିନୀ ଘୁବ୍ୟା ଘୋଷା ଘୋରାଘହାରିଣୀ ॥ ୧୪୦॥ (ଘୋରାଘଘାରିଣୀ)
ଘୋଷରାଜୀ ଘୋଷକନ୍ୟା ଘୋଷନୀୟା ଘନାଲୟା ।
ଘଣ୍ଟାଟଙ୍କାରଘଟିତା ଘାଙ୍କାରୀ ଘଙ୍ଘଚାରିଣୀ ॥ ୧୪୧॥
ଙାନ୍ତା ଙକାରିଣୀ ଙେଶୀ ଙକାରବର୍ଣସଂଶ୍ରୟା ।
ଚକୋରନୟନୀ ଚାରୁମୁଖୀ ଚାମରଧାରିଣୀ ॥ ୧୪୨॥
ଚନ୍ଦ୍ରିକା ଶୁକ୍ଲସଲିଲା ଚନ୍ଦ୍ରମଣ୍ଡଲବାସିନୀ ।
ଚୌକାରବାସିନୀ ଚର୍ଚ୍ୟା ଚମରୀ ଚର୍ମବାସିନୀ ॥ ୧୪୩॥ (ଚୋହାରବାସିନୀ ଚର୍ୟା)
ଚର୍ମହସ୍ତା ଚନ୍ଦ୍ରମୁଖୀ ଚୁଚୁକଦ୍ୱୟଶୋଭିନୀ । ଚନ୍ଦ୍ରହସ୍ତା
ଛତ୍ରିଲା ଛତ୍ରିତାଘାବିଶ୍ଛତ୍ରଚାମରଶୋଭିତା ॥ ୧୪୪॥ (ଛତ୍ରିନୀ ଛତ୍ରିତା ଧାରି)
ଛତ୍ରିତା ଛଦ୍ମସହନ୍ତ୍ରୀ ଡୁରିତ ବ୍ରହ୍ମରୂପିଣୀ । ଛୁରିତୁର୍ବ୍ରହ୍ମରୂପିଣୀ
ଛାୟା ଚ ସ୍ଥଲଶୂନ୍ୟା ଚ ଛଲୟନ୍ତୀ ଛଲାନ୍ୱିତା ॥ ୧୪୫॥ (ଛଲଶୂନ୍ୟା)
ଛିନ୍ନମସ୍ତା ଛଲଧରା ଛବର୍ଣା ଛୁରିତା ଛବିଃ । ଛବିତା
ଜୀମୂତବାସିନୀ ଜିହ୍ୱା ଜବାକୁସୁମସୁନ୍ଦରୀ ॥ ୧୪୬॥
ଜରାଶୂନ୍ୟା ଜୟା ଜ୍ୱାଲା ଜବିନୀ ଜୀବନେଶ୍ୱରୀ ।
ଜ୍ୟୋତୀରୂପା ଜନ୍ମହରା ଜନାର୍ଦନମନୋହରା ॥ ୧୪୭॥
ଝଙ୍କାରକାରିଣୀ ଝଞ୍ଝା ଝର୍ଝରୀବାଦ୍ୟବାଦିନୀ ।
ଝଣନ୍ନୂପୁରସଂଶବ୍ଦା ଝରା ବ୍ରହ୍ମଝରା ଝରା ॥ ୧୪୮॥
ଙ୍କାରେଶୀ ଙ୍କାରସ୍ଥା ଞ୍ୱର୍ଣମଧ୍ୟନାମିକା ।
ଟଙ୍କାରକାରିଣୀ ଟଙ୍କଧାରିଣୀ ଟୁଣ୍ଠୁକାଟଲା ॥ ୧୪୯॥ (ଟୁଣ୍ଟୁକାଟକା)
ଠକ୍କୁରାଣୀ ଟହ୍ଦ୍ୱୟେଶୀ ଠଙ୍କାରୀ ଠକ୍କୁରପ୍ରିୟା ।
ଡାମରୀ ଡାମରାଧୀଶା ଡାମରେଶଶିରଃସ୍ଥିତା ॥ ୧୫୦॥
ଡମରୁଧ୍ୱନିନୃତ୍ୟନ୍ତୀ ଡାକିନୀଭୟହାରିଣୀ ।
