ଶ୍ରୀ ଗଙ୍ଗାସ୍ତବନମ୍ ଶ୍ରୀବିଷ୍ଣୁପ୍ରସାଦପାଣ୍ଡେୟଶାସ୍ତ୍ରୀବିରଚିତଂ
ଶ୍ରୀ ଗଙ୍ଗାସ୍ତବନମ୍
ମୁରାରେଃ ସର୍ୱସ୍ୱଂ ପ୍ରଚୁରତପସାଂ ଖଣ୍ଡପରଶୋଃ
ଫଲଂ ଭୂଭଦ୍ରାଜା ସୁସମତନୁଜାୟାଃ ପ୍ରିୟସଖୀ
ବିରଞ୍ଚେର୍ୱେଦାର୍ଥାମୃତସରସଧାରେଭବଦନା-
ଽମ୍ବିକୋଚ୍ଚଂବର୍ଚସ୍ୟଂ କ୍ରମତ ଇହ ଜହ୍ନୋସ୍ତ୍ରିଭୁବନେ ॥ ୧॥
କମଣ୍ଡଲ୍ୱାଂ ଧାତ୍ରା ହରିଚରଣମାକ୍ଷାଲ୍ୟ ନିହିତା
ବୃହଜ୍ଜ୍ୟୋତୀରୂପା କଲୁଷମହିଷାମର୍ଦନପଟୁଃ ।
ମହାଦୁର୍ଗା ଦୁର୍ଗତ୍ୟତୁଲବଲଦାବାନଲଶିଖା
ତତଃ ଶୈବେ ମୂର୍ଧ୍ନି ପ୍ରସରସି ତତୋଽଙ୍କେ ହିମବତଃ ॥ ୨॥
କ୍ରମାଦେବଂ ଗଙ୍ଗେ ତ୍ରିପଥମଘମାଶ୍ରିତ୍ୟ ଭବତୀ
ଜଗତ୍ୟାଂ ଲୋକାନାଂ କଲିକଲୁଷମାଲାପ୍ରଶମନୀ ।
ବିଧତ୍ସେଽନାୟାସଂ ପ୍ରଗୁଣପୁରୁଷାର୍ଥଂଶ୍ଚ ଚତୁରୋ
ନିରାଶୋଽୟଂ ମାଭୂତ୍ ସକଲବିଧିହୀନଃ ଶରଣଦେ ॥ ୩॥
ଅଘୌଘାର୍ତାଃ କ୍ଷୁଦ୍ରାସ୍ତବ ସଲିଲପାନଂ ବିଦଧତୋ
ନିରାତଙ୍କା ରଙ୍କା ଅପି ଗଲିତପଙ୍କା ସୁକୃତିନଃ ।
ଦ୍ରୁତଂ ଭାବଂ ଭାବଂ ପ୍ରକୃତିସୁଖସନ୍ଦୋହପଦବୀଂ
ଲଭନ୍ତେଽଧ୍ୟାସୀନାଃ ସତତଶମସମ୍ପତ୍ତିମତୁଲାମ୍ ॥ ୪॥
ପୁନାନା ତ୍ୱଂ ଲୋକାନ୍ ଦଲିତଗୁରୁତାପାନ୍ ନିରୟତୋ
ହଠାତ୍ ତ୍ରାୟଂ ତ୍ରାୟଂ ତ୍ରିଦିବବନିତା ଲାଲିତତନୂନ୍ ।
ବିଧତ୍ସେ ଦୃଷ୍ଟ୍ୱୈତତ୍ଚ୍ଛମନଶମବାର୍ତା ବିରହିତା-
ଦସୀୟା ବୈ ଦୂତାଃ କଲକଲପସଂଶୋକବିଧୁରାଃ ॥ ୫॥
ଅହଂ ଶ୍ରାବଂ ଶ୍ରାବଂ ବିରୁଦଶରଣୋଽନ୍ତେ ବ୍ୟବସିତୋ
ନିଜୋଦ୍ଧାରେ ମାତର୍ୱିବୁଧତଟିନି ପ୍ରାଜ୍ୟତମସାମ୍ ।
ମହାଗାରୋ ମନ୍ଦୋ ମଦନମଧନୋଲ୍ଲାସିତଜଟେ
କଥଞ୍ଚିନ୍ନୋପେକ୍ଷ୍ୟସ୍ତବ ବିମୃଶକଂ ଯାମି ଶରଣମ୍ ॥ ୬॥
ଅୟେ ମାତସ୍ତ୍ରୟ୍ୟର୍ପିତକୁଶଲଭାରଃ ସୁଖମହଂ
ଶୟେ ନବ୍ୟାସଙ୍ଗସ୍ତ୍ୱଦିତରସମାରାଧନବିଧୋ ।
ବିଧେୟା ନୋହେଲେଷଦପି ମମ ନିସ୍ତାରସମୟ
ଋତେ ତ୍ୱତ୍କୋ ନାମ କ୍ଷଣମପି ନିରୀକ୍ଷେତ ବଦନମ୍ ॥ ୭॥
ନଭସ୍ୱାନ୍ତେ ଲୋଲୋର୍ମିପ୍ରପଦବଲୀମ୍ପ୍ରାପ୍ୟ ପୟସାଂ
ମହୈନଃ ସମ୍କ୍ଷୋଭାଦ୍ୱିକଲବିଧିସମ୍ମର୍ଦବିହିତଃ ।
ମରାବାଶ୍ଲିଷ୍ୟନ୍ୟଦ୍ ଯଦୁପରତଦେହଂ ଚଲିତବାନ୍
ଅହୋ ସୋଽମ୍ବ ପ୍ରାପ୍ତଃ ସୁରପତିପୁରନ୍ତତ୍ ପ୍ରମୁଦିତଃ ॥। ୮॥
ଲଲାଟେଷୂତ୍କୀର୍ଣାଂ ବିଧିବିହିତ ଦୁଲେଖି ବିତତିଂ
ଜନାନାମାତାର୍ତ୍ନାଂ ତବ ସବିଧଗାନାଂ ତିରୟସି ।
ନିଶମ୍ୟୈତନ୍ମାଂ ତତ୍ସ୍ୱଶରଣସମାୟାତମଧୁନା
ସମୁଦ୍ଧର୍ତୁଂ ମାତଃ ପରିକରବିଧିତ୍ସା ଭବତୁ ମେ ॥ ୯॥
ଇତି ଶ୍ରୀବିଷ୍ଣୁପ୍ରସାଦପାଣ୍ଡେୟଶାସ୍ତ୍ରୀବିରଚିତଂ ଶ୍ରୀଗଙ୍ଗାସ୍ତବନଂ ସମ୍ପୂର୍ଣମ୍ ॥
https://ganja-upasana.blogspot.com/2025/02/blog-post_45.html
Comments
Post a Comment