ଗଙ୍ଗାଷ୍ଟକମ୍ ଶ୍ରୀ ହନୁମଦ୍ୱିରଚିତଂ
ଗଙ୍ଗାଷ୍ଟକମ୍
॥ ଶ୍ରୀଗଣେଶାୟ ନମଃ ॥
ଗଙ୍ଗାନଙ୍ଗାରିସଙ୍ଗା ସରିଦୁପରି ପରିକ୍ରୀଡମାନା ବିମାନା-
ଦବ୍ୟାଦବ୍ୟାଜଭାଜଃ କଲିତକଲିତମୋହାରି ମୋହାରିବାରି ॥
ଯତ୍କୂଲେ କୋଲକୋଲାହଲିନି ହଲିନିଭେ କେତକସ୍ୱଚ୍ଛକଚ୍ଛ-
ଚ୍ଛାୟାନାୟାସିକାୟାନୁପତନପବନଃ ସେବତେ ଦେବତେନ୍ଦ୍ରାନ୍ ॥ ୧॥
ମାତର୍ମାତଙ୍ଗସଙ୍ଗାସ୍ତିମିତତିମିତନୂର୍ଧାରି ବିସ୍ତାରି ବାରି
ତାରାକାରାନୁକାରା ତରଲତରଲକୈଶ୍ଚାମରୈଶ୍ଚାମରୀଣାମ୍ ।
ସାନ୍ତଃ ସ୍ୱାନ୍ତଃ କଦାନ୍ତଃଶମିତକଲିତମସ୍ତୋମଦାହଂ ମୁଦାହଂ
ଦକ୍ଷାଭିକ୍ଷାମିତାର୍ତିସ୍ତବ ଭବଦବସଂହାରିଶଙ୍କାରିହାରି ॥ ୨॥
ଯନ୍ନାପନ୍ନାସସୂରେ ସୁରଧୁନି ବିଧୁନିସ୍ୟନ୍ଦନିସ୍ପନ୍ଦଧୁର୍ୟେ
ଦେହଂ ତେଽହଂସଗେହଂ ବହତି ବହତି ସନ୍ମାନସଂ ମାନସଙ୍ଗାତ୍ ।
କିଂ ତେନ ସ୍ତେନଭାବଂ ଭବଭବିକମିଦଂ ବିଭ୍ରତାଦଭ୍ରତାପଂ
ବ୍ୟାୟତ୍ତେନାପ୍ତବାତପ୍ରସରସରଣିନାଂ ମଦ୍ୱିଧାନାଂ ବୁଧାନାମ୍ ॥ ୩॥
ଯୈନୋନ୍ମୀଲନ୍ମରାଲୀବିମଲକୁଲମିଲତ୍ସାରସୀ ସାରଶୀଲଂ
ଦୁଃଶୀଲୈଦେବି ? ଦେବୈରକଲିତମକଲି ତ୍ୱଦ୍ୱପୁବାର୍ୱିପୁଷ୍ଟୈଃ ।
ତେଷାଂ ଦ୍ୱେଷାଧିଦୋଷାକଲିତକଲିତରା ଶୃଙ୍ଖଲା ଶୃଙ୍ଖଲାନାମ୍ ।
ଛାୟାମାୟାନିକାୟାଦନନୁଗୁଣଗଣାଃ ସଂସ୍ରବନ୍ତି ଶ୍ରବନ୍ତି ॥ ୪॥
ବାତବ୍ୟାଧୂତନୂତାବଲିଗଲିତରଜୋରାଜିବିଭ୍ରାଜିତାଭ୍ରା
ଭ୍ରାମ୍ୟବୃଙ୍ଗାଲିକେଲୀକଲିତକଲକଲା ନଦନଂ ଦନ୍ମୁତୀୟମ୍ ।
ଅମ୍ଭସ୍ତମ୍ବେରମାଲୀମିଲଦମଲରଦାରବ୍ଧବିସ୍ରବ୍ଧରୋଧୋ
ରୋଧଃ କର୍ମାଦିକର୍ମପ୍ରସରସରଭସଂ ପ୍ରଶ୍ରୟେନାଶ୍ରୟନ୍ତେ ॥ ୫॥
