ଶ୍ରୀଗଙ୍ଗାଷ୍ଟୋତ୍ତରଶତନାମସ୍ତୋତ୍ରମ୍

 

ଶ୍ରୀଗଙ୍ଗାଷ୍ଟୋତ୍ତରଶତନାମସ୍ତୋତ୍ରମ୍

ଧ୍ୟାନମ୍ ।
ସିତମକରନିଷଣ୍ଣାଂ ଶୁଭ୍ରବର୍ଣାଂ ତ୍ରିନେତ୍ରାଂ
କରଧୃତକଲଶୋଦ୍ୟତ୍ସୋତ୍ପଲାମତ୍ୟଭୀଷ୍ଟାମ୍ ।
ବିଧିହରିହରରୂପାଂ ସେନ୍ଦୁକୋଟୀରଚୂଡାଂ
କଲିତସିତଦୁକୂଲାଂ ଜାହ୍ନବୀଂ ତାଂ ନମାମି ॥

ଅଥ ସ୍ତୋତ୍ରମ୍ ।

ଶ୍ରୀନାରଦ ଉବାଚ ।
ଗଙ୍ଗା ନାମ ପରଂ ପୁଣ୍ୟଂ କଥିତଂ ପରମେଶ୍ୱର ।
ନାମାନି କତି ଶସ୍ତାନି ଗଙ୍ଗାୟାଃ ପ୍ରଣିଶଂସ ମେ ॥ ୧॥

ଶ୍ରୀମହାଦେବ ଉବାଚ ।
ନାମ୍ନାଂ ସହସ୍ରମଧ୍ୟେ ତୁ ନାମାଷ୍ଟଶତମୁତ୍ତମମ୍ ।
ଜାହ୍ନବ୍ୟା ମୁନିଶାର୍ଦୂଲ ତାନି ମେ ଶୃଣୁ ତତ୍ତ୍ୱତଃ ॥ ୨॥

ଗଙ୍ଗା ତ୍ରିପଥଗା ଦେବୀ ଶମ୍ଭୁମୌଲିବିହାରିଣୀ ।
ଜାହ୍ନବୀ ପାପହନ୍ତ୍ରୀ ଚ ମହାପାତକନାଶିନୀ ॥ ୩॥

ପତିତୋଦ୍ଧାରିଣୀ ସ୍ରୋତସ୍ୱତୀ ପରମବେଗିନୀ ।
ବିଷ୍ଣୁପାଦାବ୍ଜସମ୍ଭୂତା ବିଷ୍ଣୁଦେହକୃତାଲୟା ॥ ୪॥

ସ୍ୱର୍ଗାବ୍ଧିନିଲୟା ସାଧ୍ୱୀ ସ୍ୱର୍ଣଦୀ ସୁରନିମ୍ନଗା ।
ମନ୍ଦାକିନୀ ମହାବେଗା ସ୍ୱର୍ଣଶୃଙ୍ଗପ୍ରଭେଦିନୀ ॥ ୫॥

ଦେବପୂଜ୍ୟତମା ଦିବ୍ୟା ଦିବ୍ୟସ୍ଥାନନିବାସିନୀ ।
ସୁଚାରୁନୀରରୁଚିରା ମହାପର୍ୱତଭେଦିନୀ ॥ ୬॥

ଭାଗୀରଥୀ ଭଗବତୀ ମହାମୋକ୍ଷପ୍ରଦାୟିନୀ ।
ସିନ୍ଧୁସଙ୍ଗଗତା ଶୁଦ୍ଧା ରସାତଲନିବାସିନୀ ॥ ୭॥

ମହାଭୋଗା ଭୋଗବତୀ ସୁଭଗାନନ୍ଦଦାୟିନୀ ।
ମହାପାପହରା ପୁଣ୍ୟା ପରମାହ୍ଲାଦଦାୟିନୀ ॥ ୮॥

ପାର୍ୱତୀ ଶିବପତ୍ନୀ ଚ ଶିବଶୀର୍ଷଗତାଲୟା ।
ଶମ୍ଭୋର୍ଜଟାମଧ୍ୟଗତା ନିର୍ମଲା ନିର୍ମଲାନନା ॥ ୯॥

ମହାକଲୁଷହନ୍ତ୍ରୀ ଚ ଜହ୍ନୁପୁତ୍ରୀ ଜଗତ୍ପ୍ରିୟା ।
ତ୍ରୈଲୋକ୍ୟପାବନୀ ପୂର୍ଣା ପୂର୍ଣବ୍ରହ୍ମସ୍ୱରୂପିଣୀ ॥ ୧୦॥

ଜଗତ୍ପୂଜ୍ୟତମା ଚାରୁରୂପିଣୀ ଜଗଦମ୍ବିକା ।
ଲୋକାନୁଗ୍ରହକର୍ତ୍ରୀ ଚ ସର୍ୱଲୋକଦୟାପରା ॥ ୧୧॥

ଯାମ୍ୟଭୀତିହରା ତାରା ପାରା ସଂସାରତାରିଣୀ ।
ବ୍ରହ୍ମାଣ୍ଡଭେଦିନୀ ବ୍ରହ୍ମକମଣ୍ଡଲୁକୃତାଲୟା ॥ ୧୨॥

ସୌଭାଗ୍ୟଦାୟିନୀ ପୁଂସାଂ ନିର୍ୱାଣପଦଦାୟିନୀ ।
ଅଚିନ୍ତ୍ୟଚରିତା ଚାରୁରୁଚିରାତିମନୋହରା ॥ ୧୩॥

ମର୍ତ୍ୟସ୍ଥା ମୃତ୍ୟୁଭୟହା ସ୍ୱର୍ଗମୋକ୍ଷପ୍ରଦାୟିନୀ ।
ପାପାପହାରିଣୀ ଦୂରଚାରିଣୀ ବୀଚିଧାରିଣୀ ॥ ୧୪॥

