ଗଙ୍ଗାମଙ୍ଗଲମ୍ ଶ୍ରୀଭକ୍ତିଭାଗୀରଥୀ
ଗଙ୍ଗାମଙ୍ଗଲମ୍
ଶ୍ରୀଗଣେଶାୟ ନମଃ ।
ହରିଚରଣଚାରିଣୀ ଶିଶିରଗିରିଦାରିଣୀ କଲୁଷଭରବାରଣତରଙ୍ଗା
ନିୟତକଲନାଦିନୀ ବିମଲଜଲଶାଲିନୀ ତାରିଣୀ ଜୟତି ଭୁବି ଗଙ୍ଗା ।
ନିତ୍ୟମିହ ତାପସା ଧର୍ମଚିତମାନସାଃ ସ୍ନାନବିଧିଲବ୍ଧନବଦେହାଃ
କୃତବହୁଲଦୁଷ୍କୃତା ଅପି କଲୁଷବର୍ଜିତା ଦଧତି ମୁଦମାପ୍ତସୁରଗେହାଃ ॥ ୧॥
ପୂତତମସୈକତେ ଧବଲସିକତାବୃତେ ଯୋଗିନୋ ଜପନିୟମମଗ୍ନାଃ
ସ୍ୱନୟନନିମୀଲନା ଗତବିଷୟଦର୍ଶନା ଧ୍ୟେୟସୁରସଂସ୍ମରଣଲଗ୍ନାଃ ।
ବନ୍ଧବିନିବୃତ୍ତୟେ ହସିତଜଲସଞ୍ଚୟେ ପ୍ରତିଦିବସମତ୍ର ସମବେତାଃ
କ୍ଲେଶଶତମଞ୍ଜସା ପୁଣ୍ୟଚିତଚେତସା ବୃଣ୍ୱତେ ସମ୍ମଦମୁପେତାଃ ॥ ୨॥
ବଣିଗୁଚିତକର୍ମଣା ତରଣିଶତଶୋଭନାସୁମପକୃତିମତ୍ର ଭୁବି ଧତ୍ତ୍
ମକରବରବାହନା ଜନପଦହିତୈଷଣାବ୍ୟାକୁଲା ସୁକୃତମପି ଦତ୍ତେ ।
ଐହିକଶୁଭାଶମା ପରମପଦବାଞ୍ଛୟା ଯାମିମାଂ ଶ୍ରୟତି ଜନମାଲା
ଜୟତି ଭୟହାରିକା ଜହୁମୁନିଦାରିକା ସା ଚିରଂ ବିଜିତକଲିକାଲା ॥ ୩॥
ତ୍ରିଭୁବନମିଦଂ ଯୟା ଧନ୍ୟମନୁବୃତ୍ତୟା ଲୋକୟୁଗକୁଶଲଶତସୃଷ୍ଟୟା
ରୋଗଗଣନାଶିନୀ ପୃଷ୍ଟିପରିବେଶିନୀ ଦଶହରା ଶାସ୍ତ୍ରବିଧିଦୃଷ୍ଟୟା ।
ତୀରତରୁମଜୁଲା ଜଲଧିମଭି ଚଞ୍ଚଲା ସେୟମହିମଙ୍ଗଲତରଙ୍ଗା
ଗିରିଶଶିରସାର୍ଚିତା ସୁରମନୁଜପୂଜିତା ପାବନୀ ଜୟତି ଭୁବି ଗଙ୍ଗା ॥ ୪॥
ବ୍ରହ୍ମାଣ୍ଡୋଦରଭେଦନାଦ୍ ଭଗବତଃ ପାଦାଙ୍ଗୁଲୀନାଂ ନଖୈଃ
ଜାତୋ ଯୋ ବିବରସ୍ତତୋର୍ଚନଜଲସ୍ରୋତୋଽବହଦ୍ ବେଗତଃ ।
ତସ୍ମାଚ୍ଛମ୍ଭୁଶିରସ୍ତତୋ ହିମଗିରିଂ ତସ୍ମାଦିଦଂ ଭୂତଲଂ
ଗଙ୍ଗାଗତ୍ୟ ପୁନାତି ସର୍ୱଭୁବନଂ ଶ୍ରୀଭକ୍ତିଭାଗୀରଥୀ ॥ ୫॥
ଇତି ଗଙ୍ଗାମଙ୍ଗଲଂ ସମ୍ପୂର୍ଣମ୍ ।
Comments
Post a Comment