ଗଙ୍ଗାସ୍ତବଃ ୩ ଦରାଫଖାଂବିରଚିତଃ

 

ଗଙ୍ଗାସ୍ତବଃ ୩

ଶ୍ରୀଗଣେଶାୟ ନମଃ ।
ଶାର୍ଦୂଲବିକ୍ରୀଡିତଂ ଛନ୍ଦଃ
ଯତ୍ତ୍ୟକ୍ତଂ ଜନନୀଗଣୈର୍ୟଦପି ନ ସ୍ପୃଷ୍ଟଂ ସୁହଦ୍ୱାନ୍ଧବୈ
ଯସ୍ମିନ୍ ପାନ୍ଥଦୃଗନ୍ତସନ୍ନିପତିତେ ତୈଃ ସ୍ମର୍ୟତେ ଶ୍ରୀହରିଃ ।
ସ୍ୱାଙ୍କେ ନ୍ୟସ୍ତତଦୀଦୃଶଂ ବପୁରହୋ ସ୍ୱୀକୁର୍ୱତୀ ପୌରୁଷଂ
ତ୍ୱଂ ତାବତ୍ କରୁଣାପରାୟଣପରା ମାତାଽସି ଭାଗୀରଥି ? ॥ ୧॥

ଆର୍ୟାଛନ୍ଦ
ଅଚ୍ୟୁତଚରଣତରଙ୍ଗିଣି ଶଶିଶେଖରମୌଲିମାଲତୀମାଲେ ।
ତ୍ୱୟି ତନୁବିତରଣସମୟେ ଦେୟା ହରତା ନ ମେ ହରିତା ॥ ୨॥

ମନ୍ଦାକ୍ରାନ୍ତା
ଶୂନ୍ୟୀଭୂତା ଶମନନଗରୀ ନୀରବା ରୌରବାଦ୍ୟା
ଯାତାୟାତୈଃ ପ୍ରତିଦିନମହୋ ଭିଦ୍ୟମାନା ବିମାନାଃ ।
ସିଦ୍ଧୈଃ ସାର୍ଦ୍ଧ ଦିବି ଦିବିଷଦଃ ସାର୍ଘ୍ୟପାତ୍ରୈକହସ୍ତା
ମାତର୍ଗଙ୍ଗେ! ଯଦବଧି ତବ ପ୍ରାଦୁରାସୀତ୍ ପ୍ରବାହଃ ॥ ୩॥

ଉପଜାତିଃ
ପୟୋ ହି ଗାଙ୍ଗଂ ତ୍ୟଜତାମିହାଙ୍ଗ ପୁନର୍ନ ଚାଙ୍ଗଂ ଯଦି ଯାନ୍ତି ଚାଙ୍ଗମ୍ ।
କରେ ଗ୍ଥାଙ୍ଗ ଶୟନେ ଭୁଜଙ୍ଗ ଯାନେ ବିହଙ୍ଗ ଚରଣେ ଚ ଗାଙ୍ଗମ୍ ॥ ୪॥

ଶାର୍ଦୂଲବିକ୍ରୀଡିତଂ
କଲ୍ମକ୍ଷୌଣିକରୋଟୟଃ କତି କତି ଦ୍ୱୀପିଦ୍ୱିପାନାଂ ତ୍ୱଚଃ
କାକୋଲାଃ କତି ପନ୍ନଗାଃ କତି ସଧାଧାମ୍ନଶ୍ଚ ଖଣ୍ଡାଃ କତି ।
କିଞ୍ଚ ତ୍ୱଞ୍ଚ କତି ତ୍ରିଲୋକଜନନି ! ତ୍ୱଦ୍ୱାରିପୂରୋଦରେ
ମଜ୍ଜଜ୍ଜନ୍ତୁକଦମ୍ବକଂ ସମୁଦୟତ୍ୟେକୈକପାଦାୟ ଯତ୍ ॥ ୫॥

ଶିଖରିଣୀ
କୁତୋଽବୀଚିର୍ୱୀଚିସ୍ତବ ଯଦି ଗତା ଲୋଚନପଥଂ
ତ୍ୱମାପୀତା ପୀତାମ୍ବରପୁରନିବାସଂ ବିତରସି ।
ତ୍ୱଦୁତ୍ସଙ୍ଗେ ଗଙ୍ଗେ ! ଯଦି ପତତି କାୟସ୍ତନୁଭୃତାଂ
ତଦା ମାତଃ ! ଶାତକ୍ରତବପଦଲାଭୋଽପ୍ୟତିଲଘୁଃ ॥ ୬॥

ତ୍ୱମମ୍ଭୋ ଲୋକାନାମଖିଲଦୁରିତାନ୍ୟେବ ଦହସି
ପ୍ରଗନ୍ତ୍ରୀ ନିମ୍ନାନାମପି ନୟସି ସର୍ୱୋପରି ନତାନ୍ ।
ସ୍ୱୟଂ ଜାତା ବିଷ୍ଣୋର୍ଜନୟସି ମୁରାରାତିନିବହାନ୍
ଅହୋ ମାତର୍ଗଙ୍ଗେ ! କିମିହ ଚରିତଂ ତେ ବିଜୟତେ ॥ ୭॥

ମାଲିନୀଛନ୍ଦଃ
ସୁରଧୁନି ! ମୁନିକନ୍ୟେ ! ତାରୟେଃ ପୁଣ୍ୟବନ୍ତଂ
ସ ତରତି ନିଜପୁଣ୍ୟୈସ୍ତତ୍ର କିନ୍ତେ ମହତ୍ତ୍ୱମ୍ ।
ଯଦି ଚ ଗତିବିହୀନଂ ତାରୟେଃ ପାପିନଂ ମାଂ
ତଦିହ ତବ ମହତ୍ତ୍ୱଂ ତନ୍ମହତ୍ତ୍ୱଂ ମହତ୍ତ୍ୱମ୍ ॥ ୮॥

(ରଚନାକାଲ ଃ ୧୬୧୯ ଈ୦ ରଙ୍ଗୂନ ସ୍ୱସମୁଦ୍ର, ପୃ୦ ୧୭୬
ରଚନାସ୍ଥଲଂ- ଦକ୍ଷିଣେବରଭାଗୋରଚିତଟଃ ।)

ଇତି ଦରାଫଖାଂବିରଚିତଃ ଗଙ୍ଗାସ୍ତବଃ ସମ୍ପୂର୍ଣଃ ।

 ଗଙ୍ଗାସ୍ତବଃ ଋଷିକୃତୋ 

https://ganja-upasana.blogspot.com/2025/02/blog-post_65.html