ଗଙ୍ଗାମୃତସ୍ତୋତ୍ରମ୍ ରାମଚନ୍ଦ୍ରଶର୍ମଣା କାଶାନ୍ଥେନ କୃତଂ
ଗଙ୍ଗାମୃତସ୍ତୋତ୍ରମ୍
ଶ୍ରୀଗଣେଶାୟ ନମଃ ।
ଶ୍ରୀରାମଚନ୍ଦ୍ରଶର୍ମବାଲାଜୀବିରଚିତଂ
ଗୁଞ୍ଜନ୍ମମିଲିନ୍ଦପୁଞ୍ଜବିଲସତ୍କୁମ୍ଭଦ୍ୱୟାମ୍ଭୋରୁହ
ଦ୍ୱନ୍ଦ୍ୱସ୍ୟନ୍ଦିମରନ୍ଦବିନ୍ଦୁନିବହଂ ଭାଲେ ବିଶାଲେ ମୁଦା ।
ଶୁକ୍ତ୍ୟୈ ବାମଲୟାନ୍ତୟେନ୍ଦୁକଲୟା ବିଭ୍ରଦ୍ଭବାନୀଭବ
ସ୍ତନ୍ୱନ୍ ଭବ୍ୟମୟଂ ଭୟଂ ବିକଲୟତ୍ରବ୍ୟାଦଭବ୍ୟାତ୍ସ ନଃ ॥ ୧॥
ଲୋଲତ୍କଲ୍ଲୋଲମାଲାକୁଲବକୁଲକୁଲୋଲ୍ଲାସିକୂଲାନୁକୂଲୋ
ନ୍ମୀଲନ୍ମଲ୍ଲୀମତଲ୍ଲୀବିହିତବିହୃତୟଶ୍ଚଞ୍ଚରୀକା ଜୟନ୍ତି ।
ସ୍ୱଚ୍ଛାୟାଚ୍ଛାଦିତାଙ୍ଗାନମରପୁରମହୋମତ୍ତମାତଙ୍ଗବାରା ।
ନାରାଦାରୋହୟନ୍ତଃ କିମୁତ ଶିବଜଲୈଗୌରିଗଙ୍ଗେ ! ସ୍ତୁତିସ୍ତେ ॥ ୨॥
ଆଲୋକାଲୋକଲୋକା ବିଷୟବିଷଧରାସାରସଂସାରଗର୍ତ
ପ୍ରାବର୍ତପ୍ରୋଜ୍ଝିତାଶାସ୍ତ୍ୱଦୁଣନୁତିବଶାଦମ୍ବ! ସାଲମ୍ବ୍ୟମୀୟୁଃ ।
ଦୃଷ୍ଟ୍ୱୈତତ୍ସ୍ପଷ୍ଟମଙ୍କେ ଦଧଦପି ଗିରିଜାଂ କେବଲଂ କାମଗଞ୍ଜାଂ
ମାତର୍ଗଙ୍ଗେ ! ବରାଙ୍ଗେ ! ବହତି ପଶୁପତିସ୍ତ୍ୱାଂ ପରାନନ୍ଦକନ୍ଦାମ୍ ॥ ୩॥
ଭର୍ଗଃ ସ୍ୱର୍ଗାପବର୍ଗଶ୍ରୟଣଚଣଗୁଣାନ୍ତ୍ୱାଂ ଦଧାନୋ ବିରକ୍ତଃ
କୃତ୍ତିକ୍ଷ୍ୱେଡାହିତୁଣ୍ଡାନ୍ୟବହଦବହିତଃ କାମଦାହେ ଚ ଦେହେ ।
ଗେହେ ମାହେଶ୍ୱରଂ ହେ ସୁରଧୁନି ! ଚରିତଂ ବୀକ୍ଷ୍ୟ ବିଷ୍ଣୁଂ ବିଲାସୈଃ
ପୈତ୍ରେ ଜୈତ୍ରେ ବସନ୍ତୀ ବଶୟତି କମଲା ମ୍ଲାନମାନେତିଜାନେ ॥ ୪॥
