ଓଷଧିଭିଃ କୃତଂ ଗଙ୍ଗାସ୍ତୋତ୍ରମ୍ ୮
ଓଷଧିଭିଃ କୃତଂ ଗଙ୍ଗାସ୍ତୋତ୍ରମ୍ ୮
(ଓଷଧିଭିଃ କୃତଂ ଗଙ୍ଗାସ୍ତୋତ୍ରମ୍)
ଓଷଧ୍ୟ ଊଚୁଃ ।
କିଂ ବାଽକରିଷ୍ୟନ୍ଭବବର୍ତିନୋ ଜନା ନାନାଘସଙ୍ଘାଭିଭବାଚ୍ଚ ଦୁଃଖିତାଃ ।
ନ ଚାଽଽଗମିଷ୍ୟଦ୍ଭବତୀ ଭୁବଂ ଚେତ୍ପୁଣ୍ୟୋଦକେ ଗୌତମି ଶମ୍ଭୁକାନ୍ତେ ॥ ୯॥
କୋ ବେତ୍ତି ଭାଗ୍ୟଂ ନରଦେହଭାଜାଂ ମହୀଗତାନାଂ ସରିତାମଧୀଶେ ।
ଏଷାଂ ମହାପାତକସଙ୍ଘହନ୍ତ୍ରୀ ତ୍ୱମମ୍ବ ଗଙ୍ଗେ ସୁଲଭା ସଦୈବ ॥ ୧୦॥
ନ ତେ ବିଭୂତିଂ ନନୁ ବେତ୍ତି କୋଽପି ତ୍ରୈଲୋକ୍ୟବନ୍ଦ୍ୟେ ଜଗଦମ୍ବ ଗଙ୍ଗେ ।
ଗୌରୀସମାଲିଙ୍ଗିତବିଗ୍ରହୋଽପି ଧତ୍ତେ ସ୍ମରାରିଃ ଶିରସାଽପି ଯତ୍ତ୍ୱାମ୍ ॥ ୧୧॥
ନମୋଽସ୍ତୁ ତେ ମାତରଭୀଷ୍ଟଦାୟିନି ନମୋଽସ୍ତୁ ତେ ବ୍ରହ୍ମମୟେଽଘନାଶିନି ।
ନମୋଽସ୍ତୁ ତେ ବିଷ୍ଣୁପଦାବ୍ଜନିଃସୃତେ ନମୋଽସ୍ତୁ ତେ ଶମ୍ଭୁଜଟାବିନିଃସୃତେ ॥ ୧୨॥
ଇତି ବ୍ରହ୍ମପୁରାଣେ ଏକୋନବିଂଶାଧିକଶତତମାଧ୍ୟାୟାନ୍ତର୍ଗତଂ
ଓଷଧିଭିଃ କୃତଂ ଗୌତମୀ (ଗଙ୍ଗା)ସ୍ତୋତ୍ରଂ ସମ୍ପୂର୍ଣମ୍ ।
ବ୍ରହ୍ମପୁରାଣ । ଅଧ୍ୟାୟ ୧୧୯/୯-୧୨॥
କଣ୍ୱମହର୍ଷିଣା କୃତଂ ଗଙ୍ଗାସ୍ତୋତ୍ରମ୍ ୯ https://ganja-upasana.blogspot.com/2025/02/blog-post_87.html
Comments
Post a Comment