ଡୀନା ଡୟିତ୍ରୀ ଡିଣ୍ଡୀ ଚ ଡିଣ୍ଡୀଧ୍ୱନିସଦାସ୍ପୃହା ॥ ୧୫୧॥
ଢକ୍କାରବା ଚ ଢକ୍କାରୀ ଢକ୍କାବାଦନଭୂଷଣା । ଢକ୍କାବନାଦଭୂଷଣା
ଣକାରବର୍ଣଧବଲା ଣକାରୀ ଯାନଭାବିନୀ ॥ ୧୫୨॥ (ବର୍ଣପ୍ରବଣା ଯାଣ)
ତୃତୀୟା ତୀବ୍ରପାପଘ୍ନୀ ତୀବ୍ରା ତରଣିମଣ୍ଡଲା ।
ତୁଷାରକତୁଲାସ୍ୟା ଚ ତୁଷାରକରବାସିନୀ ॥ ୧୫୩॥ (ତୁଷାରକରତୁଲ୍ୟା ସ୍ୟାତ୍)
ଥକାରାକ୍ଷୀ ଥବର୍ଣସ୍ଥା ଦନ୍ଦଶୂକବିଭୂଷଣା । ମକରାକ୍ଷୀ
ଦୀର୍ଘଚକ୍ଷୁର୍ଦୀର୍ଘଧାରା ଧନରୂପା ଧନେଶ୍ୱରୀ ॥ ୧୫୪॥
ଦୂରଦୃଷ୍ଟିର୍ଦୂରଗମା ଦୃତଗନ୍ତ୍ରୀ ଦ୍ରବାଶ୍ରୟା ।
ନାରୀରୂପା ନୀରଜାକ୍ଷୀ ନୀରରୂପା ନରୋତ୍ତମା ॥ ୧୫୫॥
ନିରଞ୍ଜନା ଚ ନିର୍ଲେପା ନିଷ୍କଲା ନିରହଙ୍କ୍ରିୟା ।
ପରା ପରାୟଣା ପକ୍ଷା ପାରାୟଣପରାୟଣା ।
ପାରୟିତ୍ରୀ ପଣ୍ଡିତା ଚ ପଣ୍ଡା ପଣ୍ଡିତସେବିତା ॥ ୧୫୬॥ (ପାରୟତ୍ରୀ)
ପରା ପବିତ୍ରା ପୁଣ୍ୟାଖ୍ୟା ପାଲିକା ପୀତବାସିନୀ । ପାଣିକା
ଫୁତ୍କାରଦୂରଦୁରିତା ଫାଲୟନ୍ତୀ ଫଣାଶ୍ରୟା ॥ ୧୫୭॥
ଫେନିଲା ଫେନଦଶନା ଫେନା ଫେନବତୀ ଫଣା ।
ଫେତ୍କାରିଣୀ ଫଣିଧରା ଫଣିଲୋକନିବାସିନୀ ॥ ୧୫୮॥
ଫାଣ୍ଟାକୃତାଲୟା ଫୁଲ୍ଲା ଫୁଜ୍ଜାରବିନ୍ଦଲୋଚନା ।
ବେଣୀଧରା ବଲବତୀ ବେଗବତିଧରାବହା ॥ ୧୫୯॥
ବନ୍ଦାରୁବନ୍ଦ୍ୟା ବୃନ୍ଦେଶୀ ବନବାସା ବନାଶୟା । ବନାଶ୍ରୟା
ଭୀମରାଜୀ ଭୀମପତ୍ନୀ ଭବଶୀର୍ଷକୃତାଲୟା ॥ ୧୬୦॥
ଭାସ୍କରା ଭାସ୍କରଧରା ଭୂଷା ଭାସ୍କରବାଦିନୀ । ଭାଙ୍କାରବାଦିନୀ
ଭୟଙ୍କରୀ ଭୟହରା ଭୀଷଣା ଭୂମିଭେଦିନୀ ॥ ୧୬୧॥