ସର୍ପତ୍କର୍ପୂରପୂରୋଜ୍ଜ୍ୱଲଜଲପଟଲପ୍ରାଣିଭିଃ ପ୍ରାଣିତାର୍ଥେଽ
ତ୍ୟର୍ଥ ବ୍ୟର୍ଥଂ କୃତାର୍ଥ କୃତମପି ସୁକୃତୈର୍ମନ୍ୟତେ ଜନ୍ମ ତେଷାମ୍ ।
ସଂସାରାସାରକାରାସରଣିପରିଣତୈର୍ବନ୍ଧଭିର୍ବନ୍ଧମୁକ୍ତୈଃ
ଧୀର୍ମୁକ୍ତୈମୁକ୍ତିମୂର୍ତିର୍ଭଗବତି ! ଭବତୀ ଯୈରଦୃଷ୍ଟ୍ୟାରଦୃଷ୍ଟ୍ୟା ॥ ୬॥
ଲୋଲତ୍କଲ୍ଲୋଲକୋଲାହଲବହଲଦଲୋତ୍ତାଲବାଲାବିଲାସା ।
ବଂହଦ୍ୱୃନ୍ଦାରବନ୍ଦାକରଣିକରକରାସଙ୍ଗରିଙ୍ଗଦ୍ୱିହଙ୍ଗା ।
ଏକାଦୋଷାପ୍ୟଶେଷା ବିକରବିକରିଣାରମ୍ଭସଂରମ୍ଭବର୍ୟା
କୁର୍ୟାଦ୍ଧର୍ୟା ଧୁରୀଣାଂ ଭବିକମବିକଲଂ ସପ୍ରଭାବପ୍ରଭାବଃ ॥ ୭॥
ରାମାରାମାଭିରାମଂ ଚତୁରଗତୁରଗଂ । ତୁଙ୍ଗମାତଙ୍ଗସଙ୍ଗଂ
ଭ୍ରାଜ୍ୟଂ ପ୍ରାଜ୍ୟଂ ନ ରାଜ୍ୟଂ ଭଗବତି ଭବତି ପ୍ରେୟସେ ଶ୍ରେୟସେ ବା ।
ସେବା ତେ ବା କ୍କ ଦେବା ସୁରଶିରସି ଗିରା ନନ୍ଦତେ ବନ୍ଦତେ ଚେତ୍
ସିଦ୍ଧୀନାଂ ସିଦ୍ଧିସିନ୍ଧୋ ନ ତବନତରବଃ ସନିଧାନଂ ନିଧାନମ୍ ॥ ୮॥
ଗର୍ଭାବି ବି ଭୂୟଃ ପରିମଲପରିମାଲଂବରୋଲମ୍ବରୋଲୈ
ଚାଲୈଃ ପୁଷ୍ପଜାଲୈଃ ପଟୁବିଟପିତଟୀ ବିଭ୍ରତୀ ଶୁଭ୍ରତୀରା ।
ଧ୍ୱସ୍ତାଧିବ୍ୟାଧିବାଚାବିଧୁରବିଧୁସୁଧାମେଦୁରା ମେ ଦୁରାପଃ ।
ପାୟାନଃ ପାତୁ ଗୌରୀ ଗୁରୁଗିରିଶିରସି ସ୍ୱଃ ଶ୍ରବନ୍ତୀ ଶ୍ରବନ୍ତୀ ॥ ୯॥
ବରଂ ତ୍ୱଦୀୟେ ପୁଲିନେ ପୁଲିନ୍ଦା ମନ୍ଦାକିନୀକ୍ଷାଲିତପାପକନ୍ଦା ।
ମନ୍ଦାରମାଲାମଲକଣ୍ଠନାଲା ନ ଭୂମିପାଲା ନ ଚ ଲୋକପାଲାଃ ॥ ୧୦॥
ଇତି ଶ୍ରୀ ହନୁମଦ୍ୱିରଚିତଂ ଗଙ୍ଗାଷ୍ଟକଂ ସମ୍ପୂର୍ଣମ୍ ।
https://ganja-upasana.blogspot.com/2025/02/blog-post_10.html
Comments
Post a Comment