କାରୁଣ୍ୟପୂର୍ଣା କରୁଣାମୟୀ ଦୁରିତନାଶିନୀ ।
ଗିରିରାଜସୁତା ଗୌରୀଭଗିନୀ ଗିରିଶପ୍ରିୟା ॥ ୧୫॥

ମେନକାଗର୍ଭସମ୍ଭୂତା ମୈନାକଭଗିନୀପ୍ରିୟା ।
ଆଦ୍ୟା ତ୍ରିଲୋକଜନନୀ ତ୍ରୈଲୋକ୍ୟପରିପାଲିନୀ ॥ ୧୬॥

ତୀର୍ଥଶ୍ରେଷ୍ଠତମା ଶ୍ରେଷ୍ଠା ସର୍ୱତୀର୍ଥମୟୀ ଶୁଭା ।
ଚତୁର୍ୱେଦମୟୀ ସର୍ୱା ପିତୃସନ୍ତୃପ୍ତିଦାୟିନୀ ॥ ୧୭॥

ଶିବଦା ଶିବସାୟୁଜ୍ୟଦାୟିନୀ ଶିବବଲ୍ଲଭା ।
ତେଜସ୍ୱିନୀ ତ୍ରିନୟନା ତ୍ରିଲୋଚନମନୋରମା ॥ ୧୮॥

ସପ୍ତଧାରା ଶତମୁଖୀ ସଗରାନ୍ୱୟତାରିଣୀ ।
ମୁନିସେବ୍ୟା ମୁନିସୁତା ଜହ୍ନୁଜାନୁପ୍ରଭେଦିନୀ ॥ ୧୯॥

ମକରସ୍ଥା ସର୍ୱଗତା ସର୍ୱାଶୁଭନିବାରିଣୀ ।
ସୁଦୃଶ୍ୟା ଚାକ୍ଷୁଷୀତୃପ୍ତିଦାୟିନୀ ମକରାଲୟା ॥ ୨୦॥

ସଦାନନ୍ଦମୟୀ ନିତ୍ୟାନନ୍ଦଦା ନଗପୂଜିତା ।
ସର୍ୱଦେବାଧିଦେବୈଶ୍ଚ ପରିପୂଜ୍ୟପଦାମ୍ବୁଜା ॥ ୨୧॥

ଏତାନି ମୁନିଶାର୍ଦୂଲ ନାମାନି କଥିତାନି ତେ ।
ଶସ୍ତାନି ଜାହ୍ନବୀଦେବ୍ୟାଃ ସର୍ୱପାପହରାଣି ଚ ॥ ୨୨॥

ଯ ଇଦଂ ପଠତେ ଭକ୍ତ୍ୟା ପ୍ରାତରୁତ୍ଥାୟ ନାରଦ ।
ଗଙ୍ଗାୟାଃ ପରମଂ ପୁଣ୍ୟଂ ନାମାଷ୍ଟଶତମେବ ହି ॥ ୨୩॥

ତସ୍ୟ ପାପାନି ନଶ୍ୟନ୍ତି ବ୍ରହ୍ମହତ୍ୟାଦିକାନ୍ୟପି ।
ଆରୋଗ୍ୟମତୁଲଂ ସୌଖ୍ୟଂ ଲଭତେ ନାତ୍ର ସଂଶୟଃ ॥ ୨୪॥

ଯତ୍ର କୁତ୍ରାପି ସଂସ୍ନାୟାତ୍ପଠେତ୍ସ୍ତୋତ୍ରମନୁତ୍ତମମ୍ ।
ତତ୍ରୈବ ଗଙ୍ଗାସ୍ନାନସ୍ୟ ଫଲଂ ପ୍ରାପ୍ନୋତି ନିଶ୍ଚିତମ୍ ॥ ୨୫॥

ପ୍ରତ୍ୟହଂ ପ୍ରପଠେଦେତଦ୍ ଗଙ୍ଗାନାମଶତାଷ୍ଟକମ୍ ।
ସୋଽନ୍ତେ ଗଙ୍ଗାମନୁପ୍ରାପ୍ୟ ପ୍ରୟାତି ପରମଂ ପଦମ୍ ॥ ୨୬॥

ଗଙ୍ଗାୟାଂ ସ୍ନାନସମୟେ ଯଃ ପଠେଦ୍ଭକ୍ତିସଂୟୁତଃ ।
ସୋଽଶ୍ୱମେଧସହସ୍ରାଣାଂ ଫଲମାପ୍ନୋତି ମାନବଃ ॥ ୨୭॥

ଗବାମୟୁତଦାନସ୍ୟ ଯତ୍ଫଲଂ ସମୁଦୀରିତମ୍ ।
ତତ୍ଫଲଂ ସମବାପ୍ନୋତି ପଞ୍ଚମ୍ୟାଂ ପ୍ରପଠନ୍ନରଃ ॥ ୨୮॥

କାର୍ତିକ୍ୟାଂ ପୌର୍ଣମାସ୍ୟାଂ ତୁ ସ୍ନାତ୍ୱା ସଗରସଙ୍ଗମେ ।
ଯଃ ପଠେତ୍ସ ମହେଶତ୍ୱଂ ଯାତି ସତ୍ୟଂ ନ ସଂଶୟଃ ॥ ୨୯॥

॥ ଇତି ଶ୍ରୀମହାଭାଗବତେ ମହାପୁରାଣେ ଶ୍ରୀଗଙ୍ଗାଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ॥

 ଗଙ୍ଗାଷ୍ଟୋତ୍ତରଶତନାମାବଲୀ

https://ganja-upasana.blogspot.com/2025/02/blog-post_82.html