ଗଙ୍ଗାସାମ୍ରାଜ୍ୟକବଚମ୍

 ଗଙ୍ଗାସାମ୍ରାଜ୍ୟକବଚମ୍

॥ ଶ୍ରୀଗଣେଶାୟ ନମଃ ॥

ଶ୍ରୀଦେବ୍ୟୁବାଚ --
ଦେବେଶ! ପରମେଶାନ ! ଭକ୍ତାନୁଗ୍ରହକାରକ ! ।
ଗଙ୍ଗାୟାଃ କବଚଂ ବ୍ରୂହି ଯଦ୍ୟହଂ ତବ ବଲ୍ଲଭା ॥ ୧॥

ଶ୍ରୀଶିବ ଉବାଚ --
ଶୃଣୁ ଦେବି ! ପ୍ରବକ୍ଷ୍ୟାମି ଗଙ୍ଗାୟାଃ କବଚଂ ଶୁଭମ୍ ।
ଯସ୍ୟ ସ୍ମରଣମାତ୍ରେଣ ଭବେତ୍ସାକ୍ଷାନ୍ମହେଶ୍ୱରଃ ॥ ୨॥

ପୁତ୍ରପ୍ରଦମପୁତ୍ରାଣାଂ ଦରିଦ୍ରାଣାଂ ଧନପ୍ରଦମ୍ ।
ମୋକ୍ଷପ୍ରଦଂ ମୁମୁକ୍ଷୂଣାଂ ଶୃଣୁ ଚୈକମନା ପ୍ରିୟେ ! ॥ ୩॥

ଓଁ ଓଙ୍କାରୀ ବ୍ରହ୍ମରୂପା ବ୍ରହ୍ମହତ୍ୟାପହାରିଣୀ ।
ତାରିଣୀ ସର୍ୱଲୋକାନାଂ ଦାୟିନୀ ସର୍ୱସମ୍ପଦାମ୍ ॥ ୪॥

ସର୍ୱସୌଖ୍ୟକରୀ ସତ୍ୟଂ କବଚଂ ତଦ୍ୱଦାମି ତେ ।

ଓଁ ଅସ୍ୟ ଶ୍ରୀଗଙ୍ଗାସାମ୍ରାଜ୍ୟକବଚମନ୍ତ୍ରସ୍ୟ
ଶ୍ରୀଭଗବାନ୍ ମହାଦେବ ଋଷିରନୁଷ୍ଟୁପ୍ଛନ୍ଦଃ,
ଶ୍ରୀଗଙ୍ଗାପରମେଶ୍ୱରୀ ଦେବତା,
ଓଁ ଐଂ ବୀଜଂ ହିଲି ହିଲି ମିଲି ମିଲି ଶକ୍ତିଃ,
ଗଙ୍ଗେ ମାଂ ପାବୟ ପାବୟ ସ୍ୱାହା ଇତି କୀଲକମ୍,
ଧର୍ମାର୍ଥକାମମୋକ୍ଷାର୍ଥେ ଜପେ ବିନୟୋଗଃ ।

ଓଁ ଶିରୋ ମେ ପ୍ରଣବଃ ପାତୁ ସର୍ୱସିଦ୍ଧିକରୀଶ୍ୱରୀ ॥ ୫॥

ଐଁ ବୀଜଂ ମେଂ ଶିଖାଂ ପାତୁ ଗଙ୍ଗା ତ୍ରୈଲୋକ୍ୟସୁନ୍ଦରୀ ।
ହ୍ରିଙ୍କାରୀ ମସ୍ତକେ ମେଽବ୍ୟାଲ୍ଲିକାରଂ ମେ ଲଲାଟକେ ॥ ୬॥

