କଣ୍ୱମହର୍ଷିଣା କୃତଂ ଗଙ୍ଗାସ୍ତୋତ୍ରମ୍ ୯

 କଣ୍ୱମହର୍ଷିଣା କୃତଂ ଗଙ୍ଗାସ୍ତୋତ୍ରମ୍ ୯

କଣ୍ୱ ଉବାଚ ।
ନମୋଽସ୍ତୁ ଗଙ୍ଗେ ପରମାର୍ତିହାରିଣି ନମଃ କ୍ଷୁଧେ ସର୍ୱଜନାର୍ତିକାରିଣି ।
ନମୋ ମହେଶାନଜଟୋଦ୍ଭବେ ଶୁଭେ ନମୋ ମହାମୃତ୍ୟୁମୁଖାଦ୍ୱିନିଃସୃତେ ॥ ୮॥

ପୁଣ୍ୟାତ୍ମନାଂ ଶାନ୍ତରୂପେ କ୍ରୋଧରୂପେ ଦୁରାତ୍ମନାମ୍ ।
ସରିଦ୍ରୂପେଣ ସର୍ୱେଷାଂ ତାପପାପାପହାରିଣି ॥ ୯॥

କ୍ଷୁଧାରୂପେଣ ସର୍ୱେଷାଂ ତାପପାପପ୍ରଦେ ନମଃ ।
ନମଃ ଶ୍ରେୟସ୍କରି ଦେବି ନମଃ ପାପପ୍ରତର୍ଦିନି ।
ନମଃ ଶାନ୍ତିକରି ଦେବି ନମୋ ଦାରିଦ୍ର୍ୟନାଶିନି ॥ ୧୦॥

ବ୍ରହୋବାଚ ।
ଇତ୍ୟେବଂ ସ୍ତୁବତସ୍ତସ୍ୟ ପୁରସ୍ତାଦଭବଦ୍ଦ୍ୱୟମ୍ ।
ଏକଂ ଗାଙ୍ଗଂ ମନୋହାରି ହ୍ୟପରଂ ଭୀଷଣାକୃତି ।
ନମଃ କୃତାଞ୍ଜଲିର୍ଭୂତ୍ୱା ନମସ୍କୃତ୍ୱା ଦ୍ୱିଜୋତ୍ତମଃ ॥ ୧୧॥

କଣ୍ୱ ଉବାଚ ।
ସର୍ୱମଙ୍ଗଲମଙ୍ଗଲ୍ୟେ ବ୍ରାହ୍ମି ମାହେଶ୍ୱରି ଶୁଭେ ।
ବୈଷ୍ଣବି ତ୍ର୍ୟମ୍ବକେ ଦେବି ଗୋଦାବରି ନମୋଽସ୍ତୁ ତେ ॥ ୧୨॥

ତ୍ର୍ୟମ୍ବକସ୍ୟ ଜଟୋଦ୍ଭୂତେ ଗୌତମସ୍ୟାଘନାଶିନି ।
ସପ୍ତଧା ସାଗରଂ ଯାନ୍ତି ଗୋଦାବରି ନମୋଽସ୍ତୁ ତେ ॥ ୧୩॥

ସର୍ୱପାପକୃତାଂ ପାପେ ଧର୍ମକାମାର୍ଥନାଶିନି ।
ଦୁଃଖଲୋଭମୟି ଦେବି କ୍ଷୁଧେ ତୁଭ୍ୟଂ ନମୋ ନମଃ ॥ ୧୪॥

ଇତି ବ୍ରହ୍ମପୁରାଣେ ପଞ୍ଚାଶୀତ୍ୟଧ୍ୟାୟାନ୍ତର୍ଗତଂ
କଣ୍ୱମହର୍ଷିକୃତଂ ଗଙ୍ଗାସ୍ତୋତ୍ରଂ ସମାପ୍ତମ୍ ।

ବ୍ରହ୍ମପୁରାଣ । ଅଧ୍ୟାୟ ୮୫/୮-୧୪॥

ଗଙ୍ଗେ ବହସି କଥମ୍ https://ganja-upasana.blogspot.com/2025/02/blog-post_55.html