ଭଗଭାଗ୍ୟବତୀ ଭବ୍ୟା ଭବଦୁଃଖନିବାରିଣୀ ।
ଭେରୁଣ୍ଡା ଭୀମସୁଗମା ଭଦ୍ରକାଲୀ ଭବସ୍ଥିତା ॥ ୧୬୨॥ (ଭେରୁସୁଗମା)
ମନୋରମା ମନୋଜ୍ଞା ଚ ମୃତମୋକ୍ଷା ମହାମତିଃ ।
ମତିଦାତ୍ରୀ ମତିହରା ମଟସ୍ଥା ମୋକ୍ଷରୂପିଣୀ ॥ ୧୬୩॥
ଯମପୂଜ୍ୟା ଯଜ୍ଞରୂପା ଯଜମାନା ଯମସ୍ୱସା । ଯଜମାନୀ
ଯମଦଣ୍ଡସ୍ୱରୂପା ଚ ଯମଦଣ୍ଡହରା ଯତିଃ ॥ ୧୬୪॥
ରକ୍ଷିକା ରାତ୍ରିରୂପା ଚ ରମଣୀୟା ରମା ରତିଃ ।
ଲବଙ୍ଗୀ ଲେଶରୂପା ଚ ଲେଶନୀୟା ଲୟପ୍ରଦା ॥ ୧୬୫॥
ବିବୁଦ୍ଧା ବିଷହସ୍ତା ଚ ବିଶିଷ୍ଟା ବେଶଧାରିଣୀ ।
ଶ୍ୟାମରୂପା ଶରତ୍କନ୍ୟା ଶାରଦୀ ଶବଲା ଶ୍ରୁତା ॥ ୧୬୬॥ (ଶରଣା ଶରଲା)
ଶ୍ରୁତିଗମ୍ୟା ଶ୍ରୁତିସ୍ତୁତ୍ୟା ଶ୍ରୀମୁଖୀ ଶରଣପ୍ରଦା । ଶରଣପ୍ରିୟା
ଷଷ୍ଠୀ ଷଟ୍କୋଣନିଲୟା ଷଟ୍କର୍ମପରିସେବିତା ॥ ୧୬୭॥
ସାତ୍ତ୍ୱିକୀ ସତ୍ୱସରଣିଃ ସାନନ୍ଦା ସୁଖରୂପିଣୀ । ସତ୍ୟସରଣିଃ
ହରିକନ୍ୟା ହରିଜଲା ହରିଦ୍ୱର୍ଣା ହରୀଶ୍ୱରୀ ॥ ୧୬୮॥ (ହରେଶ୍ୱରୀ)
କ୍ଷେମଙ୍କରୀ କ୍ଷେମରୂପା କ୍ଷୁରଧାରାମ୍ବୁଲେଶିନୀ ।
ଅନନ୍ତା ଇନ୍ଦିରା ଈଶା ଉମା ଊଷା ଋବର୍ଣିକା ॥ ୧୬୯॥
ୠସ୍ୱରୂପା ଌକାରସ୍ଥା ୡକାରୀ ଏଷିତା ତଥା । ଏଧିତା ଏଷିକା
ଐଶ୍ୱର୍ୟଦାୟିନୀ ଓକାରିଣୀ ଔମକକାରିଣୀ ॥ ୧୭୦॥
ଅନ୍ତଶୂନ୍ୟା ଅଙ୍କଧରା ଅସ୍ପର୍ଶା ଅସ୍ତ୍ରଧାରିଣୀ ।
ସର୍ୱବର୍ଣମୟୀ ବର୍ଣବ୍ରହ୍ମରୂପାଖିଲାତ୍ମିକା ॥ ୧୭୧॥
ପ୍ରସନ୍ନା ଶୁକ୍ଲଦଶନା ପରମାର୍ଥା ପୁରାତନୀ ।
ଶୁକ ଉବାଚ ।
ଇମଂ ସହସ୍ରନାମାଖ୍ୟଂ ଭଗୀରଥକୃତଂ ପୁରା ।