ପ୍ରାତମର୍ତର୍ୟଦାନ୍ତର୍ଭବତି କତିପୟଂ କାଲମାଲୋଲଚେତା
ଭୂତାଧୀଶାଦିଲେଖାବଲିମିଲିତକଲେ ତ୍ୱଜ୍ଜଲେ ଜନ୍ତୁରେଷଃ ।
କଃ ଶେଷଃ କୋ ବିଶେଷଃ ସୁରବରବିଭବେ କା ସୁଧାଂଶୋଶ୍ଚ ଶୋଭା
ରମ୍ଭାସମ୍ଭୋଗଭାଜାଂ ମୁହୁରିତି ବଦତାଂ ସେବ୍ୟତାମେତି କାମମ୍ ॥ ୫॥
ଚିତ୍ରଂ ଯଚ୍ଛମ୍ଭୁଶୈଲାୟିତଶିରସି ସମୁଦ୍ଧର୍ତୁମନ୍ଧାନ୍ ଧରାୟାଂ
ଧାରାଂ ବାରାମପାରାଂ ଧରଶିଖରନିଭାମାଦଧୌ ବ୍ରହ୍ମଲୋକାତ୍ ।
ତତ୍କାଲେଽକାଲକୋଲାହଲବହଲମିଲନ୍ମୋହମାଲିନ୍ୟଲୀନୈଃ
ଶାଲୀନୈଦେବି ! ଦୈବୈରନୁଦିତମୁଦିତଂ ଜ୍ଞାନମଜ୍ଞସ୍ୟ ସଦ୍ୟଃ ॥ ୬॥
ବ୍ରହ୍ମାଣ୍ଡସ୍ତମ୍ଭଦଣ୍ଡଃ କିମୁ ଯମନିୟମେ କାଲଦଣ୍ଡଃ ପ୍ରଚଣ୍ଡଃ
କିମ୍ୱା ଭୂମନ୍ଥଦଣ୍ଡଃ କିମୁ ପତତି ଦିବଃ ସ୍ୱଧୁନୀବାରିଦଣ୍ଡଃ ।
କିମ୍ୱାଽଽକାଶଃ ସୁଭାଣ୍ଡଃ କିମିହ ହିମଗିରିଃ ପ୍ରୌଢପିଣ୍ଡଃ କିମିତ୍ଥଂ
ତରୁତ୍ପ୍ରେକ୍ଷ୍ୟମାଣା ଦିବି ଭୁବି ଚ ଜନୈର୍ଜାହ୍ନବୀ ଜନ୍ୟମବ୍ୟାତ୍ ॥ ୭॥
କୁପ୍ୟଦ୍ଗୌରୀକଟାକ୍ଷାରୁଣକିରଣଗଣୈର୍ଭାତି ଯା ଶୋଣଶୋଭା
ଶମ୍ଭୂତ୍କ୍ଷିପ୍ତେଭକୃତ୍ତିପ୍ରତିଫଲିତତଲୈର୍ୟାଽତୁଲା ଶ୍ୟାମଲା ଚ ।
କିଞ୍ଚୋଦଞ୍ଚଚ୍ଛରଚ୍ଚନ୍ଦ୍ରିତକରନିକରାକୀର୍ଣମୁକ୍ତାଚ୍ଛଗୁଚ୍ଛ
ଚ୍ଛାୟାସଚ୍ଛାୟଚାରୁଃ ସ୍ୱୟମିୟମପରା ରାତୁ ବାଣୀସ୍ତ୍ରିବେଣୀ ॥ ୮॥
ମାତର୍ମାତଙ୍ଗସଙ୍ଗୋଚ୍ଛଲଦମଲଜଲସ୍ନାତନାରୀସ୍ତନାଗ୍ର
ସ୍ରସ୍ତଶ୍ରୀଖଣ୍ଡସଙ୍ଗୋଦ୍ଧୃତଧରବିହରଦୂରିପାଟୀରବୃକ୍ଷେ ।