ପୁନଃ ପାତୁ ମହାମାୟା ହିକାରୀ ପରଦେବତା ॥ ୭॥

ମିକାରୀ ମୁଖମଧ୍ୟେ ତୁ ଲିକାରୀ ଶ୍ରୋତ୍ରୟୋର୍ମମ ।
କଣ୍ଠମଧ୍ୟେ ସଦା ପାତୁ ମିକାରୀ ବାଗ୍ୱିଲାସିନୀ ॥ ୮॥

ଲିକାରୀ ହୃଦୟଂ ରକ୍ଷେଦ୍ଗଙ୍ଗେ ପାପାପହାରିଣୀ ॥

ସ୍ତନଦ୍ୱନ୍ଦ୍ୱେ ସଦା ମେଽବ୍ୟାନ୍ମାଙ୍କାରୀ ପରମେଶ୍ୱରୀ ॥ ୯॥

ପାକାରୀ ପାର୍ଶ୍ୱୟୋଃ ପାତୁ ବକାରଂ ନାଭିଦେଶକେ ।
ଯକାରଂ ମେ କଟିଂ ପାତୁ ପାକାରୀ ଲିଙ୍ଗଦେଶକେ ॥ ୧୦॥

ପୁନଃ ପାକାରଂ ମେ ପାତୁ ଗୁହ୍ୟଦେଶେ ନିରନ୍ତରମ୍ ।
ବକାରଂ ଜଙ୍ଘୟୋଃ ପାତୁ ପକାରଂ ମମ ଜାନୁନୀ ॥ ୧୧॥

ସ୍ୱାକାରଂ ଗୁଲ୍ଫୟୋଃ ପାତୁ ହାକାରଂ ପାଦୟୋଃ ସଦା ।
ସର୍ୱାଙ୍ଗଂ ମେ ସଦା ପାତୁ ଗଙ୍ଗା ସବାର୍ଥସିଦ୍ଧିଦା ॥ ୧୨॥

ଇତୀଦଂ କବଚଂ ଦିବ୍ୟଂ ବ୍ରହ୍ମବିଦ୍ୟାକଲେବରମ୍ ।
ପଠନାଦ୍ବ୍ରହ୍ମସାୟୁଜ୍ୟଂ ପ୍ରାପ୍ନୁୟାନ୍ନାତ୍ର ସଂଶୟଃ ॥ ୧୩॥

ସପ୍ତମ୍ୟାଂ ବା ଚତୁର୍ଦଶ୍ୟାଂ ସଙ୍କ୍ରାନ୍ତୌ ଗ୍ରହଣେ ତଥା ।
ଯଃ ପଠେନ୍ନିତ୍ୟକୃଦ୍ ଭକ୍ତ୍ୟା ସର୍ୱସିଦ୍ଧୀଶ୍ୱରୋ ଭବେତ୍ ॥ ୧୪॥

ଇଦଂ କବଚମଜ୍ଞାତ୍ୱା ଗଙ୍ଗାଂ ଯୋ ଭଜତେଽଧମଃ ।
ଜନ୍ମଜନ୍ମ ଭବେନ୍ମୂର୍ଖୋ ଦରିଦ୍ରୋ ବ୍ୟାଧିସଂୟୁତଃ ॥ ୧୫॥

ତସ୍ମାଦବଶ୍ୟମେତତ୍ତୁ ଯଃ ପଠେନ୍ନିତ୍ୟମେବ ହି ।
ସର୍ୱସମ୍ପଦ୍ୟୁତୋ ଭୂତ୍ୱା ବ୍ରହ୍ମସାୟୁଜ୍ୟମାପ୍ନୁୟାତ୍ ॥ ୧୬॥

ଇତି ଶ୍ରୀଶିବଶିବାନନ୍ଦନାଥବିରଚିତଂ ଶ୍ରୀଗଙ୍ଗାସାମ୍ରାଜ୍ୟକବଚମ୍ ।

ଗଙ୍ଗାସ୍ତବଃ ୩ ଦରାଫଖାଂବିରଚିତଃ

https://ganja-upasana.blogspot.com/2025/02/blog-post_76.html