ଭଗବତ୍ୟା ହି ଗଙ୍ଗାୟା ମହାପୁଣ୍ୟଂ ଜୟପ୍ରଦମ୍ ॥ ୧୭୨॥
ଯଃ ପଠେଚ୍ଛୃଣୁୟାଦ୍ୱାପି ଭକ୍ତ୍ୟା ପରମୟା ଯୁତଃ । ପଠେଦ୍ୱା ପାଠୟେଦ୍ୱାପି
ତସ୍ୟ ସର୍ୱଂ ସୁସିଦ୍ଧଂ ସ୍ୟାଦ୍ୱିନିୟୁକ୍ତଂ ଫଲଂ ଦ୍ୱିଜ ॥ ୧୭୩॥
ଗଙ୍ଗୈବ ବରଦା ତସ୍ୟ ଭବେତ୍ ସର୍ୱାର୍ଥଦାୟିନୀ ।
ଜ୍ୟୈଷ୍ଠେ ଦଶହରାତିଥ୍ୟାଂ ପୂଜୟିତ୍ୱା ସଦାଶିବାମ୍ ॥ ୧୭୪॥
ଦୁର୍ଗୋତ୍ସବ ବିଧାନେନ ବିଧିନା ଗମିକେନ ବା ।
ଗଙ୍ଗା ସହସ୍ରନାମାଖ୍ୟଂ ସ୍ତବମେନମୁଦାହରେତ୍ ॥ ୧୭୫॥
ତସ୍ୟ ସଂବତ୍ସରଂ ଦେବୀ ଗହେ ବଦ୍ଧୈବ ତିଷ୍ଠତି ।
ପୁତ୍ରୋତ୍ସବେ ବିବାହାଦୌ ଶ୍ରାଦ୍ଧାହେ ଜନ୍ମବାସରେ ॥ ୧୭୬॥
ପଠେଦ୍ୱା ଶୃଣୁୟାଦ୍ୱାପି ତତ୍ତତ୍କର୍ମାକ୍ଷୟଂ ଭବେତ୍ ।
ଧନାର୍ଥୀଧନମାପ୍ନୋତି ଲଭେଦ୍ଭାର୍ୟାମଭାର୍ୟକଃ ॥ ୧୭୭॥
ଅପୁତ୍ରୋ ଲଭତେ ପୁତ୍ରଂ ଚାତୁର୍ୱର୍ଣ୍ୟାର୍ଥସାଧକମ୍ । ପୁତ୍ରାନ୍ ସାଧିକମ୍
ଯୁଗାଦ୍ୟାସୁ ପୂର୍ଣିମାସୁ ରବିସଙ୍କ୍ରମଣେ ତଥା ॥ ୧୭୮॥
ଦିନକ୍ଷୟେ ବ୍ୟତୀପାତେ ପୁଷ୍ୟାୟାଂ ହରିବାସରେ ।
ଅମାବାସ୍ୟାସୁ ସର୍ୱାସୁ ଅତିଥୌ ଚ ସମାଗତେ ॥ ୧୭୯॥
ଶୁଶ୍ରୂଷୌ ସତି ସତ୍ସଙ୍ଗେ ଗବାଂ ସ୍ଥାନଗତୋଽପି ବା । ସଦ୍ଗଙ୍ଗେ
ମଣ୍ଡଲେ ବ୍ରାହ୍ମଣାନାଞ୍ଚ ପଠେଦ୍ୱା ଶୃଣୁୟାତ୍ ସ୍ତବମ୍ ॥ ୧୮୦॥
ସ୍ତବେନାନେନ ସା ଗଙ୍ଗା ମହାରାଜେ ଭଗୀରଥେ ।
ବଭୂବ ପରମପ୍ରୀତା ତପୋଭିଃ ପୂର୍ୱଜୈର୍ୟଥା ॥ ୧୮୧॥
ତସ୍ମାଦ୍ୟୋ ଭକ୍ତିଭାବେନ ସ୍ତବେନାନେନ ସ୍ତୌତି ଚ ।
ତସ୍ୟାପି ତାଦୃଶୀ ପ୍ରୀତା ସଗରାଦିତପୋ ଯଥା ।