ବକ୍ଷ୍ୟେ କିଂ ବିନ୍ଦୁଭକ୍ଷେ ତବ ଫଲମଖିଲେ କ୍ଷେମମତ୍ରାକୁଲେକ୍ଷୋଽ
ହୀଶୋଽଧୀଶୋଽପି ନେଶୋ ଭବତି ହି ଗଦିତୁଂ ପାରମମ୍ଭୋମହିମ୍ନଃ ॥ ୯॥
ପାଦାୟୋଦପ୍ରଧାରାକୃତିରମିତଚିତିର୍ୟା ପୁରାଽଭୂନ୍ମୁରାରେଃ
ପ୍ରାଦୁର୍ଭୂତା ପୁରାରେରପି ଶିରସି ଜଟାଜୂଟକୂଟେଽସ୍ତି ସୈବ ।
ପାଦାଗ୍ରାଦାଶିଖାଗ୍ରାଦପି ହରିହରୟୋରେକରୂପୈକରୂପ୍ୟଂ
ଜଲ୍ପନ୍ତୀ ଜହୁକନ୍ୟା ଜଗତି ବିଜୟତେ ଜୀବଜୀବାତୁରେଷା ॥ ୧୦॥
ନିର୍ୟାତାଂ ତ୍ୱାଂ ପଦାଗ୍ରାତ୍ ସୁରଧୁନି ! ପରମାଂ ଚିତ୍କଲାଂ ବୀକ୍ଷ୍ୟ ଜାତଃ
ଶ୍ୟାମଃ ଶେତେ ରମେଶଃ ପରମଧିଜଲଧି ପ୍ରାପ୍ତୁକାମଃ ପୁନର୍ୟାମ୍ ।
ଭଗୋଂ ଜାଗର୍ତି ଲବ୍ଧା ବିଧିରପି ବିଦଧେ ବିଶ୍ୱମାଶ୍ୱାସୟନ୍ତୀ
ମାୟାନ୍ତୀମତ୍ର ଜାନେ ଜଗତି ଜନିଜୁଷାମୈହିକାମୁଷ୍ମିକାୟ ॥ ୧୧॥
ଅପର୍ଣାଽଽକୀର୍ଣୋମପି ପ୍ରବଲଫଣିଫୂତ୍କାରବିକଲୋଽ
ନଲୋଦୀର୍ଣଜ୍ୱାଲାବଲିମଲିନହାଲାହଲଗଲଃ ।
ସ୍ଥିତଃ ଶୈଲପ୍ରସ୍ଥେ ସୁରଧୁନି ! ତବୈବୈଷ ମହିମା
ଯତଃ ସୋଽୟଂ ସ୍ଥାଣୁଃ ଫଲତି ଫଲମାନନ୍ଦମତୁଲମ୍ ॥ ୧୨॥
ସାଧୁସଙ୍ଗାଦିଦଂ ଗଙ୍ଗାମୃତଂ ଯେନ ମୁଖେ ଧୃତମ୍ ।
ତସ୍ୟ ଗଙ୍ଗାପଦେ ସଙ୍ଗାତ୍ ମନୋଽନଙ୍ଗାରିଭୃଦ୍ ଭବେତ୍ ॥ ୧୩॥
ଇତି ଶ୍ରୀରଜାପ୍ୟାନ୍ୱୟୋତ୍ପତ୍ରଧୁରନ୍ଧରୋପନାମକତ୍ରୀମଦାତ୍ମାରାମସୂରିସୂନୁନା
ବାଲାଜୀତ୍ୟପରପ୍ରସିଦ୍ଧାଭିଧାନେନ ରାମଚନ୍ଦ୍ରଶର୍ମଣା କାଶାନ୍ଥେନ କୃତଂ
ଗଙ୍ଗାମୃତସ୍ତୋତ୍ରଂ ସମ୍ପୂର୍ଣମ୍ ।
Comments
Post a Comment