ଗଙ୍ଗାସ୍ତୋତ୍ରମ୍ ୩ ସମୟାଚାରତନ୍ତ୍ରେ

 ଗଙ୍ଗାସ୍ତୋତ୍ରମ୍ ୩

ଶ୍ରୀଗଣେଶାୟ ନମଃ ।
ଅଥାନନ୍ତରତୋ ଦେବି ସମୟାସ୍ତୋତ୍ରମୁତ୍ତମମ୍ ।
ଯେନ ସ୍ତୁତା ସିଦ୍ଧମୂଲୀ ଭକ୍ଷିତା ଫଲଦା ଭବେତ୍ ॥ ୧॥
ସଂବିଦେ ବ୍ରହ୍ମସମ୍ଭୂତେ ବ୍ରହ୍ମପୁତ୍ରି ସଦାନଘେ ।
ଭୈରବାନନ୍ଦଦୀପ୍ତ୍ୟର୍ଥଂ ପବିତ୍ରା ଭବ ସର୍ୱଦା ॥ ୨॥

ନମାମି ଯାମିନୀନାଥଲେଖାଲଙ୍କୃତମସ୍ତକାମ୍ ।
ଭବାନୀ ଭବସନ୍ତାପନିର୍ୱାପଣ-ସୁଧାନିଧିମ୍ ॥ ୩॥

ସିଦ୍ଧିମୂଲୀଂ ଶ୍ରୟେ ଦେବୀ ହୀନବୋଧପ୍ରବୋଧିନୀମ୍ ।
ରାଜପ୍ରଜାବଶକରୀ କାଲକଣ୍ଠେ ତ୍ରିଶୂଲିନି ॥ ୪॥

ଅଜ୍ଞାନେନ୍ଧନଦୀପ୍ତାଗ୍ରେ ଜ୍ଞାନବିଜ୍ଞାନରୂପିଣି ।
ଆନନ୍ଦାଦ୍ୟାହୁତିପ୍ରୀତେ ସମ୍ୟଗ୍ଜ୍ଞାନଂ ପ୍ରୟଚ୍ଛ ମେ ॥ ୫॥

ଦଣ୍ଡାଧିରୂଢପରିପୂରିତଭୋଗମୋକ୍ଷାଂ
ମୁଣ୍ଡାକ୍ରମେଣ ମଦନାଂ ଜନକାମିନୀନାମ୍ ।
ଆରାଧୟାମି ବହୁଶତ୍ରୁପରାଜୟନ୍ତୀ
ବିଶ୍ୱେଶ୍ୱରୀ ତ୍ରିଭୁବନାଂ ବିଜୟେତି ଦେବୀମ୍ ॥ ୬॥

ଆନନ୍ଦନନ୍ଦିନୀନନ୍ଦେ ସଦାବନ୍ଦ୍ୟପଦଦ୍ୱୟେ ।
ଉଲ୍ଲାସକଦଲୀକନ୍ଦେ ସ୍ୱଚ୍ଛନ୍ଦେ ବୋଧରୂପିଣି ॥ ୭॥

କବୟଃ କବିତାଲହରୀ କୁରୁତେ ତତ୍ତ୍ୱାର୍ଥଦର୍ଶନଂ ପୁଂସାମ୍ ।
ଅପହରତି ଦୁରିତନିଲୟଂ କିଂ କିଂ ନ କରୋତି ସଂବିଦୁଲ୍ଲାସଃ ॥ ୮॥

ସଂବିଦାସବୟୋର୍ମଧ୍ୟେ ସଂବିଦେବ ଗରୀୟସୀ ।
ସଂବିଦାଶ୍ରୟଣାଦେବ ତଦାତ୍ମା ପୁରୁଷଃ ସ୍ମୃତଃ ॥ ୯॥

ଶ୍ୟାମୈବ ରାମା କବିରେବ ବିଦ୍ୱାନ୍ ବିଦ୍ୟୈବ ବନ୍ଧୁର୍ଧନୁରେବ ଶସ୍ତ୍ରମ୍ ।
ଗଙ୍ଗୈବ ତୀର୍ଥ ସ୍ମର ଏବ ଧନ୍ୱୀ ମାର୍ଗେଷୁ ମାହେଶ୍ୱର ଏବ ମାର୍ଗଃ ॥ ୧୦॥

କଥଞ୍ଚିଦେଷା କରୁଣାକଟାକ୍ଷୈର୍ନିରୀକ୍ଷତେ ମାଂ ପରଦେବତା ଚେତ୍ ।
ବୃଥା କଥାକଲ୍ପମହୀରୁହାଣାମଲଂ ଚ ଚିନ୍ତାମଣିଚିନ୍ତନେନ ॥ ୧୧॥

ଅଲିପିଶିତପୁରନ୍ଧ୍ରୀଭୋଗପୁଞ୍ଜାରତୋଽହଂ
ବହୁବିଧକୁଲମାର୍ଗାରମ୍ଭସମ୍ଭାବିତୋଽହମ୍ ।
ପଶୁଜନବିମୁଖୋଽହଂ ଭୈରବୀଂ ସଂଶ୍ରିତୋଽହଂ
ଗୁରୁଚରଣରତୋଽହଂ ଭୈରବୋଽହଂ ଶିବୋଽହମ୍ ॥ ୧୨॥

ବାମୋରୁସ୍ତେ ରମଣକୁଶଲା ଦକ୍ଷିଣେ ଚାଲିପାତ୍ରଂ
ତପ୍ତା ମୁଦ୍ରାଶ୍ଚଣକବଟକାଃ ସୌକରଂ ସୁଷ୍ଠୁ ମାଂସମ୍ ।
ତନ୍ତ୍ରୀ ବୀଣା ସରସକବୟଃ ସତ୍କଥା ସଦ୍ଗୁରୂଣାଂ
କୌଲୋ ଧର୍ମଃ ପରମଗହନୋ ଯୋଗିନାମପ୍ୟଗମ୍ୟଃ ॥ ୧୩॥

କୌଲରହସ୍ୟେ ଗଲାର୍ଣବେ । ଶ୍ରୀରସ୍ତୁ ।

ଇତି ସମୟାଚାରତନ୍ତ୍ରେ ଗଙ୍ଗାସ୍ତୋତ୍ରଂ ସମ୍ପୂର୍ଣମ୍ ।

 ଗଙ୍ଗାସ୍ତୋତ୍ରମ୍ ୪ 

https://ganja-upasana.blogspot.com/2025/02/blog-post_22.html