ସ୍ତବେନାନେନ ସନ୍ତୁଷ୍ଟା ଦେବୀ ରାଜ୍ଞେ ବରଂ ଦଦୌ ॥ ୧୮୨॥
ଦେବ୍ୟୁବାଚ ।
ବରମ୍ୱରୟ ଭୂପାଲ ବରଦାସ୍ମି ତବାଗତା ।
ଜାନେ ତବ ହୃଦିସ୍ଥଞ୍ଚ ତଥାପି ବଦ କଥ୍ୟତେ ॥ ୧୮୩॥
ରାଜୋବାଚ ।
ଦେବୀ ବିଷ୍ଣୋଃ ପଦଂ ତ୍ୟକ୍ତ୍ୱା ଗତ୍ୱାପି ବିବରସ୍ଥଲମ୍ ।
ଉଦ୍ଧାରୟ ପିତୄଣ୍ ପୂର୍ୱାନ୍ ଧରାମଣ୍ଡଲବର୍ତ୍ମନା ॥ ୧୮୪॥ (ସର୍ୱାନ୍)
ଅସ୍ତୌଷଂ ଭବତୀଂ ଯଚ୍ଚ ତେନ ଯଃ ସ୍ତୌତି ମାନବଃ ।
ନ ତ୍ୟାଜ୍ୟଃ ସ୍ୟାତ୍ତ୍ୱୟା ସୋଽପି ବର ଏଷ ଦ୍ୱିତୀୟକଃ ॥ ୧୮୫॥
ଦେବ୍ୟୁବାଚ ।
ଏବମସ୍ତୁ ମହାରାଜ କନ୍ୟାସ୍ମି ତବ ବିଶ୍ରୁତା ।
ଭାଗୀରଥୀତି ଗେୟାଂ ସ୍ୟାଂ ବର ଏଷୋଽଧିକସ୍ତବ ॥ ୧୮୬॥ (ଗେୟାଂ ମାଂ)
ମାଂ ସ୍ତୋଷ୍ୟତି ଜନୋ ଯସ୍ତୁ ତ୍ୱତ୍କୃତେନ ସ୍ତବେନ ହି ।
ତସ୍ୟାଽହଂ ବଶଗା ଭୂୟାଂ ନିର୍ୱାଣମୁକ୍ତିଦା ନୃପ ।
ଶିବ ଆରାଧ୍ୟତାଂ ରାଜନ୍ ଶିରସା ମାଂ ଦଧାତୁ ସଃ ॥ ୧୮୭॥
ଅନ୍ୟଥାଽହଂ ନିରାଲମ୍ବା ଧରାଂ ଭିତ୍ୱାଽନ୍ୟଥା ବ୍ରଜେ ।
ପୃଥିବୀ ଚ ନ ମେ ବେଗଂ ସହିଷ୍ୟତି କଦାଚନ ॥ ୧୮୮॥
ସୁମେରୁଶିର ଆରୁହ୍ୟ ଶଙ୍ଖଧ୍ୱାନଂ କରିଷ୍ୟସି ।
ତେନ ତ୍ୱାମନୁୟାସ୍ୟାମି ବ୍ରହ୍ମାଣ୍ଡକୋଟିଭେଦିନୀ ॥ ୧୮୯॥
ଶୁକ ଉବାଚ ।
ଇତ୍ୟୁକ୍ତ୍ୱା ସା ତଦା ଦେବୀ ତତ୍ରୈବାନ୍ତରଧୀୟତ ॥ ୧୯୦॥
ଭଗୀରଥୋଽପି ରାଜର୍ଷିରାତ୍ମାନଂ ବହ୍ୱମନ୍ୟତ ॥ ୧୯୧॥
॥ ଇତି ଶ୍ରୀବୃହଦ୍ଧର୍ମପୁରାଣେ ମଧ୍ୟଖଣ୍ଡେ ଗଙ୍ଗାସହସ୍ରନାମବର୍ଣନେ
ପଞ୍ଚାଶତ୍ତମୋଽଧ୍ୟାୟଃ ॥
https://ganja-upasana.blogspot.com/2025/02/3.html
Comments
Post a Comment