ଗଙ୍ଗାଷ୍ଟକମ୍ ୯ ଶ୍ରୀମନ୍ମହୀପଣ୍ଡିତଧୁରଶ୍ଚତୁସ୍ସମୁଦ୍ରରାଜମାନ୍ୟଧୁଲୋପନାମକାନନ୍ତାତ୍ମଜ- ଢୁଣ୍ଢିରାଜଭଟ୍ଟ ବିରଚିତଂ
ଗଙ୍ଗାଷ୍ଟକମ୍ ୯
ଶ୍ରୀଗଣେଶାୟ ନମଃ ।
ଚଲଦ୍ୱିଲୋଲବୀଚିବିସ୍ଖଲଦ୍ୱିବୃତ୍ତମୀନମୁ-
ଲ୍ଲସତ୍ସହସ୍ରପତ୍ରବିସ୍ଫୁରତ୍ପରାଗପାଟଲମ୍ ।
ହିମାଚଲସ୍ଖଲଜ୍ଜଲପ୍ରବାହପାବିତାଖିଲ-
ପ୍ରପଞ୍ଚମିନ୍ଦୁଚୂଡମୌଲିମନ୍ଦିରଂ ମହୋଽବତାତ୍ ॥ ୧॥
ରସାଲଶାଲତାଲସତ୍ତମାଲଜାଲମାଲସ-
ଦ୍ୱିଶାଲଭାଲଭସ୍ମଭୃତ୍ପ୍ରବାହଭାସ୍ୱରଂ ମହଃ ।
ସରୋଜଗନ୍ଧସମ୍ଭ୍ରମନ୍ମିଲିନ୍ଦପୁଞ୍ଜମଞ୍ଜୁଲୈ-
ଗୁଞ୍ଜମାନଜହ୍ନୁନ୍ଦିନୀତଟଂ ଭଜାମହେ ॥ ୨॥
ଚଲତ୍ତରଙ୍ଗମାଲମୁଚ୍ଛଲଜ୍ଝଷୋର୍ଣଜାଲମୁଜ୍ୱଲ-
ତ୍ପ୍ରଭାବିଶାଲମାଲମଞ୍ବୁବୀରୁଧାଂ ଗୃହମ୍ ।
ପରିଜ୍ୱଲଦ୍ଭବାନଲପ୍ରଭାବଲୋଡିତାଖିଲ-
ପ୍ରପଞ୍ଚସିଞ୍ଚନାମୃତଂ ପୁନାତୁ ଜହ୍ନୁଜାପୟଃ ॥ ୩॥
କରାଲତିଷ୍ୟକାଲକାଲସର୍ପସର୍ପଦୁଲ୍ଲସତ୍
ପ୍ରଭାବିଷାନଲାବସେକସତ୍ସୁଧାରସୈଃ (ସମୈଃ) ।
କୁରୁ ତ୍ୱମୀଶ୍ୱରପ୍ରିୟାଙ୍ଗନେ ମଦଙ୍ଗସଙ୍ଗତା-
ଖିଲାଘସଙ୍ଗଭଙ୍ଗମୁଲ୍ଲସତ୍ତରଙ୍ଗରିଙ୍ଗିତୈଃ ॥ ୪॥
ନିମଜ୍ଜଦାଗଲାଲକାଲିଜାଲଶାଲିସମ୍ୟଗୁ-
ଲ୍ଲସତ୍ସୁରୌଘସୁନ୍ଦରୀମୁଖାରବିନ୍ଦସୁନ୍ଦରମ୍ ।
ମିଲତ୍ପୁରାର୍ଭକସ୍ଫୁରତ୍କରାଭିଘାତବିଦ୍ରବ-
ତ୍ରିରାକୁଲୋରୁମୀନମମ୍ବୁ ଭାତି ଶମ୍ଭୁଭୂଷଣମ୍ ॥ ୫॥
ଉଦଞ୍ଚଦୁଦ୍ଧତାଖିଲଚ୍ଛଟାମିଲଦ୍ୱିଭାବସୁ-
ପ୍ରଭାବିଡମ୍ବିତାତିଚଞ୍ଚଦଭ୍ରତାରକୋତ୍କରମ୍ ।
ବିଲୋଲବୀଚିବିସ୍ଖଲତ୍ସମୀରନୀତସୀକରଂ
ପୁରାରିପତ୍ତନସ୍ଥିତଂ ପୁନାତୁ ପାବନଂ ପୟଃ ॥ ୬॥
ସୁରାଧିରାଜରାଜଧର୍ମରାଜମୁଖ୍ୟନିର୍ଜରା-
ତିରାଜିପୁଣ୍ୟରାଶିରୋଶୁସିଦ୍ଧିଦା କଲୌ (ପୁନଃ) ।
ପରାମୃତପ୍ରଦାୟିନୀ ମୁରାରିପାଦଚାରିଣୀ
ପୁରାରିମୌଲିମାଲିନୀ ସୁରାପଗା ବିରାଜତେ ॥ ୭॥
ମହୀଧରେନ୍ଦ୍ରପନ୍ନଗେନ୍ଦ୍ରକୁନ୍ଦଚନ୍ଦନଦ୍ରୁମ-
ସ୍ଫୁରତ୍କରୀନ୍ଦ୍ରମଣ୍ଡଲାମୃତଦ୍ରବୋପନାୟନମ୍ ।
ମିଲନ୍ନିଲିମ୍ପସୁନ୍ଦରୀକପୋଲପତ୍ରବଲ୍ଲରୀ-
ଗଲତ୍ପରାଗପିଞ୍ଜରୀକୃତଂ ପୟଃ ପୁନାତୁ ମାମ୍ ॥ ୮॥
ଅନନ୍ତଭଟ୍ଟସୂରିସୂନୁଢୁଣ୍ଢିରାଜସତ୍କବି-
ପ୍ରକଲ୍ପିତଂ ବିଚିତ୍ରପଦ୍ୟଚାତୁରୀବିଭୂଷିତମ୍ ।
ସୁରାପଗାଷ୍ଟକଂ ନରଃ ପଠତ୍ରିଦଂ ସ ଯାତି ତତ୍
ପରଂ ପଦଂ ପ୍ରଭୂତଭୂମଭାଗବୈଭବଃ (ସଦା)॥ ୯॥
ଇତି ଶ୍ରୀମନ୍ମହୀପଣ୍ଡିତଧୁରଶ୍ଚତୁସ୍ସମୁଦ୍ରରାଜମାନ୍ୟଧୁଲୋପନାମକାନନ୍ତାତ୍ମଜ-
ଢୁଣ୍ଢିରାଜଭଟ୍ଟ ବିରଚିତଂ ଶ୍ରୀଗଙ୍ଗାଷ୍ଟକଂ ସମ୍ପୂର୍ଣମ୍ ।
Comments
Post a Comment